ವಂದೇ ಭಾರತ್‌ನಲ್ಲಿ ಹಾವು–ಏಣಿ ಆಟ!

Team Udayavani, Feb 12, 2023, 7:45 AM IST

ಹೊಸದಿಲ್ಲಿ : ಈಗಾಗಲೇ ಹಲವು ವೈಶಿಷ್ಟ್ಯಗಳಿಂದ ಜನರ ಮನಸೆಳೆದಿರುವ ವಂದೇ ಭಾರತ್‌ ಟ್ರೈನ್‌ ಮತ್ತೊಂದು ಅಚ್ಚರಿಯ ಸೌಲಭ್ಯದೊಂದಿಗೆ ಪ್ರಯಾ­ಣಿಕರಿಗೆ ಹತ್ತಿರವಾಗುತ್ತಿದೆ.

ಆ ನೂತನ ಸೌಲಭ್ಯವೇ “ವಂದೇ ಭಾರತ್‌ ಹಾವು ಏಣಿ ‘. ಹೌದು ಟ್ರೈನ್‌ನಲ್ಲಿನ ಪ್ರಯಾಣಿಕರಿಗೆ ಬೇಸರ­ವಾಗದಿರಲು ಅತ್ಯಂತ ಜನ ಪ್ರಿಯ ಆಟವಾದ ಹಾವು -ಏಣಿಯನ್ನು ಟ್ರೈನ್‌ನಲ್ಲಿ ಆಡುವುದಕ್ಕೆ ಅವಕಾಶ ಮಾಡಲಾಗಿದೆ.

ಇದಕ್ಕಾಗಿ ರೈಲ್ವೇ ಹಾವು ಏಣಿ ಬೋರ್ಡ್‌ ಗಳನ್ನಿಟ್ಟಿದ್ದು ಪ್ರಯಾಣಿಕರು ಈ ಸೌಲಭ್ಯ ವನ್ನು ಪಡೆದುಕೊಳ್ಳಬಹುದಾಗಿದೆ. ಸದ್ಯಕ್ಕೆ ಈ ವ್ಯವಸ್ಥೆ ಮುಂಬಯಿ-ಸೋಲಾಪುರ, ಮುಂಬಯಿ-­ಸಾಯಿ ನಗರ ಶಿರಡಿ ರೈಲುಗಳಲ್ಲಿ ಮಾತ್ರ ಲಭ್ಯವಿದೆ.

ರೈಲು ಆರಂಭವಾಗುವ ಸ್ಥಳವನ್ನು ಆಟದ ಆರಂಭಕ್ಕೆಂದು ಗುರುತಿಸಿದ್ದು, ತಲುಪುವ ಸ್ಥಳವನ್ನು ಅಂತಿಮ ನಿಲ್ದಾ ಣದ ಹೆಸರಿನಲ್ಲಿ ಗುರುತಿಸಲಾಗಿದೆ. ಸಂಚರಿಸುವ ಮಾರ್ಗಗಳನ್ನೇ ಏಣಿ ತಲುಪುವ ಸ್ಥಳಗಳನ್ನಾಗಿ ಗುರುತಿಸಲಾಗಿದೆ.