ಆಸೀಸ್ ನಲ್ಲಿ ಬಂದಿದೆ ಹಾರುವ ಕಾರ್‌ ! ಒಂದು ಬಾರಿ ಚಾರ್ಜ್‌ ಮಾಡಿದರೆ 360 ಕಿಮೀ ಪ್ರಯಾಣ

Team Udayavani, Feb 23, 2023, 7:35 AM IST

ಮೆಲ್ಬೋರ್ನ್ : ರಸ್ತೆ ಮೇಲೆ ಕಾರ್‌ರೇಸ್‌ ನಡೆಸುವುದನ್ನು ನೋಡಿರುತ್ತೀರಿ, ಆಕಾಶದಲ್ಲಿ ಕಾರ್‌ ರೇಸ್‌ ನೋಡಿದ್ದೀರಾ ? ಆ ಕಾಲವೂ ದೂರವೇನಿಲ್ಲ ಯಾಕಂದರೆ ಆಕಾಶದಲ್ಲಿ ಹಾರಬಲ್ಲ ಎಂಕೆ4 ಕಾರ್‌ ಒಂದನ್ನು ಆಸ್ಟ್ರೇಲಿಯಾ ಮೂಲದ ಕಂಪನಿ ಬಿಡುಗಡೆಗೊಳಿಸಿದೆ.

ಅಲೌದಾ ಏರೋನಾಟಿಕ್ಸ್‌ ಎನ್ನುವ ಸಂಸ್ಥೆ ಆಕಾಶದಲ್ಲಿ ಹಾರಬಲ್ಲ ರೇಸಿಂಗ್‌ ಕಾರ್‌ “ಏರ್‌ ಸ್ಪೀಡರ್‌ ಎಂಕೆ4′ ಅನ್ನು ಅಭಿವೃದ್ಧಿ ಪಡಿಸಿ, ಬಿಡುಗಡೆಗೊಳಿಸಿದೆ. ಈಗಾಗಲೇ ಜಗತ್ತಿನ ಚಿತ್ತ ಈ ಕಾರಿನತ್ತ ನೆಟ್ಟಿದೆ. ಜಗತ್ತಿನಲ್ಲೇ ಅತ್ಯಂತ ವೇಗವಾಗಿ ಟೇಕ್‌ ಆಫ್ ಹಾಗೂ ಲ್ಯಾಂಡಿಂಗ್‌ ಆಗುವ ಕಾರ್‌ ಎನ್ನುವ ಖ್ಯಾತಿಯೂ ಎಂಕೆ4ಗೆ ಇದೆ.

ಈ ಕಾರ್‌ ಗಂಟೆಗೆ ಸರಿಸುಮಾರು 360 ಕಿ.ಮೀ. ಕ್ರಮಿಸಲಿದೆ. ಹೈಡ್ರೋಜನ್‌ ಟಬೋì ಜನರೇಟರ್‌ ಅಳವಡಿಕೆಯೊಂದಿರುವ ಕಾರ್‌, 300 ಕಿ.ಮೀ. ವ್ಯಾಪ್ತಿ ವರೆಗೆ ಹಾರಬಲ್ಲದು ಎಂದು ಸಂಸ್ಥೆ ತಿಳಿಸಿದೆ. ಮುಂದಿನ ವರ್ಷ ಆಕಾಶದಲ್ಲಿ ಕಾರ್‌ಗಳ ರೇಸ್‌ ಯೋಜಿಸುವ ಸಾಧ್ಯತೆಯಿದ್ದು, ಅದರಲ್ಲಿ ಎಂಕೆ4 ಭಾಗಿಯಾಗಲಿದೆ ಎಂದು ಹೇಳಿದೆ.