“ಬಿಗ್‌ ಬಾಸ್‌ ಒಂದು ಸ್ಕ್ರಿಪ್ಟ್‌ ಕಾರ್ಯಕ್ರಮ..” ಮಾಜಿ ಸ್ಪರ್ಧಿಯ ವ್ಲಾಗ್‌ ವೈರಲ್

Team Udayavani, Apr 1, 2023, 10:21 AM IST

ಮುಂಬಯಿ: ಬಿಗ್‌ ಬಾಸ್‌ ಟಿವಿ ಜಗತ್ತಿನ ಜನಪ್ರಿಯ ಕಾರ್ಯಕ್ರಮಗಳಲ್ಲೊಂದು. ನಾನಾ ಭಾಷೆಯಲ್ಲಿ ಬಿಗ್‌ ಬಾಸ್‌ ಕಾರ್ಯಕ್ರಮಗಳು ಪ್ರಸಾರವಾಗುತ್ತದೆ. 100 ದಿನ ಒಂದೇ ಮನೆಯಲ್ಲಿ ನಾನಾ ಕ್ಷೇತ್ರದ ಜನರು ಇದ್ದು, ಸ್ಪರ್ಧಿಸಿ ಬಿಗ್‌ ಬಾಸ್‌ ಟ್ರೋಫಿಯನ್ನು ಗೆಲ್ಲುತ್ತಾರೆ.

ಹಿಂದಿಯಲ್ಲಿ ಸಲ್ಮಾನ್‌ ಖಾನ್‌ ಬಿಗ್‌ ಬಾಸ್‌ ಕಾರ್ಯಕ್ರಮವನ್ನು ನಡೆಸಿಕೊಡುತ್ತಾರೆ. ಇತ್ತೀಚೆಗೆ ಹಿಂದಿ ಬಿಗ್‌ ಬಾಸ್‌ ನ 16ನೇ ಸೀಸನ್‌ ಮುಗಿದಿದೆ. ಹಲವು ಕಾರಣಗಳಿಂದ ಬಿಗ್‌ ಬಾಸ್‌ ವಿವಾದದ ಕಾರ್ಯಕ್ರಮವೂ ಆಗಿದೆ. ಬಿಗ್‌ ಬಾಸ್‌ ಆಯೋಜಕರು ತಮಗೆ ಬೇಕಾದ ಹಾಗೆ ಕಾರ್ಯಕ್ರಮವನ್ನು ತಿರುಗಿಸುತ್ತಾರೆ ಎನ್ನುವ ಆರೋಪ ಈ ಹಿಂದೆ ಹಲವು ಬಾರಿ ಕೇಳಿ ಬಂದಿದೆ.

ಹಿಂದಿ ಬಿಗ್‌ ಬಾಸ್‌ ಸೀಸನ್‌ 7 ರಲ್ಲಿ ಸ್ಪರ್ಧಿಯಾಗಿ ಭಾಗಿಯಾಗಿದ್ದ ನಟ ಅಪೂರ್ವ ಅಗ್ನಿಹೋತ್ರಿ ಹಾಗೂ ಅವರ ಪತ್ನಿ ಶಿಲ್ಪಾ ವ್ಲಾಗ್‌ ವೊಂದರಲ್ಲಿ ಬಿಗ್‌ ಬಾಸ್‌ ಕಾರ್ಯಕ್ರಮದ ಬಗ್ಗೆ ಮಾತನಾಡಿದ್ದು ಸುದ್ದಿಯಾಗಿದೆ.

ವ್ಲಾಗ್‌ ನಲ್ಲಿ ಪತ್ನಿ ಶಿಲ್ಪಾರ ಬಳಿ ಅಪೂರ್ವ ಬಿಗ್‌ ಬಾಸ್‌ ಸ್ಕ್ರಿಪ್ಟ್‌ ಕಾರ್ಯಕ್ರಮ ಅಲ್ವಾ? ಎಂದಿದ್ದಾರೆ ಇದಕ್ಕೆ ಶಿಲ್ಪಾ ಅಲ್ಲ ಸ್ಕ್ರಿಪ್ಟ್‌ ಕಾರ್ಯಕ್ರಮವಲ್ಲ. ನೀವು ವ್ಯಕ್ತಿಯಾಗಿ ಏನು ಮಾಡಬೇಕು ಅದನ್ನು ಮಾಡುತ್ತೀರಿ. ಯಾವುದಕ್ಕೂ ಆದರೂ ಪ್ರತಿಕ್ರಿಯೆ ನೀಡಿ, ಹೋರಾಡಿ, ನಿಮ್ಮ ದೃಷ್ಟಿಕೋನವನ್ನು ತೋರಿಸಿ ಎಂದು ಕಾರ್ಯಕ್ರಮ ಹೇಳುತ್ತದೆ ಎಂದು ಶಿಲ್ಪಾ ಹೇಳಿದ್ದಾರೆ.

ಇದನ್ನೂ ಓದಿ: ಹುಣಸೂರು: 50ಕ್ಕೂ ಹೆಚ್ಚು ಯುವಕರು ಕಾಂಗ್ರೆಸ್ ತೊರೆದು ಜೆಡಿಎಸ್ ಸೇರ್ಪಡೆ

ಆದರೆ ಇದಕ್ಕೆ ವಿರುದ್ಧವಾಗಿ ಅಪೂರ್ವ ಮಾತಾನಾಡಿದ್ದಾರೆ. ಇಲ್ಲ ಬಿಗ್‌ ಬಾಸ್‌ ಸ್ಕ್ರಿಪ್ಟ್‌ ಕಾರ್ಯಕ್ರಮ. ಚಾನೆಲ್‌ ಅವರಿಗೆ ಯಾರು, ಏನು ರಿಯಾಕ್ಟ್ ಮಾತನಾಡುತ್ತಾರೆ ಅನ್ನೋದು ಗೊತ್ತಿರುತ್ತದೆ. ಇದೇ ಕಾರಣದಿಂದ ಇತ್ತೀಚೆಗಿನ ಸೀಸನ್‌ ಗಳಲ್ಲಿ  ಜನ ಊಹಿಸಲು ಪ್ರಾರಂಭಿಸಿದ್ದಾರೆ. ಮೇಕರ್ಸ್‌ ಗಳು ಕೊನೆಗೆ ಬಲವಂತವಾಗಿ ಪ್ರೇಕ್ಷಕರ ಚಿತ್ತವನ್ನು ಬದಲಾಯಿಸಿ ತಮಗೆ ಏನು ಬೇಕೋ ಅದನ್ನು ಮಾಡಿ ಅಚ್ಚರಿಗೊಳಿಸುತ್ತಾರೆ.ಇದನ್ನು ನಾವು ಇತ್ತೀಚೆಗಿನ ಸೀಸನ್‌ ನಲ್ಲಿ ನೋಡಿದ್ದೇವೆ. ( ಪ್ರಿಯಾಂಕಾ ಚಾಹರ್ ಚೌಧರಿ ಅವರನ್ನು ಎಲ್ಲರೂ ಈ ಬಾರಿ ವಿಜೇತ ಎಂದು ಅಂದುಕೊಂಡಿದ್ದರು) ಪ್ರಿಯಾಂಕಾ ಚಾಹರ್ ಚೌಧರಿ ಬಗ್ಗೆ ಇನ್‌ ಡೈರೆಕ್ಟ್‌ ಆಗಿ ಹೇಳಿ, ಇದೊಂದು ಸ್ಕ್ರಿಪ್ಟ್‌ ಕಾರ್ಯಕ್ರಮವೆಂದರು.

ಬಿಗ್‌ ಬಾಸ್‌ 16ನೇ ಸೀಸನ್‌ ನಲ್ಲಿ ಎಂಸಿ ಸ್ಟ್ಯಾನ್‌, ಶಿವ ಠಾಕರೆಯೊಂದಿಗೆ ಪ್ರಿಯಾಂಕಾ ಚಾಹರ್ ಚೌಧರಿ ಅವರು ಫಿನಾಲೆಗೆ ತಲುಪಿದ್ದರು. ಪ್ರೇಕ್ಷಕರು ಪ್ರಿಯಂಕ ವಿಜೇತರಾಗುತ್ತಾರೆ ಎಂದು ಅಂದುಕೊಂಡಿದ್ದರು. ಆದರೆ ಅವರು ಸೆಕೆಂಡ್‌ ರನ್ನರ್‌ ಅಪ್‌ ಆಗಿ ಹೊರಹೊಮ್ಮಿದರು.