ಮಹಾಶಿವರಾತ್ರಿಗೆ 21 ಲಕ್ಷ ಜ್ಯೋತಿ ಸಮರ್ಪಣೆ: ಶಿವರಾಜ್‌ ಸಿಂಗ್‌ ಚೌಹಾಣ್‌

Team Udayavani, Feb 12, 2023, 10:54 PM IST

ಭೋಪಾಲ್‌: ಮಹಾಶಿವರಾತ್ರಿ ಹಿನ್ನೆಲೆ ಮಧ್ಯಪ್ರದೇಶದ ಉಜ್ಜೆ„ನಿ ಮಹಾಕಾಲೇಶ್ವರ ದೇವಾಲಯದಲ್ಲಿ 21 ಲಕ್ಷ ದೀಪಗಳನ್ನು ಬೆಳಗಿಸಲಾಗುತ್ತದೆ ಎಂದು ಮುಖ್ಯಮಂತ್ರಿ ಶಿವರಾಜ್‌ ಸಿಂಗ್‌ ಚೌಹಾಣ್‌ ಹೇಳಿದ್ದಾರೆ.

18ರಂದು ಶಿವರಾತ್ರಿ ಹಬ್ಬವಿರುವ ಹಿನ್ನೆಲೆ “ಶಿವಜ್ಯೋತಿ ಅರ್ಪಣಂ-2023′ ಕಾರ್ಯಕ್ರಮವನ್ನು ರಾಜ್ಯ ಸರ್ಕಾರ ಆಯೋಜಿಸಿದ್ದು, ಅದರ ಭಾಗವಾಗಿ 21 ಲಕ್ಷ ಜ್ಯೋತಿಗಳನ್ನು ಬೆಳಗಿಸಲು ನಿರ್ಧರಿಸಿದೆ.

ಕಳೆದವರ್ಷ 11,71,078 ಜ್ಯೋತಿಗಳನ್ನು ಬೆಳಗಿಸಲಾಗಿತ್ತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಈ ಸಂಬಂಧಿಸಿದ ಸಿಎಂ ನೇತೃತ್ವದಲ್ಲಿ ಸಭೆ ನಡೆಸಲಾಗಿದ್ದು, ಬಳಿಕ ಚೌಹಾಣ್‌ ರಾಜ್ಯದ ಜನೆತೆಗೆ ದೀಪ ಬೆಳಗಿಸುವ ಮೂಲಕ ಶಿವಕೃಪೆಗೆ ಪಾತ್ರರಾಗುವಂತೆ ಕರೆ ನೀಡಿದ್ದಾರೆ.ಇದೇ ರೀತಿ ಅಯೋಧ್ಯೆಯಲ್ಲಿಯೂ ಕೂಡ ದೀಪಾವಳಿ ಸಂದರ್ಭದಲ್ಲಿ 15.76 ಲಕ್ಷ ದೀಪಗಳನ್ನು ಬೆಳಗಿಸುವ ಮೂಲಕ ದೀಪೋತ್ಸವ ಆಚರಿಸಲಾಗಿತ್ತು.