ಕಲಬುರಗಿ: ಸುರಿವ ಮಳೆಯಲ್ಲೂ ಮತದಾರರ ಬಳಿ ಓಡಿ ಕ್ಷಮೆ ಕೇಳಿದ ಶಾಸಕ ಅಜಯಸಿಂಗ್

Team Udayavani, Apr 28, 2023, 2:17 PM IST

ಕಲಬುರಗಿ: ಜೇವರ್ಗಿಯಲ್ಲಿ ಭಾರಿ, ಮಳೆ, ಸಿಡಿಲು ಮತ್ತು ಬಿರುಗಾಳಿಗೆ ಕಾಂಗ್ರೆಸ್ ಪಕ್ಷದ ಸಮಾವೇಶದಲ್ಲಿ ಅಲ್ಲೋಲ ಕಲ್ಲೋಲ ಉಂಟಾಗಿದ್ದು, ಜನರಿಗೆ ಕ್ಷೇತ್ರದ ಮತದಾರರಿಗೆ ಆದ ಅನಾನೂಕೂಲಕ್ಕೆ ಶಾಸಕ ಹಾಗೂ ಅಭ್ಯರ್ಥಿ ಡಾ. ಅಜಯಸಿಂಗ್ ಮತದಾರರ ಬಳಿ ಓಡೋಡಿ ಹೋಗಿ ಕ್ಷಮೆಯಾಚಿಸಿದರು.

ಪ್ರತಿ ಬಾಕ್ಸ್ ಗಳ ಬಳಿ ಹೋಗಿ ಮಳೆ ನೀರಲ್ಲಿ ನಿಂತು ಕೈ ಮುಗಿದು ಕ್ಷಮೆ ಯಾಚಿದರು.

ನಿಮಗಾದ ಅನಾನೂಕೂಲಕ್ಕೆ ನಾನು ಕ್ಷಮೆ ಕೋರುತ್ತೇನೆ. ಬಿರು ಬಿಸಿಲಿನಲ್ಲೂ ಮಳೆರಾಯ ಕೃಪೆ ತೋರಿದ್ದಾನೆ. ರೈತಾಪಿ ವರ್ಗಕ್ಕೆ, ಮೂಕ ಪ್ರಾಣಿಗಳಿಗಾದರೂ ಅನುಕೂಲವಾಗುತ್ತದೆ. ಇದು ಶುಭ ಸಂಕೇತ. ಆದರೆ ನೀವು ಮಳೆಯಲ್ಲಿ ನೆನೆದು ಹೈರಾಣಾದಿರಿ ಎನ್ನತ್ತಾ ಕ್ಷಮೆ ಕೋರಿದರು.

ಸಮಾವೇಶಕ್ಕಾಗಿ ಹಾಕಿದ್ದ ವೇದಿಕೆ ಚೆನ್ನಾಗಿತ್ತು. ಆದರೆ ಪೆಂಡಾಲ್ ನೀರಿಗೆ ನೆನೆದು ಗಾಳಿಗೆ ಹಾರಿತು, ಕೆಲವಡೆ ಜನರು ಕುಳಿತುಕೊಳ್ಳಲು ತೊಂದರೆ ಅನುಭವಿಸಿದರು.

ಮುಖ್ಯ ವೇದಿಕೆ ಮುಂಭಾಗದಲ್ಲಿ ಮಾತ್ರ ಜನರು ಮಳೆಗೆ ಆಸರೆ ಪಡೆದರು. ಅಲ್ಲಿ ಮಳೆ ನಿರೋಧಕ ಪೆಂಡಾಲ್ ಹಾಕಲಾಗಿತ್ತು. ಉಳಿದಂತೆ ಇಡೀ ಕ್ರೀಡಾಂಗಣ ನೀರಿನಿಂದ ತುಂಬಿ ನಿಂತಿದೆ.