ಈ ದೇಶದಲ್ಲಿ ಟಾಪ್‌ಲೆಸ್‌ ಸ್ವಿಮ್ಮಿಂಗ್‌ಗೆ ಅವಕಾಶ…

Team Udayavani, Mar 13, 2023, 7:45 AM IST

ಬರ್ಲಿನ್‌: ಜರ್ಮನಿಯ ಬರ್ಲಿನ್‌ನಲ್ಲಿ ಮಹಿಳೆಯರು, ಪುರುಷರು ಎಂಬ ಭೇದವಿಲ್ಲದೆ ಸಾರ್ವಜನಿಕ ಈಜು ಕೊಳಗಳಲ್ಲಿ ಮೇಲಂಗಿ ಅಥವಾ ಮೇಲ್‌ವಸ್ತ್ರ ಇಲ್ಲದೇ ಈಜಲು ಸ್ಥಳೀಯ ಆಡಳಿತ ಅನುಮತಿ ನೀಡಿದೆ. “ಪುರುಷರಂತೆ ಮಹಿಳೆಯರನ್ನು ಸರಿಸಮನಾಗಿ ನಡೆಸಿಕೊಳ್ಳಬೇಕು.

ಮೇಲಂಗಿ ಇಲ್ಲದೇ ಪುರುಷರಿಗೆ ಈಜಲು ಅವಕಾಶ ನೀಡಿದಂತೆ ಸಾರ್ವಜನಿಕ ಈಜು ಕೊಳಗಳಲ್ಲಿ ಸೂರ್ಯ ಸ್ನಾನಕ್ಕೆ ಮೇಲ್‌ವಸ್ತ್ರ ಇಲ್ಲದೇ ಮಹಿಳೆಯರಿಗೂ ಅವಕಾಶ ನೀಡಬೇಕು,’ ಎಂದು ಕೋರಿ ಬರ್ಲಿನ್‌ ಪಾಲಿಕೆಯ ಒಂಬುಡ್ಸ್‌ಮೆನ್‌ ಕಚೇರಿಗೆ ಮಹಿಳೆಯರೊಬ್ಬರು ಮನವಿ ಸಲ್ಲಿಸಿದರು.

ಇದನ್ನು ಪುರಸ್ಕರಿಸಿರುವ ಬರ್ಲಿನ್‌ ಪಾಲಿಕೆ, ಮಹಿಳೆಯರು, ಪುರುಷರು, ತೃತೀಯಲಿಂಗಿಗಳು ಸೇರಿ ಎಲ್ಲರೂ ಮೇಲಂಗಿ ಇಲ್ಲದೆ ಅರೆ ನಗ್ನವಾಗಿ ಸಾರ್ವಜನಿಕ ಈಜು ಕೊಳಗಳಲ್ಲಿ ಈಜಲು ಅವಕಾಶ ನೀಡಿದೆ. ಇದಕ್ಕಾಗಿ ಬಟ್ಟೆಗಳ ನಿಯಮಗಳಲ್ಲಿ ಬದಲಾವಣೆ ತಂದಿದೆ.