ದಕ್ಷಿಣ ಆಫ್ರಿಕಾದಿಂದ ಭಾರತಕ್ಕೆ 12 ಚೀತಾಗಳು; ಮೂರು ವರ್ಷಗಳ ಪ್ರಯತ್ನದ ಫಲ

Team Udayavani, Feb 16, 2023, 2:41 PM IST

ನವದೆಹಲಿ: ಭಾರತಕ್ಕೆ ಫೆ. 18 ರಂದು (ಶನಿವಾರ) ದಕ್ಷಿಣ ಆಫ್ರಿಕಾದಿಂದ ಆಗಮಿಸುತ್ತಿರುವ 12 ಚೀತಾಗಳ ಸ್ಥಳಾಂತರವು, ಭಾರತ ಸರಕಾರ ಮೊದಲ ಬಾರಿಗೆ ಕಲ್ಪನೆಯನ್ನು ಹುಟ್ಟುಹಾಕಿದ ಮೂರು ವರ್ಷಗಳ ನಂತರ ಆಗುತ್ತಿದೆ.

ಭಾರತವು ಮೂಲತಃ ಉಭಯ ದೇಶಗಳ ನಡುವಿನ ತಿಳುವಳಿಕೆಗಾಗಿ ಯೋಜನೆಗಳನ್ನು ಪ್ರಾರಂಭಿಸಿತ್ತು, ಇದು ಚೀತಾಗಳ ಆಗಮನ ಮುಂದೂಡಿಕೆಗೆ ಕಾರಣವಾಗಿತ್ತು, ಲಿಂಪೊಪೊ ಪ್ರಾಂತ್ಯದ ಮೀಸಲು ಪ್ರದೇಶದಲ್ಲಿ ಚೀತಾಗಳು ಕ್ವಾರಂಟೈನ್ ಮುಂದುವರೆಸಿದ್ದವು.

ಜನವರಿ 2020 ರಲ್ಲಿ, ಸುಪ್ರೀಂ ಕೋರ್ಟ್ ದಕ್ಷಿಣ ಆಫ್ರಿಕಾದ ಚೀತಾಗಳನ್ನು ಭಾರತದಲ್ಲಿ ಸೂಕ್ತವಾದ ಆವಾಸಸ್ಥಾನಕ್ಕೆ ಪರಿಚಯಿಸಲು ಕೇಂದ್ರ ಸರಕಾರಕ್ಕೆ ಅನುಮತಿ ನೀಡಿತ್ತು. ಅವುಗಳು ಹೊಂದಿಕೊಳ್ಳಬಹುದೇ ಎಂದು ಪರೀಕ್ಷಿಸಲು ದಕ್ಷಿಣ ಆಫ್ರಿಕಾದಲ್ಲಿ ಚೀತಾ ಮೆಟಾಪೋಪ್ಯುಲೇಶನ್‌ನ ಸಂಯೋಜಕ ವಿನ್ಸೆಂಟ್ ವ್ಯಾನ್ ಡೆರ್ ಮೆರ್ವೆ ಸಂಗ್ರಹಿಸಿದ ವರದಿ ತಿಳಿಸಿದೆ.

ನಮೀಬಿಯಾದಿಂದ ದಕ್ಷಿಣ ಆಫ್ರಿಕಾದ ಚೀತಾಗಳನ್ನು ಪರಿಚಯಿಸಲು ಅನುಮತಿ ಕೋರಿ ರಾಷ್ಟ್ರೀಯ ಹುಲಿ ಸಂರಕ್ಷಣಾ ಪ್ರಾಧಿಕಾರ (NTCA) ಸಲ್ಲಿಸಿದ ಅರ್ಜಿಗೆ ಪ್ರತಿಕ್ರಿಯೆಯಾಗಿ ಈ ತೀರ್ಪು ಬಂದಿದೆ. ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ನಮೀಬಿಯಾದಿಂದ ಎಂಟು ಚೀತಾಗಳನ್ನು ಭಾರತಕ್ಕೆ ತರಲಾಗಿತ್ತು.

ಚೀತಾಗಳು ಶುಕ್ರವಾರ ಸಂಜೆ ಜೋಹಾನ್ಸ್‌ಬರ್ಗ್‌ನ ಓ ಆರ್ ಟ್ಯಾಂಬೊ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಹೊರಡಲಿದ್ದು, ಶನಿವಾರ ಬೆಳಗ್ಗೆ ಮಧ್ಯಪ್ರದೇಶದ ಗ್ವಾಲಿಯರ್ ಏರ್ ಫೋರ್ಸ್ ಬೇಸ್‌ಗೆ ಆಗಮಿಸುವ ನಿರೀಕ್ಷೆಯಿದೆ, ನಂತರ ಸ್ವಲ್ಪ ಸಮಯದ ನಂತರ ಶಿಯೋಪುರಕ್ಕೆ ಸಾಗಿಸಲಾಗುತ್ತದೆ.ಈ ಉದ್ದೇಶಕ್ಕಾಗಿ ಭಾರತೀಯ ವಾಯುಪಡೆಯು ಮುಚ್ಚಿದ ಬಾಗಿಲುಗಳೊಂದಿಗೆ ಹೆವಿ ಲಿಫ್ಟ್ ಹೆಲಿಕಾಪ್ಟರ್‌ಗಳನ್ನು ಸಿದ್ಧವಿರಿಸಲಾಗಿದೆ. ಚೀತಾಗಳನ್ನು ಮಧ್ಯ ಪ್ರದೇಶದ ಕೂನೋ ನ್ಯಾಶನಲ್ ಪಾರ್ಕ್ ಗೆ ಕೊಂಡೊಯ್ಯಲಾಗುತ್ತದೆ.

ಕಳೆದ ವರ್ಷ ಸೆಪ್ಟೆಂಬರ್ 17 ರಂದು ನಮೀಬಿಯಾದಿಂದ ಕುನೊ ರಾಷ್ಟ್ರೀಯ ಉದ್ಯಾನವನಕ್ಕೆ ತರಲಾದ ಎಂಟು ಚೀತಾಗಳನ್ನು ಬಿಡುಗಡೆ ಮಾಡುವ ಮೂಲಕ ಪ್ರಧಾನಿ ನರೇಂದ್ರ ಮೋದಿ ಅವರು ವಿಶ್ವದ ಮೊದಲ ಇಂಟರ್-ಕಾಂಟಿನೆಂಟಲ್ ಚೀತಾ ಸ್ಥಳಾಂತರ ಯೋಜನೆಗೆ ಚಾಲನೆ ನೀಡಿದ ಐದು ತಿಂಗಳ ನಂತರ ಎರಡನೇ ಬ್ಯಾಚ್ ಚೀತಾಗಳು ಬರುತ್ತಿವೆ.