ಸಾಂಸ್ಕೃತಿಕ ಕೇಂದ್ರದ ಅತಿಥಿಗಳಿಗೆ ಹಲ್ವಾದೊಂದಿಗೆ 500 ರ ನಕಲಿ ನೋಟು ಕೊಟ್ಟ ಅಂಬಾನಿ ಕುಟುಂಬ!

Team Udayavani, Apr 3, 2023, 11:50 AM IST

ಮುಂಬಯಿ: ಭಾರತ ಮತ್ತು ವಿದೇಶಗಳ ಕಲಾವಿದರು, ಧಾರ್ಮಿಕ ಮುಖಂಡರು, ಕ್ರೀಡಾಳುಗಳು ಮತ್ತು ಉದ್ಯಮಿಗಳ ಜತೆಗೆ ದೇಶದ ಗಣ್ಯ ವ್ಯಕ್ತಿಗಳ ಸಮ್ಮುಖದಲ್ಲಿ ನೀತಾ ಮುಕೇಶ್ ಅಂಬಾನಿ ಸಾಂಸ್ಕೃತಿಕ ಕೇಂದ್ರದ  ಉದ್ಘಾಟನೆ ಇತ್ತೀಚೆಗೆ ಆಗಿದೆ.

ಅದ್ಧೂರಿ ಸಮಾರಂಭದಲ್ಲಿ ಹತ್ತಾರು ಸೆಲೆಬ್ರಿಟಿಗಳು ನೃತ್ಯ, ಮನರಂಜನೆಯನ್ನು ನೀಡಿದ್ದಾರೆ. ಬಂದಿರುವ ಅತಿಥಿಗಳಿಗೆ ಭಾರತೀಯ ಆಹಾರವನ್ನು ನೀಡಿದ್ದಾರೆ. ರೊಟ್ಟಿ, ದಾಲ್, ಪಾಲಾಕ್ ಪನೀರ್, ಕರಿ, ಹಲ್ವಾ, ಸಿಹಿತಿಂಡಿ, ಪಾಪಡ್ ಮತ್ತು ಲಡ್ಡೂ ಮುಂತಾದ ಭಾರತೀಯ ಭಕ್ಷ್ಯಗಳನ್ನು ನೀಡಿದ್ದಾರೆ.

ಈ ಭಕ್ಷ್ಯಗಳಲ್ಲಿ ಸಿಹಿ ತಿಂಡಿಯೊಂದರ ಜೊತೆ 500 ರೂ ನೋಟುಗಳನ್ನು ಇಟ್ಟಿರುವ ಫೋಟೋವೊಂದು ವೈರಲ್‌ ಆಗಿದೆ. ಉತ್ತರ ಭಾರತದ ಜನಪ್ರಿಯ ಸಿಹಿ ಖಾದ್ಯಗಳಲ್ಲಿ  ಒಂದಾಗಿರುವ ʼದೌಲತ್ ಕಿ ಚಾತ್ʼ ನೊಂದಿಗೆ 500 ರೂ. ನೋಟುಗಳನ್ನು ಅತಿಥಿಗಳಿಗೆ ನೀಡಿದ್ದಾರೆ.

ಇದನ್ನೂ ಓದಿ:ಬೆಳೇಶ್ವರ ಮಹಾದೇವ್ ದೇವಸ್ಥಾನವನ್ನು ಕೆಡವಿದ ಇಂದೋರ್ ನಗರ ಪಾಲಿಕೆ

ಹಲ್ವಾ ರೀತಿಯಲ್ಲಿರುವ ʼದೌಲತ್ ಕಿ ಚಾತ್ʼ ಸಿಹಿಯನ್ನು ನೋಟುಗಳ ಜೊತೆಯೇ ನೀಡುವುದು ಕ್ರಮ. ಈ ನೋಟುಗಳು ನಿಜವಾದ ನೋಟುಗಳಲ್ಲ. ನಕಲಿ ನೋಟುಗಳು. ʼದೌಲತ್ ಕಿ ಚಾತ್ʼ ಸಿಹಿ ಪಕ್ಕದಲ್ಲಿ ನೋಟುಗಳನ್ನು ಇಡುತ್ತಾರೆ. ಈ ತಿಂಡಿ ಉತ್ತರ ಭಾರತದಲ್ಲಿ ಜನಪ್ರಿಯ ಖಾದ್ಯವಾಗಿದೆ.

ನೀತಾ ಅಂಬಾನಿ ಅವರ ಸಾಂಸ್ಕೃತಿಕ ಕೇಂದ್ರಕ್ಕೆ ಬಂದ ಅತಿಥಿಗಳಿಗೂ ಈ ತಿಂಡಿಯನ್ನು ನೀಡಲಾಗಿದೆ. ಅದರ ಫೋಟೋವನ್ನು ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.

ಸೂಪರ್ ಸ್ಟಾರ್ ರಜನಿಕಾಂತ್, ಅಮೀರ್ ಖಾನ್, ರಣವೀರ್ ಸಿಂಗ್, ದೀಪಿಕಾ ಪಡುಕೋಣೆ, ಪ್ರಿಯಾಂಕ್ ಚೋಪ್ರಾ, ವರುಣ್ ಧವನ್, ಸೋನಮ್ ಕಪೂರ್, ಅನುಪಮ್ ಖೇರ್, ಜಾವೇದ್ ಅಖ್ತರ್, ಶಬಾನಾ ಅಜ್ಮಿ, ಸುನೀಲ್ ಶೆಟ್ಟಿ, ಶಾಹಿದ್ ಕಪೂರ್, ವಿದ್ಯಾ ಬಾಲನ್, ಆಲಿಯಾ ಭಟ್, ದಿಯಾ ಮಿರ್ಜಾ, ಶ್ರದ್ಧಾ ಕಪೂರ್, ರಾಜು ಹಿರಾನಿ, ತುಷಾರ್ ಕಪೂರ್ ಸೇರಿದಂತೆ ಎಮ್ಮಾ ಚೇಂಬರ್ಲೇನ್, ಗಿಗಿ ಅವರಂತಹ ಅಂತಾರಾಷ್ಟ್ರೀಯ ಖ್ಯಾತಿಯ ಮಾಡೆಲ್‌ಗಳು ಭಾಗವಹಿಸಿ ಸಾಂಸ್ಕ್ರೃತಿಕ ಸಂಜೆಯ ರಂಗನ್ನು ಹೆಚ್ಚಿಸಿದ್ದರು.