ಮಾರ್ಚ್‌ ಜಿಎಸ್ ಟಿ ಕಲೆಕ್ಷನ್‌1.60 ಲಕ್ಷ ಕೋಟಿ

Team Udayavani, Apr 2, 2023, 6:35 AM IST

ನವದೆಹಲಿ: ಮಾರ್ಚ್‌ನಲ್ಲಿ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ ಟಿ) ಸಂಗ್ರಹ ಮೊತ್ತ 1.60 ಲಕ್ಷ ಕೋಟಿ ರೂ.ಆಗಿದೆ. ಕಳೆದ ತಿಂಗಳು ತೆರಿಗೆ ಸಂಗ್ರಹದಲ್ಲಿ ಶೇ.13 ಏರಿಕೆಯಾಗಿದ್ದು ಮಾತ್ರವಲ್ಲದೆ ಈ ಮೊತ್ತ ಎರಡನೇ ಅತ್ಯಧಿಕವಾಗಿದೆ. 2022ರ ಏಪ್ರಿಲ್‌ನಲ್ಲಿ ಸಂಗ್ರಹವಾಗಿದ್ದ ಮೊತ್ತ 1.68 ಲಕ್ಷ ಕೋಟಿ ರೂ. ಆಗಿತ್ತು. ಜತೆಗೆ ಜಿಎಸ್‌ಟಿ ಅಡಿ ನೋಂದಣಿಗೊಂಡ ಉದ್ದಿಮೆಗಳ ಪ್ರಮಾಣ ಶೇ.91 ಆಗಿದೆ ಎಂದು ಕೇಂದ್ರ ವಿತ್ತ ಸಚಿವಾಲಯ ಶನಿವಾರ ತಿಳಿಸಿದೆ.

ನಿಕಟಪೂರ್ವ ವಿತ್ತೀಯ ವರ್ಷದಲ್ಲಿ ಒಟ್ಟಾರೆ ಜಿಎಸ್‌ಟಿ ಸಂಗ್ರಹ ಪ್ರಮಾಣ ಶೇ.22 ಏರಿಕೆಯಾಗಿದೆ. ನಗದು ಲೆಕ್ಕಾಚಾರದಲ್ಲಿ ಹೇಳುವುದಿದ್ದರೆ ಸಂಗ್ರಹವಾಗಿರುವುದು 18.10 ಲಕ್ಷ ಕೋಟಿ ರೂ. ಸರಾಸರಿ ಪ್ರತಿ ತಿಂಗಳು 1.51 ಲಕ್ಷ ಕೋಟಿ ರೂ. ಸಂಗ್ರಹವಾದಂತೆ ಆಗಿದೆ. ಇದರ ಜತೆಗೆ ಜಿಎಸ್‌ಟಿ ರಿಟರ್ನ್ಸ್ ಸಲ್ಲಿಕೆ ಪ್ರಮಾಣವೂ ದಾಖಲೆ ಪ್ರಮಾಣದಲ್ಲಿ ಇದೆ.