ವೈಟ್‌ವಾಶ್‌ ತಪ್ಪಿಸಿಕೊಂಡ ಪಾಕಿಸ್ಥಾನ: ಕೊನೆಯ ಟಿ20 ಪಂದ್ಯದಲ್ಲಿ ಅಫ್ಘಾನ್‌ಗೆ ಸೋಲು

Team Udayavani, Mar 29, 2023, 6:27 AM IST

ಶಾರ್ಜಾ: ಅಂತಿಮ ಟಿ20 ಪಂದ್ಯದಲ್ಲಿ ಅಫ್ಘಾನಿಸ್ಥಾನಕ್ಕೆ 66 ರನ್ನುಗಳ ಭಾರೀ ಸೋಲುಣಿಸಿದ ಪಾಕಿಸ್ಥಾನ ವೈಟ್‌ವಾಶ್‌ ಕಳಂಕದಿಂದ ಪಾರಾಗಿದೆ.

ಸೋಮವಾರ ರಾತ್ರಿ ಶಾರ್ಜಾದಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ನಡೆಸಿದ ಪಾಕಿಸ್ಥಾನ 7 ವಿಕೆಟಿಗೆ 182 ರನ್‌ ಪೇರಿಸಿದರೆ, ಅಫ್ಘಾನ್‌ ಪಡೆ 18.4 ಓವರ್‌ಗಳಲ್ಲಿ 116ಕ್ಕೆ ಕುಸಿಯಿತು. ಮೊದಲೆರಡು ಮುಖಾಮುಖೀಗಳಲ್ಲಿ ಅಫ್ಘಾನಿಸ್ಥಾನ 6 ವಿಕೆಟ್‌ ಹಾಗೂ 7 ವಿಕೆಟ್‌ಗಳ ಜಯ ಸಾಧಿಸಿತ್ತು.

ಪಾಕ್‌ ಸಾಂ ಕ ಬ್ಯಾಟಿಂಗ್‌ ಮೂಲಕ ದೊಡ್ಡ ಮೊತ್ತ ದಾಖಲಿಸಿತು. ಆರಂಭಕಾರ ಸೈಮ್‌ ಅಯೂಬ್‌ ಸರ್ವಾಧಿಕ 49, ಇಫ್ತಿಕಾರ್‌ ಅಹ್ಮದ್‌ 31, ನಾಯಕ ಶಾದಾಬ್‌ ಖಾನ್‌ 28 ರನ್‌ ಹೊಡೆದರು. ಬೌಲಿಂಗ್‌ನಲ್ಲೂ ಮಿಂಚು ಹರಿಸಿದ ಶಾದಾಬ್‌ ಕೇವಲ 13 ರನ್‌ ವೆಚ್ಚದಲ್ಲಿ 3 ವಿಕೆಟ್‌ ಕಿತ್ತು ಅಫ್ಘಾನ್‌ಗೆ ಬರೆ ಎಳೆದರು. ಎಹಸಾನುಲ್ಲ ಕೂಡ 3 ವಿಕೆಟ್‌ ಉರುಳಿಸಿದರು.

ಸಂಕ್ಷಿಪ್ತ ಸ್ಕೋರ್‌: ಪಾಕಿಸ್ಥಾನ-7 ವಿಕೆಟಿಗೆ 182 (ಸೈಮ್‌ ಅಯೂಬ್‌ 49, ಇಫ್ತಿಕಾರ್‌ 31, ಶಾಬಾಬ್‌ 28, ಮುಜೀಬ್‌ 28ಕ್ಕೆ 2). ಅಫ್ಘಾನಿಸ್ಥಾನ-18.4 ಓವರ್‌ಗಳಲ್ಲಿ 116 (ಅಜ್ಮತುಲ್ಲ 21, ಗುರ್ಬಜ್‌ 18, ನಬಿ 17, ರಶೀದ್‌ ಖಾನ್‌ 16, ಶಾಬಾಬ್‌ 13ಕ್ಕೆ 3, ಎಹಸಾನುಲ್ಲ 29ಕ್ಕೆ 3). ಪಂದ್ಯಶ್ರೇಷ್ಠ: ಶಾಬಾದ್‌ ಖಾನ್‌. ಸರಣಿಶ್ರೇಷ್ಠ: ಮೊಹಮ್ಮದ್‌ ನಬಿ.