ಇವರೇ ನಿಜವಾದ ಬಾಸ್…: ಕ್ರಿಕೆಟ್ ನ ರಿಯಲ್ ಬಾಸ್ ಬಗ್ಗೆ ಕೊಹ್ಲಿ ಉಲ್ಲೇಖ

Team Udayavani, May 4, 2023, 5:27 PM IST

ಬೆಂಗಳೂರು: ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧದ ಕಳೆದ ಪಂದ್ಯದಲ್ಲಿ ಗೌತಮ್ ಗಂಭೀರ್ ಜತೆಗಿನ ವಾಗ್ವಾದದ ಬಳಿಕ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ ಸುದ್ದಿಯಲ್ಲಿದ್ದಾರೆ. ಇದೀಗ ವಿರಾಟ್ ತನ್ನ ಸೋಶಿಯಲ್ ಮೀಡಿಯಾ ಪೋಸ್ಟ್ ನಿಂದ ಮತ್ತೆ ಸುದ್ದಿಯಾಗಿದ್ದಾರೆ.

ವೆಸ್ಟ್ ಇಂಡೀಸ್ ದಂತಕಥೆ ವಿವ್ ರಿಚರ್ಡ್ಸ್ ಅವರ ಹಳೆಯ ಸಂದರ್ಶನವನ್ನು ಕೊಹ್ಲಿ ಇನ್ಸ್ಟಾಗ್ರಾಮ್ ಸ್ಟೋರಿ ಹಾಕಿಕೊಂಡಿದ್ದು, ಅಲ್ಲದೆ “ದಿ ರಿಯಲ್ ಬಾಸ್” ಎಂಬ ಶೀರ್ಷಿಕೆ ನೀಡಿದ್ದಾರೆ.

ಇದನ್ನೂ ಓದಿ:Congress ಮಧ್ಯವರ್ತಿ ರಾವುತ್ : ಬೆಳಗಾವಿಯಲ್ಲಿ ಫಡ್ನವೀಸ್ ಆಕ್ರೋಶ

ಆ ಸಂದರ್ಶನದಲ್ಲಿ ವಿವಿಯನ್ ರಿಚರ್ಡ್ಸ್ ಅವರು ತಮ್ಮ ವೃತ್ತಿಜೀವನದಲ್ಲಿ ಅಂತಹ ಪರಿಕಲ್ಪನೆಯು ಅಸ್ತಿತ್ವದಲ್ಲಿದ್ದರೆ ಟೆಸ್ಟ್ ಕ್ರಿಕೆಟ್‌ನೊಂದಿಗೆ ಮುಗಿದ ನಂತರ ಐಪಿಎಲ್‌ ನಂತಹ ಟಿ 20 ಲೀಗ್‌ನಲ್ಲಿ ಆಡುವ ಬಯಕೆಯ ಬಗ್ಗೆ ಮಾತನಾಡಿದ್ದರು.

ಕ್ರಿಕೆಟ್ ಡಿಸ್ಟ್ರಿಕ್ಟ್‌ ಗೆ ನೀಡಿದ ಸಂದರ್ಶನದಲ್ಲಿ, ರಿಚರ್ಡ್ ಅವರು ಟಿ20 ಕ್ರಿಕೆಟ್ ಕಡೆಗೆ ತಮ್ಮ ಆಕರ್ಷಣೆಯ ಬಗ್ಗೆ ಮಾತನಾಡಿದರು. ಅವರು ಲೀಗ್‌ಗಳಲ್ಲಿ ಆಡಲು ಇಷ್ಟಪಡುತ್ತಿದ್ದರು ಎಂದು ಹೇಳಿದರು. ರಿಚರ್ಡ್ಸ್ ಟೆಸ್ಟ್ ಪಂದ್ಯಗಳಲ್ಲಿ 86.07 ಸ್ಟ್ರೈಕ್ ರೇಟ್ ಹೊಂದಿದ್ದ ವಿವ್ ಸಾರ್ವಕಾಲಿಕ ಅತ್ಯಂತ ಸ್ಫೋಟಕ ಬ್ಯಾಟರ್ ಗಳಲ್ಲಿ ಒಬ್ಬರಾಗಿದ್ದಾರೆ.

ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2023 ರ ನೀತಿ ಸಂಹಿತೆಯನ್ನು ಉಲ್ಲಂಘಿಸಿದ್ದಕ್ಕಾಗಿ ಕೊಹ್ಲಿ ಮತ್ತು ಗಂಭೀರ್‌ಗೆ ಭಾರಿ ದಂಡ ವಿಧಿಸಲಾಗಿದೆ.