ಸಿಗದ Congress ಟಿಕೆಟ್; ದೆಹಲಿಯಲ್ಲಿ BJP ಸೇರ್ಪಡೆಯಾದ ನಾಗರಾಜ್ ಛಬ್ಬಿ

Team Udayavani, Apr 9, 2023, 7:00 PM IST

ನವದೆಹಲಿ : ಟಿಕೆಟ್ ಸಿಗದೆ ಆಕ್ರೋಶಗೊಂಡಿದ್ದ ಕಾಂಗ್ರೆಸ್ ಮುಖಂಡ ನಾಗರಾಜ್ ಛಬ್ಬಿ ಭಾನುವಾರ ದೆಹಲಿಯಲ್ಲಿ ಬಿಜೆಪಿ ಸೇರ್ಪಡೆಯಾಗಿದ್ದಾರೆ.

ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ, ಸಿಎಂ ಬಸವರಾಜ ಬೊಮ್ಮಾಯಿ, ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಮತ್ತು ಸಚಿವ ಗೋವಿಂದ್ ಕಾರಜೋಳ ಅವರ ಸಮ್ಮುಖದಲ್ಲಿ ಬಿಜೆಪಿಗೆ ಸೇರ್ಪಡೆಯಾಗಿದ್ದಾರೆ.

#WATCH | Congress leader Nagaraj Chabbi joined BJP in Delhi in the presence of Union Minister Pralhad Joshi, Karnataka CM Basavaraj Bommai, State BJP president Nalin Kumar Katil and cabinet minister Govind Karjol. pic.twitter.com/jdECW0UvRp

— ANI (@ANI) April 9, 2023

ಧಾರವಾಡ ಜಿಲ್ಲೆಯ ಕಲಘಟಗಿ ವಿಧಾನಸಭೆಯ ಕಾಂಗ್ರೆಸ್ ಟಿಕೆಟ್‌ ಗಾಗಿ ಕೊನೆ ಕ್ಷಣದ ವರೆಗೆ ಹೋರಾಟ ನಡೆಸಿದ್ದ ಛಬ್ಬಿ ಪಡೆಯುವಲ್ಲಿ ಯಶಸ್ವಿಯಾಗಲಿಲ್ಲ. ಕಾಂಗ್ರೆಸ್‌ ನಲ್ಲಿ ಬೆಲೆ ಸಿಗುತ್ತಿಲ್ಲ ಎಂದು ಪ್ರಾಥಮಿಕ ಸದಸ್ಯತ್ವಕ್ಕೆ ರಾಜೀನಾಮೆ ನೀಡಿದ್ದರು. ಬಿಜೆಪಿಯಿಂದ ಟಿಕೆಟ್‌ ಪಡೆಯಲು ತೀವ್ರ ಲಾಭಿ ನಡೆಸಿದ್ದು, ಟಿಕೆಟ್‌ ಕೊಟ್ಟರೆ ಸಂತೋಷ್‌ ಲಾಡ್‌ ವಿರುದ್ಧ ಸೆಡ್ಡು ಹೊಡೆಯಲು ಸಿದ್ಧರಾಗಿ ನಿಂತಿದ್ದಾರೆ.