ಚಾರ್​ಧಾಮ್ ದೇವಾಲಯದ ಆವರಣದಲ್ಲಿ ಜಿಯೋ ಟ್ರೂ 5ಜಿ ಸೇವೆ ಶುಭಾರಂಭ

Team Udayavani, Apr 27, 2023, 5:49 PM IST

ಡೆಹ್ರಾಡೂನ್/ಬದರೀನಾಥ್: ರಿಲಯನ್ಸ್ ಜಿಯೋ ತನ್ನ ಟ್ರೂ 5ಜಿ ಸೇವೆಯನ್ನು ದೇವಭೂಮಿ ಉತ್ತರಾಖಂಡದ ಚಾರ್​ಧಾಮ್-ಬದರೀನಾಥ್, ಕೇದಾರನಾಥ್, ಗಂಗೋತ್ರಿ ಮತ್ತು ಯಮುನೋತ್ರಿ ದೇವಾಲಯಗಳ ಆವರಣದಲ್ಲಿ ಪ್ರಾರಂಭಿಸಿದೆ. ಬದರೀನಾಥ್ ಧಾಮದ ಬಾಗಿಲು ತೆರೆಯುವ ಶುಭ ಸಂದರ್ಭದಲ್ಲಿ ಜಿಯೋ 5ಜಿ ಸೇವೆಯನ್ನು ಪ್ರಾರಂಭಿಸಲಾಗಿದೆ. ದೇಶದೆಲ್ಲೆಡೆಯಿಂದ ಚಾರ್​ಧಾಮ್​ಗೆ ಆಗಮಿಸುವ ಲಕ್ಷಾಂತರ ಭಕ್ತರು 5ಜಿಯ ಅಲ್ಟ್ರಾ ಹೈಸ್ಪೀಡ್​​ನ ಪ್ರಯೋಜನವನ್ನು ಪಡೆಯುವ ನಿರೀಕ್ಷೆಯಿದೆ.

ಬದರೀನಾಥ್ ಕೇದಾರನಾಥ್ ದೇವಾಲಯ ಸಮಿತಿ (ಬಿಕೆಟಿಸಿ) ಅಧ್ಯಕ್ಷ ಅಜೇಂದ್ರ ಅಜಯ್, ರಿಲಯನ್ಸ್ ಜಿಯೋ 5ಜಿ ಸೇವೆಯನ್ನು ಉದ್ಘಾಟಿಸಿದರು. ಉದ್ಘಾಟನಾ ಸಮಾರಂಭದಲ್ಲಿ ಬಿಕೆಟಿಸಿ ಉಪಾಧ್ಯಕ್ಷ ಕಿಶೋರ್ ಪನ್ವಾರ್, ಸಿಇಒ ಯೋಗೇಂದ್ರ ಸಿಂಗ್, ದೇವಾಲಯದ ಪ್ರಧಾನ ಅರ್ಚಕ ಈಶ್ವರ ಪ್ರಸಾದ್ ನಂಬೂದಿರಿ ಮತ್ತು ಜಿಯೋ ರಾಜ್ಯ ಮಟ್ಟದ ಅಧಿಕಾರಿಗಳು ಉಪಸ್ಥಿತರಿದ್ದರು.

ಜಿಯೋ ಟ್ರೂ 5ಜಿ ಪ್ರಾರಂಭಿಸುವ ಸಂದರ್ಭದಲ್ಲಿ ಮುಖ್ಯಮಂತ್ರಿ ಪುಷ್ಕರ್ ಸಿಂಗ್ ಧಾಮಿ ಅವರು, ‘ರಿಲಯನ್ಸ್ ಜಿಯೋ ಉತ್ತರಾಖಂಡದ ಚಾರ್​ಧಾಮ್​ ಆವರಣದಲ್ಲಿ ತನ್ನ 5ಜಿ ಸೇವೆಗಳನ್ನು ಪ್ರಾರಂಭಿಸಿದೆ. ಚಾರ್​ಧಾಮ್​ಯಾತ್ರೆಯ ಆರಂಭದಲ್ಲಿಯೇ 5ಜಿ ಸೇವೆಗಳನ್ನು ಪ್ರಾರಂಭಿಸಿದ್ದಕ್ಕಾಗಿ ಮತ್ತು ರಾಜ್ಯದ ಡಿಜಿಟಲ್ ಸ್ವರೂಪದಲ್ಲಿ ಬದಲಾವಣೆಯನ್ನು ತಂದಿದ್ದಕ್ಕಾಗಿ ನಾನು ಜಿಯೋವನ್ನು ಅಭಿನಂದಿಸುತ್ತೇನೆ ಮತ್ತು ಧನ್ಯವಾದ ಹೇಳುತ್ತೇನೆ’ ಎಂದು ವಿಡಿಯೋ ಸಂದೇಶದಲ್ಲಿ ತಿಳಿಸಿದರು.

‘ಈ ಸೌಲಭ್ಯದೊಂದಿಗೆ, ರಾಜ್ಯ ಮತ್ತು ದೇಶದ ವಿವಿಧ ಭಾಗಗಳಿಂದ ಬರುವ ಲಕ್ಷಾಂತರ ಯಾತ್ರಾರ್ಥಿಗಳು ಹೈಸ್ಪೀಡ್ ಡೇಟಾ ನೆಟ್​ವರ್ಕ್​ನ ಲಾಭವನ್ನು ಪಡೆಯಲು ಸಾಧ್ಯವಾಗುತ್ತದೆ. ಚಾರ್​ಧಾಮ್​ನಲ್ಲಿ 5ಜಿ ಸೇವೆಗಳನ್ನು ಯಶಸ್ವಿಯಾಗಿ ಪ್ರಾರಂಭಿಸುವುದರೊಂದಿಗೆ, ಪ್ರಮುಖ ನಗರಗಳಲ್ಲಿ ಮಾತ್ರವಲ್ಲದೆ ರಾಜ್ಯದ ದೂರದ ಧಾರ್ಮಿಕ ಸ್ಥಳಗಳಲ್ಲಿಯೂ 5ಜಿ ಸೇವೆಗಳನ್ನು ಒದಗಿಸುವ ತನ್ನ ಬದ್ಧತೆಯನ್ನು ಜಿಯೋ ಪಾಲಿಸಿದೆ. ಅಲ್ಲದೆ, ಜಿಯೋದ ಪ್ರಬಲವಾದ ಡೇಟಾ ನೆಟ್​ವರ್ಕ್​ ಸಹಾಯದಿಂದ, ಚಾರ್​ಧಾಮ್​ ಯಾತ್ರೆಯ ಸಮಯದಲ್ಲಿ, ನೈಜ-ಸಮಯದ ಆಧಾರದ ಮೇಲೆ ವಿಪತ್ತು ನಿರ್ವಹಣೆ, ಕಣ್ಗಾವಲು ಮತ್ತು ಯಾತ್ರೆಯ ಮೇಲ್ವಿಚಾರಣೆಯನ್ನು ಮಾಡಬಹುದು’ ಎಂದು ಪುಷ್ಕರ್ ಸಿಂಗ್ ಧಾಮಿ ವಿವರಿಸಿದರು.

ರಿಲಯನ್ಸ್ ಜಿಯೋದ ಉಪಸ್ಥಿತಿಯು ರಾಜಧಾನಿ ಡೆಹ್ರಾಡೂನ್​​ನಿಂದ ಇಂಡೋ-ಟಿಬೆಟ್ ಗಡಿಯಲ್ಲಿರುವ ಉತ್ತರಾಖಂಡದ ಕೊನೆಯ ಭಾರತೀಯ ಹಳ್ಳಿಯವರೆಗೆ ಗೋಚರಿಸುತ್ತದೆ. ಎಲ್ಲಾ ಚಾರ್​ಧಾಮ್​ಗಳಲ್ಲಿ, ಕೇದಾರನಾಥ ಧಾಮಕ್ಕೆ ಚಾರಣ ಮಾರ್ಗದಲ್ಲಿ ಮತ್ತು 13,650 ಮೀಟರ್ ಎತ್ತರದಲ್ಲಿರುವ ಹೇಮಕುಂಡ್ ಸಾಹಿಬ್ ಗುರುದ್ವಾರದಲ್ಲಿ ನೆಟ್​ವರ್ಕ್​ ಲಭ್ಯವಿರುವ ರಾಜ್ಯದ ಏಕೈಕ ಆಪರೇಟರ್ ಜಿಯೋ ಎನಿಸಿದೆ.

5ಜಿ ಸೇವೆ ಪ್ರಾರಂಭದ ಕುರಿತು ಮಾತನಾಡಿದ ಜಿಯೋ ವಕ್ತಾರರು, ‘ಚಾರ್​ಧಾಮ್​ ದೇವಾಲಯ ಆವರಣದಲ್ಲಿ ಜಿಯೋ ಟ್ರೂ 5ಜಿ ಸೇವೆಗಳನ್ನು ಪ್ರಾರಂಭಿಸಲು ನಾವು ಉತ್ಸುಕರಾಗಿದ್ದೇವೆ. ಜಿಯೋ ಟ್ರೂ 5ಜಿ ಉತ್ತರಾಖಂಡಕ್ಕೆ ಗೇಮ್ ಚೇಂಜರ್ ಎಂದರು.

ಇದನ್ನೂ ಓದಿ: Mumbai-Pune ಎಕ್ಸ್‌ಪ್ರೆಸ್‌ವೇನಲ್ಲಿ ಸರಣಿ ಅಪಘಾತ: 10 ಕ್ಕೂ ಹೆಚ್ಚು ವಾಹನಗಳು ಜಖಂ