ಕೇನ್ಸ್‌ ವೇದಿಕೆಯಲ್ಲಿ ಅನುಷ್ಕಾ ಕಮಾಲ್‌!

Team Udayavani, May 6, 2023, 8:17 AM IST

ಹೊಸದಿಲ್ಲಿ: ಇತ್ತೀಚಿನ ದಿನಗಳಲ್ಲಿ ಜಾಗತಿಕ ವೇದಿಕೆಗಳ ಮೇಲೆ ಭಾರತೀಯ ಚಿತ್ರರಂಗದ ತಾರೆಗಳ ಮೆರುಗು ಹೆಚ್ಚುತ್ತಿದೆ. ಆಸ್ಕರ್‌ ವೇದಿಕೆಯಲ್ಲಿ ದೀಪಿಕಾ ಪಡುಕೋಣೆ ಅವರ ಪ್ರಸ್ತುತಿ ಪ್ರಖ್ಯಾತವಾದ ಬೆನ್ನಲ್ಲೇ, ಇದೀಗ ಬಾಲಿವುಡ್‌ನ‌ ಮತ್ತೂಬ್ಬ ಖ್ಯಾತ ನಟಿಯಾಗಿರುವ ಅನುಷ್ಕಾ ಶರ್ಮಾ ಜಾಗತಿಕ ವೇದಿಕೆಯಲ್ಲಿ ಮಿಂಚಲು ಸಜ್ಜಾಗಿದ್ದಾರೆ.
ಹೌದು, ನಟನೆ ಮಾತ್ರವಲ್ಲದೇ, ತಮ್ಮ ಸ್ಟೈಲ್‌ ಮೂಲಕವೇ ಖ್ಯಾತರಾಗಿರುವ ನಟಿ ಅನುಷ್ಕಾ ಶರ್ಮಾ, ಯಾವುದೇ ಪಾತ್ರವಾಗಲಿ, ಕೆಲಸವಾಗಲಿ ಅದರಲ್ಲಿ ಪರ್ಫೆಕ್ಟ್ ಎಂದೇ ಹೆಸರು ಪಡೆದುಕೊಂಡಿದ್ದಾರೆ.ಅಂಥಾ ನಟಿಗೆ ಕೇನ್ಸ್‌ ಫಿಲ್ಮ್ ಫೆಸ್ಟಿವಲ್‌ ಈ ಬಾರಿ ಅತಿಥಿ ಸ್ಥಾನಕ್ಕೆ ಆಹ್ವಾನ ನೀಡಿದೆ.

ಸಿನೆಮಾದ ಕ್ಷೇತ್ರದಲ್ಲಿ ಮಹಿಳೆಯರ ಸಾಧನೆಯನ್ನು ಗುರುತಿಸಿ ಸಮ್ಮಾನಿಸುವ ಈ ಕಾರ್ಯಕ್ರಮದಲ್ಲಿ ಆಸ್ಕರ್‌ ಪ್ರಶಸ್ತಿ ವಿಜೇತೆಯಾದ ಕೇಟ್‌ ವಿನ್‌ಸ್ಲೆಟ್‌ ಅವರ ಜತೆಗೆ ಅನುಷ್ಕಾ ಶರ್ಮಾ ಕೂಡ ವೇದಿಕೆ ಹಂಚಿಕೊಳ್ಳಲಿದ್ದಾರೆ. ಭಾರತದಲ್ಲಿರುವ ಫ್ರೆಂಚ್‌ ರಾಯಭಾರಿ ಎಮಾನ್ಯುಯೆಲ್‌ ಲೆನೈನ್‌, ಕಾರ್ಯಕ್ರಮದಲ್ಲಿ ಅನುಷ್ಕಾ ಅವರ ಉಪಸ್ಥಿತಿಯನ್ನು ದೃಢಪಡಿಸಿದ್ದಾರೆ. ಅಲ್ಲದೇ ಅನುಷ್ಕಾ ಹಾಗೂ ವಿರಾಟ್‌ ಕೊಹ್ಲಿ ದಂಪತಿಯನ್ನು ಭೇಟಿಯಾಗಿರುವ ಫೋಟೋವನ್ನೂ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.