ಹೊಸಕೋಟೆ ಗ್ರಾಮದಲ್ಲಿ ಸಚಿವ ನಿರಾಣಿ ರೋಡ್‌ ಶೋ

Team Udayavani, May 3, 2023, 9:21 AM IST

ಕೆರೂರ: ಬೀಳಗಿ ಮತಕ್ಷೇತ್ರದ ಬಾದಾಮಿ ತಾಲೂಕಿನ ಹೊಸಕೋಟೆ ಗ್ರಾಮದಲ್ಲಿ ಬಿಜೆಪಿ ಧುರೀಣ ಹನಮಂತಗೌಡ ಪಾಟೀಲ ನೇತೃತ್ವದಲ್ಲಿ ಸಚಿವ ಡಾ| ಮುರುಗೇಶ ನಿರಾಣಿ ರೋಡ್‌ ಶೋ ಮೂಲಕ ಮತಯಾಚನೆ ಮಾಡಿದರು.

ಸಚಿವ ನಿರಾಣಿ ಗ್ರಾಮಕ್ಕೆ ಬರುತ್ತಿದ್ದಂತೆ ಸುಮಂಗಲೆಯರು ಆರತಿಎತ್ತಿ,ಯುವಕರು ಘೋಷಣೆ ಕೂಗುತ್ತಾ,ವಿವಿಧ ವಾದ್ಯ ಮೇಳಗಳೊಂದಿಗೆ ಬರಮಾಡಿಕೊಂಡರು. ಪ್ರಮುಖ ಬೀದಿಗಳಲ್ಲಿ ಸಂಚರಿಸಿದ ರೋಡ ಶೋ ಹನಮಂತಗೌಡ ಪಾಟೀಲರ ಮನೆ ಹತ್ತಿರ ಸಭೆಯಾಗಿ ಮಾರ್ಪಟ್ಟಿತು.

ಡಾ| ಮುರುಗೇಶ ನಿರಾಣಿ ಮಾತನಾಡಿ, ಯೋಜನೆಗಳನ್ನು ವಿವರಿಸಿ ಅವುಗಳ ಅನುಷ್ಠಾನಕ್ಕಾಗಿ ಬಿಜೆಪಿ ಗೆಲ್ಲಿಸಿ ಎಂದರು.

ಹನಮಂತಗೌಡ ಪಾಟೀಲ, ಪ್ರಕಾಶ ನಾಯ್ಕ ಮಾತನಾಡಿದರು.ವೆಂಕಣ್ಣ ಯರಗಟ್ಟಿ, ಅಶೋಕ ನಾಯ್ಕ, ಮಲ್ಲಿಕಾರ್ಜುನ ಅಂಗಡಿ,ಪೀರಸಾಬ ಹಾಜಿಖಾನ, ತುಳಸಪ್ಪ ನಾಯ್ಕ ಭಾಗವಹಿಸಿದ್ದರು