Bizarre; ಇದು…ಊರ್ಫಿ ಜಾವೇದ್ ಅಲ್ಲ…ಈ ವ್ಯಕ್ತಿಯ ಚಮತ್ಕಾರಿ ವೇಷಭೂಷಣ ವಿಡಿಯೋ ವೈರಲ್!

ವಿಲಕ್ಷಣ ವಸ್ತುಗಳ ಫ್ಯಾಶನ್ ಸಾಮಾಜಿಕ ಜಾಲತಾಣದಲ್ಲಿ ಎಲ್ಲರ ಹುಬ್ಬೇರಿಸುವಂತೆ ಮಾಡಿದೆ.

Team Udayavani, Mar 20, 2023, 12:31 PM IST

Bizarre; ಇದು…ಊರ್ಫಿ ಜಾವೇದ್ ಅಲ್ಲ…ಈ ವ್ಯಕ್ತಿಯ ಚಮತ್ಕಾರಿ ವೇಷಭೂಷಣ ವಿಡಿಯೋ ವೈರಲ್!

ನವದೆಹಲಿ: ರೂಪದರ್ಶಿ, ಟಿವಿ ಸೀರಿಯಲ್ ನಟಿ ಊರ್ಫಿ ಜಾವೇದ್ ವಿಚಿತ್ರ ಫ್ಯಾಶನ್ ಮೂಲಕ ಸದಾ ಪ್ರಚಾರದಲ್ಲಿರುವುದನ್ನು ಕಾಣುತ್ತೇವೆ. ಆದರೆ ಟಿಕ್ ಟಾಕರ್ ತರುಣ್(tik toker tharun) ಎಂಬ ವ್ಯಕ್ತಿ ವಿಲಕ್ಷಣ ವೇಷಭೂಷಣದ ಮೂಲಕ ನೆಟ್ಟಿಗರ ಗಮನ ಸೆಳೆದಿದ್ದು, ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಇದನ್ನೂ ಓದಿ:ʼಉರಿಗೌಡ ಮತ್ತು ನಂಜೇಗೌಡʼ ಸಿನಿಮಾ ನಿರ್ಮಾಣ ಕೈಬಿಟ್ಟ ಸಚಿವ ಮುನಿರತ್ನ

ವಿಭಿನ್ನ ವಸ್ತು, ಬಟ್ಟೆಗಳ ವೇಷಭೂಷಣಗಳಿಂದ ಊರ್ಫಿ ಜಾವೇದ್ ವಿಡಿಯೋ ವೈರಲ್ ಆಗುತ್ತಿರುವ ನಡುವೆಯೇ ತರುಣ್ ಅವರ ವಿಲಕ್ಷಣ ವಸ್ತುಗಳ ಫ್ಯಾಶನ್ ಸಾಮಾಜಿಕ ಜಾಲತಾಣದಲ್ಲಿ ಎಲ್ಲರ ಹುಬ್ಬೇರಿಸುವಂತೆ ಮಾಡಿದೆ.

ತರುಣ್ ಎಂಬಾತ ಪ್ಲ್ಯಾಸ್ಟಿಕ್ ಚಮಚ, ಶ್ಯಾಂಪೋ ಪ್ಯಾಕೆಟ್ಸ್, ಬಳೆ, ಪಾತ್ರೆ ಕ್ಲೀನ್ ಮಾಡಲು ಉಪಯೋಗಿಸುವ ಬ್ರಷ್, ಹತ್ತಿ, ಪಟಾಕಿ ಸರಮಾಲೆ, ಪ್ಲ್ಯಾಸ್ಟಿಕ್ ಕವರ್, ಅಲ್ಯೂಮಿನಿಯಮ್, ಸ್ಟೀಲ್ ಪಾತ್ರೆಗಳನ್ನು ತಮ್ಮ ವೇಷಭೂಷಣಕ್ಕೆ ಬಳಕೆ ಮಾಡಿಕೊಳ್ಳುವ ಮೂಲಕ ಗಮನ ಸೆಳೆದಿದ್ದಾರೆ.

ತಮ್ಮ ವಿಲಕ್ಷಣ ವೇಷಭೂಷಣಗಳ ವಿಡಿಯೋವನ್ನು Instagramನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಬಳೆಗಳನ್ನೇ ಬಿಕಿನಿಯನ್ನಾಗಿ ಮಾಡಿಕೊಂಡಿರುವ ವಿಡಿಯೋವನ್ನು ಸಾವಿರಾರು ಮಂದಿ ವೀಕ್ಷಿಸಿದ್ದಾರೆ. ಅಷ್ಟೇ ಅಲ್ಲ ಕೃಷಿ ಚಟುವಟಿಕೆಯಲ್ಲಿ ತೊಡಗಿಕೊಂಡಿರುವ ಕೆಲವೊಂದು ಫೋಟೋಗಳನ್ನು ಕೂಡಾ ಸಾಮಾಜಿಕ ಜಾಲತಾಣದಲ್ಲಿ ತರುಣ್ ಶೇರ್ ಮಾಡಿಕೊಂಡಿದ್ದಾರೆ.