ಉಷಾದಿಂದ 54 ಬಗೆಯ ಸೀಲಿಂಗ್ ಫ್ಯಾನ್ ಗಳನ್ನೊಳಗೊಂಡ ಓನಿಯೋ ಸರಣಿ ಬಿಡುಗಡೆ

Team Udayavani, Feb 23, 2023, 9:43 PM IST

ನವದೆಹಲಿ: ಭಾರತದ ಪ್ರಮುಖ ಗೃಹೋಪಯೋಗಿ ಉತ್ಪನ್ನಗಳ ಬ್ರಾಂಡ್ ಆದ ಉಷಾ ಇಂಟರ್ನ್ಯಾಷನಲ್ 54 ವಿವಿಧ ಮಾದರಿಗಳನ್ನು ಒಳಗೊಂಡ ಓನಿಯೋ ಸರಣಿಯ ಫ್ಯಾನ್ ಗಳನ್ನು ಪರಿಚಯಿಸಿದೆ.

ಓನಿಯೋ ಸರಣಿಯಲ್ಲಿ ಲ್ಯಾಂಬ್ಡಾ, ಫಿ, ಅಪ್ಸಿಲಾನ್, ಪೈ, ಕಪ್ಪಾ ಮತ್ತು ರೋ ಎಂಬ ಆರು ಶ್ರೇಣಿಗಳಿವೆ. ಲ್ಯಾಂಬ್ಡಾ, ಫಿ ಮತ್ತು ಅಪ್ಸಿಲಾನ್ ಶ್ರೇಣಿಗಳು ಬಹುಕೋನದಲ್ಲಿ ಕಾರ್ಯಾಚರಿಸುವ ರಿಮೋಟ್ ನೊಂದಿಗೆ ಬರುತ್ತವೆ.

ಓನಿಯೋ ಸರಣಿಯು ಬಿಇಇ 5 ಸ್ಟಾರ್ ರೇಟಿಂಗ್ ಹೊಂದಿದೆ. ಶೇ. 100ರಷ್ಟು ತಾಮ್ರದ ಬಿಎಲ್ ಡಿ ಸಿ ಮೋಟರ್ ಹೊಂದಿದೆ. ಬಿಎಲ್ಡಿಸಿ ಮೋಟರ್ ಕಡಿಮೆ ವಿದ್ಯುತ್ ಬಳಸಿಕೊಂಡು ದೀರ್ಘ ಬಾಳಿಕೆ ನೀಡುತ್ತವೆ. ಅಲ್ಲದೇ ಶಬ್ದರಹಿತ ಕಾರ್ಯಾಚರಣೆ, ಹೆಚ್ಚಿನ ಗಾಳಿ ನೀಡುತ್ತವೆ ಎಂದು ಕಂಪೆನಿ ತಿಳಿಸಿದೆ.

ಈ ಸಂದರ್ಭದಲ್ಲಿ ಉಷಾ ಕಂಪೆನಿಯ ಸಿಇಒ ದಿನೇಶ್ ಛಾಬ್ರಾ ಮಾತನಾಡಿ, ಫ್ಯಾನ್ ಗಳ ತಯಾರಿಕೆಯಲ್ಲಿ ಮುಂಚೂಣಿಯಲ್ಲಿರುವ ಉಷಾ ದಿಂದ ಗ್ರಾಹಕರ ಅಭಿರುಚಿಗೆ ಅನುಗುವಣವಾಗಿ ಉತ್ಪನ್ನಗಳನ್ನು ಒದಗಿಸುವುದು ನಮ್ಮ ಧ್ಯೇಯವಾಗಿದೆ. ಓನಿಯೋ ಸರಣಿಯು ಸ್ಟೈಲಿಶ್ ಆಗಿದ್ದು, ವೈವಿಧ್ಯಮಯ ಬಣ್ಣಗಳ ಆಯ್ಕೆಯಲ್ಲಿ ದೊರಕುತ್ತವೆ. ಉಚಿತ ಅಳವಡಿಕೆ ಮತ್ತು ಎರಡು ವರ್ಷಗಳ ಉಚಿತ ಹೋಂ ಸರ್ವೀಸ್, ಮೋಟರ್ ಗೆ 2 ವರ್ಷಗಳ ವಾರಂಟಿಯೊಂದಿಗೆ ದೊರಕುತ್ತದೆ ಎಂದರು.