ಕಾರಿಗೆ ಢಿಕ್ಕಿ ಹೊಡೆದು, ಮಹಿಳೆ ಜೊತೆ ಅಸಭ್ಯ ವರ್ತನೆ: ಆರೋಪಿ ಬಂಧನ

Team Udayavani, Mar 2, 2023, 11:24 AM IST

ಗುರುಗ್ರಾಮ್:‌ ಮಹಿಳೆಯೊಬ್ಬರ ಕಾರಿಗೆ ಢಿಕ್ಕಿ ಹೊಡೆದು, ಆಕೆಯ ಜೊತೆ ಅಸಭ್ಯವಾಗಿ ವರ್ತಿಸಿದ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿರುವ ಘಟನೆ ಬುಧವಾರ (ಮಾರ್ಚ್‌ 1 ರಂದು ) ನಡೆದಿದೆ.

ದೆಹಲಿಯ ವಸಂತ್ ಕುಂಜ್ ಮೂಲದ ಅನ್ಸಲ್ ದೀಕ್ಷಿತ್(24) ಬಂಧಿತ ಆರೋಪಿ.

ಘಟನೆ ಹಿನ್ನೆಲೆ: ಖಾಸಗಿ ಬ್ಯಾಂಕ್‌ ವೊಂದರಲ್ಲಿ ಕೆಲಸ ಮಾಡುವ ಮಹಿಳೆ, ಕೆಲಸ ಮುಗಿದ ಬಳಿಕ ತನ್ನ ಡ್ರೈವರ್‌ ನೊಂದಿಗೆ ಕಾರಲ್ಲಿ ಮನೆಗೆ ಬರುತ್ತಿದ್ದರು. ಈ ವೇಳೆ ವಜೀರಾಬಾದ್ ಟ್ರಾಫಿಕ್ ಸಿಗ್ನಲ್ ಬಳಿ ಎಸ್‌ ಯುವಿ ಕಾರಿನಲ್ಲಿ ಬಂದ ಅನ್ಸಲ್ ದೀಕ್ಷಿತ್ ಮಹಿಳೆಯ ಕಾರಿಗೆ ಢಿಕ್ಕಿ ಹೊಡೆದಿದ್ದಾನೆ. ಆ ಬಳಿಕ ಮಹಿಳೆಯ ಕಾರು ಚಾಲಕನೊಂದಿಗೆ ವಾಗ್ವಾದಕ್ಕೆ ಇಳಿದಿದ್ದಾನೆ.

ಇದಾದ ಬಳಿಕ ಕಾರಿನಲ್ಲಿದ್ದ ಮಹಿಳೆಯ ಜೊತೆ ಅಸಭ್ಯವಾಗಿ ವರ್ತಿಸಿ, ಕೆಟ್ಟ ಮಾತುಗಳಿಂದ ನಿಂದಿಸಿ, ಆಕೆಗೆ ಜೀವ ಬೆದರಿಕೆಯನ್ನು ಹಾಕಿದ್ದಾನೆ.

ಈ ಬಗ್ಗೆ ಪೊಲೀಸರಿಗೆ ದೂರು ಕೊಟ್ಟ ಬಳಿಕ ಕಾರನ್ನು ಜಪ್ತಿ ಮಾಡಿ, ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.