ವಲಸಿಗರನ್ನು ಹೊತ್ತೊಯ್ಯುತ್ತಿದ್ದ ದೋಣಿ ಮುಳುಗಿ 19 ಮಂದಿ ಮೃತ್ಯು: 4 ದಿನದಲ್ಲಿ 5ನೇ ಘಟನೆ

Team Udayavani, Mar 26, 2023, 11:51 AM IST

ನವದೆಹಲಿ: ಆಫ್ರಿಕನ್ ನಿರಾಶ್ರಿತರು ಮತ್ತು ವಲಸಿಗರನ್ನು ಹೊತ್ತೊಯ್ಯುತ್ತಿದ್ದ ದೋಣಿ ಮುಳುಗಿ ಕನಿಷ್ಠ 19 ಮಂದಿ ಮೃತಪಟ್ಟಿರುವ ಘಟನೆ ಟುನೀಶಿಯಾದಲ್ಲಿ ನಡೆದಿದೆ ಎಂದು ಭಾನುವಾರ ( ಮಾ.26 ರಂದು) ರಾಯಿಟರ್ಸ್ ವರದಿ ತಿಳಿಸಿದೆ.

ಕಳೆದ ನಾಲ್ಕು ದಿನಗಳಲ್ಲಿ, ಐದು ನಿರಾಶ್ರಿತರ ದೋಣಿಗಳು ದಕ್ಷಿಣದ ನಗರವಾದ ಸ್ಫ್ಯಾಕ್ಸ್‌ ನಲ್ಲಿ ಮುಳುಗಿವೆ. ಒಟ್ಟು 67 ಮಂದಿ ಕಾಣೆಯಾಗಿದ್ದಾರೆ ಮತ್ತು ಒಂಬತ್ತು ಮಂದಿ ಸಾವನ್ನಪ್ಪಿದ್ದಾರೆ.

ಇದನ್ನೂ ಓದಿ: ಕುತೂಹಲ ಮೂಡಿಸಿದ ಭೇಟಿ: ಸಿಎಂ ಬೊಮ್ಮಾಯಿ ಜತೆ ಒಂದು ಗಂಟೆ ಚರ್ಚಿಸಿದ ಸಾಹುಕಾರ್

ಶುಕ್ರವಾರ ( ಮಾ.24 ರಂದು) ಒಂದು ದೋಣಿ ಮುಳುಗಿ ಅದರಲ್ಲಿದ್ದ 34 ಮಂದಿ ನಾಪತ್ತೆಯಾಗಿದ್ದರು. ಇದೀಗ ಇಟಲಿ ಕಡೆ ಹೋಗುವ ಮತ್ತೊಂದು ದೋಣಿ ಮುಳುಗಿದ್ದು, 19 ಮಂದಿ ಮೃತಪಟ್ಟಿದ್ದಾರೆ ಎಂದು ವರದಿ ತಿಳಿಸಿದೆ.

ಯುಎನ್ ಮಾಹಿತಿಯ ಪ್ರಕಾರ, ಈ ವರ್ಷ ಇಟಲಿಯನ್ನು ತಲುಪಿದ ಕನಿಷ್ಠ 12,000 ನಿರಾಶ್ರಿತರು ಮತ್ತು ವಲಸಿಗರು ಟುನೀಶಿಯಾದಿಂದ ಪ್ರಯಾಣ ಬೆಳೆಸಿದ್ದಾರೆ.