ಜನರ ಪಿಕ್‌ಪಾಕೆಟ್‌ ಮಾಡಲು ಸುಪಾರಿ: ಮಲ್ಲಿಕಾರ್ಜುನ ಖರ್ಗೆ

Team Udayavani, Apr 3, 2023, 6:20 AM IST

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರು ಜನರಿಂದ ಪಿಕ್‌ಪಾಕೆಟ್‌ ಮಾಡಲು ಗುತ್ತಿಗೆ ಪಡೆದಿದ್ದಾರೆ ಎಂದು ಕಾಂಗ್ರೆಸ್‌ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಆರೋಪಿಸಿದ್ದಾರೆ.

ಕೇಂದ್ರ ಸರ್ಕಾರದಿಂದ ಕೆಲವು ಅಗತ್ಯ ಔಷಧಗಳ ಬೆಲೆ ಏರಿಕೆ ಮಾಡಿರುವ ಬಗ್ಗೆ ಹಿಂದಿಯಲ್ಲಿ ಟ್ವೀಟ್‌ ಮಾಡಿರುವ ಅವರು, ” ಪ್ರಧಾನಿ ಮೋದಿ ಅವರು ಜನರ ಪಿಕ್‌ಪಾಕೆಟ್‌ ಮಾಡಲು ಸುಪಾರಿ(ಗುತ್ತಿಗೆ) ಪಡೆದಿದ್ದಾರೆ.

ಎ .1ರಿಂದ 384 ಅಗತ್ಯ ಔಷಧಗಳು ಹಾಗೂ 1,000ಕ್ಕೂ ಹೆಚ್ಚು ಇತರೆ ಔಷಧಗಳ ಬೆಲೆಯು ಶೇ.11ರಷ್ಟು ಏರಿಕೆಯಾಗಿದೆ’ ಎಂದು ಕೇಂದ್ರ ಸರ್ಕಾರ ಮತ್ತು ಪ್ರಧಾನಿ ವಿರುದ್ಧ ಬರೆದುಕೊಂಡಿದ್ದಾರೆ.

ಭೋಪಾಲ್‌ನಲ್ಲಿ ಶನಿವಾರ ನಡೆದ ಸಮಾರಂಭ ಉದ್ದೇಶಿಸಿ ಮಾತನಾಡಿದ್ದ ಪ್ರಧಾನಿ ನರೇಂದ್ರ ಮೋದಿ, “ನನ್ನ ವರ್ಚಸ್ಸನ್ನು ಹಾಳು ಮಾಡಲು ಭಾರತ ಮತ್ತು ವಿದೇಶದಲ್ಲಿ ಕುಳಿತ ಕೆಲವರು ಸುಪಾರಿ ನೀಡಿದ್ದಾರೆ,’ ಎಂದು ಹೇಳಿದ್ದರು.