ಬೇಸಿಗೆ ರಜೆಯ ಪ್ರಯುಕ್ತ ವಂಡರ್‌ಲಾ ವತಿಯಿಂದ “ಸಮ್ಮರ್‌ಲಾ ಫಿಯೆಸ್ಟಾ” ಆಯೋಜನೆ

Team Udayavani, Apr 22, 2023, 3:54 PM IST

ಬೆಂಗಳೂರು:  ಈ ಬಾರಿಯ ಬೇಸಿಗೆ ರಜೆಯನ್ನು ವಿಶೇಷವಾಗಿ ಆಚರಿಸುತ್ತಿರುವ ವಂಡರ್‌ಲಾ ಮೇ 31ರವರೆಗೆ “ಸಮ್ಮರ್‌ಲಾ ಫಿಯೆಸ್ಟಾವನ್ನು” ಆಯೋಜಿಸಿದೆ.

ಈ ಬೇಸಿಗೆಯಲ್ಲಿ ವಂಡರ್‌ಲಾಗೆ ಭೇಟಿ ನೀಡುವ ಪ್ರವಾಸಿಗರಿಗೆ ವಿಶೇಷ ಮನೋರಂಜನೆ ನೀಡುವ ಉದ್ದೇಶದಿಂದ ಹಲವು ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ.

ಬಿಎಂಟಿಸಿ ವೋಲ್ವೋ ಬಸ್‌ನಲ್ಲಿ ವಂಡರ್‌ಲಾಗೆ ಆಗಮಿಸುವವರು, ತಮ್ಮ ಟಿಕೆಟ್‌ ಅನ್ನು ತೋರಿಸಿದಲ್ಲಿ ಪಾರ್ಕ್‌ ಪ್ರವೇಶದರದಲ್ಲಿ ಶೇ.15ರಷ್ಟು ರಿಯಾಯಿತಿ ದೊರೆಯಲಿದೆ.

ಜೊತೆಗೆ, 10, 11, ಅಥವಾ 12ನೇ ತರಗತಿ ಪರೀಕ್ಷೆ ಬರೆದಿರುವ ವಿದ್ಯಾರ್ಥಿಗಳು ತಮ್ಮ ಹಾಲ್‌ ಟಿಕೆಟ್‌ ತೋರಿಸುವುದರಿಂದ ಪ್ರತಿ ಟಿಕೆಟ್‌ ಮೇಲೂ ಶೇ. 35ರಷ್ಟು ರಿಯಾಯಿತಿ ಪಡೆಯಬಹುದು. ಇನ್ನು, ಇತರೆ ಕಾಲೇಜು ವಿದ್ಯಾರ್ಥಿಗಳು ತಮ್ಮ ಐಡಿ ಕಾರ್ಡ್ ತೋರಿಸುವ ಮೂಲಕ ಶೇ. 20 ರಷ್ಟು ರಿಯಾಯಿತಿ ಕೊಡುಗೆ ಪಡೆಯಬಹುದು.  ಇದಲ್ಲದೆ, ಲೈವ್‌ಶೋ, ಫುಡ್‌ಫೆಸ್ಟಿವಲ್‌, ಫನ್‌ಗೇಮ್‌, ಅಕ್ರೋಬ್ಯಾಟಿಕ್ಸ್, ಡಿಜೆ ಸೇರಿದಂತೆ ಹಲವು ಕಾರ್ಯಕ್ರಮಗಳಿವೆ ಎಂದು ಪ್ರಕಟಣೆ ತಿಳಿಸಿದೆ‌.