ಬೀಡಿ ಕಂಟ್ರಾಕ್ಟ್ ದಾರರ ಹೆಚ್ಚುವರಿ ಕಮಿಷನ್‌ 2.60 ರೂ. ಹೆಚ್ಚಳಕ್ಕೆ ಒಪ್ಪಿಗೆ

Team Udayavani, Feb 17, 2023, 12:06 AM IST

ಮಂಗಳೂರು: ದಕ್ಷಿಣ ಕನ್ನಡ, ಉಡುಪಿ, ಕಾಸರಗೋಡು ಜಿಲ್ಲೆಗಳಲ್ಲಿ ಬೀಡಿ ಕೈಗಾರಿಕೆಗಳಲ್ಲಿ ಕೆಲಸ ನಿರ್ವಹಿಸುತ್ತಿರುವ ಬೀಡಿ ಕಂಟ್ರಾಕ್ಟರುದಾರರಿಗೆ 2022-23ರಲ್ಲಿ ನೀಡಲು ಬಾಕಿಯಾದ ಹೆಚ್ಚುವರಿ ಕಮಿಷನ್‌ಗಾಗಿ ಆಡಳಿತ ವರ್ಗಕ್ಕೆ ವಿವಿಧ ಬೀಡಿ ಗುತ್ತಿಗೆದಾರರ ಸಂಘಟನೆಗಳು ಸಲ್ಲಿಸಿದ ಮನವಿಗೆ ಮಾಲಕರ ಒಕ್ಕೂಟ ಸ್ಪಂದಿಸಿದೆ.

ಇದರಂತೆ ಸಹಾಯಕ ಕಾರ್ಮಿಕ ಆಯುಕ್ತ ಶಿವಕುಮಾರ್‌ ಅವರ ನೇತೃತ್ವದಲ್ಲಿ ಜಂಟಿ ಸಭೆ ನಡೆದು ಸುದೀರ್ಘ‌ ಚರ್ಚೆಯಾದ ಪರಿಣಾಮ ಉಭಯಸ್ಥರ ನಡುವೆ 1 ಸಾವಿರ ಬೀಡಿಗೆ ಹಿಂದೆ ಪಾವತಿಸುತ್ತಿದ್ದ ಕಮಿಷನ್‌ 26.75 ರೂ.ಗೆ ಹೆಚ್ಚುವರಿಯಾಗಿ 2.60 ರೂ. ಸೇರಿಸಿ 29.35 ರೂ. ನೀಡಲು ಒಪ್ಪಲಾಯಿತು ಎಂದು ಬೀಡಿ ಗುತ್ತಿಗೆದಾರರ ಸಂಘಟನೆ ಪ್ರಮುಖರಾದ ಮಹಮ್ಮದ್‌ ರಫಿ ತಿಳಿಸಿದ್ದಾರೆ.

ಬೀಡಿ ಕೈಗಾರಿಕೆ ಒಕ್ಕೂಟದ ಅಧ್ಯಕ್ಷರಾದ ಜಗನ್ನಾಥ ಶೆಣೈ, ಸುಬ್ರಾಯ ಎಂ. ಪೈ, ಆನಂದ ಪ್ರಭು, ಅಭಿಷೇಕ್‌ ಪೈ, ಸತೀಶ್‌ ಪೈ, ಬೀಡಿ ಗುತ್ತಿಗೆದಾರರ ಸಂಘಟನೆ ಪ್ರಮುಖರಾದ ಮಹಮ್ಮದ್‌ ರಫಿ, ರವಿ ಉಡುಪಿ, ಹರೀಶ್‌ ಕೆ.ಎಸ್‌., ಕೃಷ್ಣಪ್ಪ ತೊಕ್ಕೊಟ್ಟು, ಗಂಗಾಧರ ಶೆಟ್ಟಿ ಪುತ್ತೂರು, ಸಿ. ಮೊಹಮ್ಮದ್‌ ಬೆಳ್ತಂಗಡಿ, ಕೃಷ್ಣ ಕಾಸರಗೋಡು ಭಾಗವಹಿಸಿದ್ದರು.