ಧಾರ್ಮಿಕ ಭಾವನೆಗಳಿಗೆ ಧಕ್ಕೆ: ನಟಿ ತಾಪ್ಸಿ ಪನ್ನು ವಿರುದ್ಧ ದೂರು ದಾಖಲು

Team Udayavani, Mar 29, 2023, 5:56 PM IST

ಮುಂಬಯಿ : ಬಾಲಿವುಡ್ ನಟಿ ತಾಪ್ಸಿ ಪನ್ನು ವಿರುದ್ಧ ಲಕ್ಷ್ಮೀ ದೇವಿಯ ಮೂರ್ತಿಯ ನೆಕ್ಲೇಸ್ ಧರಿಸಿದ ನಂತರ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತಂದ ಆರೋಪದ ಮೇಲೆ ದೂರು ದಾಖಲಾಗಿದೆ.

ಮಾರ್ಚ್ 12 ರಂದು ಮುಂಬೈನಲ್ಲಿ ನಡೆದ ಲ್ಯಾಕ್ಮೆ ಫ್ಯಾಶನ್ ವೀಕ್‌ನಲ್ಲಿ ರಾಂಪ್ ವಾಕ್‌ನ ಚಿತ್ರ ಮತ್ತು ವಿಡಿಯೋವನ್ನು ತಾಪ್ಸಿ ಪನ್ನು ಅಪ್‌ಲೋಡ್ ಮಾಡಿದ್ದರು. ಧಾರ್ಮಿಕ ಭಾವನೆಗಳನ್ನು ಉಲ್ಲಂಘಿಸಿದ ಮತ್ತು ಅಶ್ಲೀಲತೆಯನ್ನು ಹರಡಿದ ಆರೋಪದ ಮೇಲೆ ಹಿಂದ್ ರಕ್ಷಕ ಸಂಘಟನೆಯು ಪನ್ನು ವಿರುದ್ಧ ಆರೋಪವನ್ನು ದಾಖಲಿಸಿದೆ.

ಬಿಜೆಪಿ ಶಾಸಕಿ ಮಾಲಿನಿ ಗೌರ್ ಅವರ ಪುತ್ರ, ಇಂದೋರ್ ಹಿಂದ್ ರಕ್ಷಕ ಸಂಘಟನೆಯ ಸಂಚಾಲಕ ಏಕಲವ್ಯ ಸಿಂಗ್ ಗೌರ್ ಈ ಆರೋಪ ಮಾಡಿದ್ದಾರೆ. ನಟಿ ತಾಪ್ಸಿ ಪನ್ನು ವಿರುದ್ಧ ಧಾರ್ಮಿಕ ಭಾವನೆಗಳು ಮತ್ತು ಧರ್ಮದ ಚಿತ್ರಣವನ್ನು ಘಾಸಿಗೊಳಿಸಿದ್ದಕ್ಕಾಗಿ ಏಕಲವ್ಯ ಗೌರ್ ಅವರಿಂದ ದೂರು ಸ್ವೀಕರಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಪಿಂಕ್’, ‘ಬ್ಲರ್’, ‘ಹಸೀನ್ ದಿಲ್ರುಬಾ’ ಮತ್ತು ಇತರ ಹಲವು ಚಿತ್ರಗಳ ಯಶಸ್ಸಿನ ಬಳಿಕ ಖ್ಯಾತರಾಗಿರುವ ನಟಿ ತಾಪ್ಸಿ ಕಾನೂನು ಕ್ರಮದ ಕುರಿತು ಇನ್ನೂ ಪ್ರತಿಕ್ರಿಯಿಸಿಲ್ಲ.