ಸಮಂತಾಗೆ ಗುಡಿ ಕಟ್ಟಿದ ಅಭಿಮಾನಿ..!

Team Udayavani, Apr 30, 2023, 7:41 AM IST

ಮುಂಬೈ: ಭಾರತದಲ್ಲಿ ಕಲೆಯನ್ನಷ್ಟೇ ಅಲ್ಲ, ಕಲಾವಿದರನ್ನೂ ಅತೀವವಾಗಿ ಗೌರವಿಸುವ, ದೇವರಂತೆ ಆರಾಧಿಸುವ ಅಭಿಮಾನಿಗಳೂ ಇದ್ದಾರೆ. ಖ್ಯಾತ ನಟಿ ಸಮಂತಾ ಅವರ ಅಂಥ ಅಭಿಮಾನಿಯೋರ್ವ ಅವರಿಗಾಗಿ ದೇಗುಲವನ್ನೇ ಕಟ್ಟಿಸಿ, ಸಮಂತಾರ ವಿಗ್ರಹ ಪ್ರತಿಷ್ಠಾಪಿಸಿದ್ದಾರೆ. ಅಲಪ್ಪಾಡು ಗ್ರಾಮದ ತೆನಾಲಿ ಸಂದೀಪ್‌ ಎನ್ನುವ ವ್ಯಕ್ತಿ, ಸಮಂತಾರ ಬಹುದೊಡ್ಡ ಅಭಿಮಾನಿ.

ಸಮಂತಾ ಹುಟ್ಟುಹಬ್ಬದ ಹಿನ್ನೆಲೆ ಸಂದೀಪ್‌ ತಮ್ಮ ನಿವಾಸದ ಆವರಣದಲ್ಲೇ ಸಣ್ಣದೊಂದು ಗುಡಿ ನಿರ್ಮಿಸಿ, ಅದರಲ್ಲಿ ಸಮಂತಾ ವಿಗ್ರಹ ಸ್ಥಾಪಿಸಿದ್ದಾರೆ. ಬರೀ ನಟನೆಯಲ್ಲಿ ಮಾತ್ರವಲ್ಲದೇ, ಸಮಾಜಸೇವೆ ಮುಖಾಂತರವೂ ಸಮಂತಾ ಮಾದರಿಯಾಗಿರುವ ಕಾರಣ, ಆಕೆ ಎಂದರೆ ನನಗೆ ಬಹಳ ಅಭಿಮಾನವಿದೆ. ದೊಡ್ಡ ಗುಡಿಯನ್ನೇ ಕಟ್ಟಿಸಬೇಕೆಂಬ ಹಂಬಲವಿತ್ತು. ಆದರೆ, ಹಣವಿಲ್ಲದ ಕಾರಣ ಹೀಗೊಂದು ಸಣ್ಣ ಗುಡಿ ಕಟ್ಟಿಸಿದ್ದೇನೆ ಎಂದು ಸಂದೀಪ್‌ ಹೇಳಿಕೊಂಡಿದ್ದಾರೆ. ಸಮಂತಾ ಬರ್ತ್‌ ಡೇಗಾಗಿ ಕೇಕ್‌ ಕಟ್‌ ಮಾಡಿ, ಸಂಭ್ರಮಿಸಿದ್ದು ಮಾತ್ರವಲ್ಲದೇ, ಬಡವರಿಗೆ ಅನ್ನದಾನವನ್ನೂ ಸಂದೀಪ್‌ ಮಾಡಿದ್ದಾರೆ.