![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
ಬಿಯರ್ನಿಂದ ಚಲಿಸುವ ಬೈಕ್!
ಅಮೆರಿಕದ ಬ್ಲೂಮಿಂಗ್ಟನ್ ವ್ಯಕ್ತಿಯಿಂದ ನೂತನ ಆವಿಷ್ಕಾರ
Team Udayavani, May 13, 2023, 7:17 AM IST
![beer bike](https://www.udayavani.com/wp-content/uploads/2023/05/beer-bike-620x372.jpg)
ಬ್ಲೂಮಿಂಗ್ಟನ್:ಅಮೆರಿಕದ ಮಿನ್ನೇಸೋಟ ಪ್ರಾಂತ್ಯದ ಬ್ಲೂಮಿಂಗ್ಟನ್ ನಗರದ ವ್ಯಕ್ತಿಯೊಬ್ಬ ಬಿಯರ್ನಿಂದ ಚಲಿಸುವ ಮೋಟಾರ್ಸೈಕಲ್ ಅನ್ನು ಆವಿಷ್ಕರಿಸಿದ್ದಾರೆ.
ರಾಕೆಟ್ಮ್ಯಾನ್ ಎಂದೇ ಕರೆಯಲ್ಪಡುವ ಕಿ ಮೈಕೆಲ್ಸನ್ ಈ ನೂತನ ಸಂಶೋಧನೆ ಮಾಡಿದ್ದಾರೆ. “ಇದು 14 ಗ್ಯಾಲನ್ ಕೆಗ್ ಸಾಮರ್ಥ್ಯದ ಟ್ಯಾಂಕ್ ಹೊಂದಿದ್ದು, ಅನಿಲ ಚಾಲಿತ ಎಂಜಿನ್ ಬದಲಿಗೆ ಹೀಟಿಂಗ್ ಕಾಯಿಲ್ ಅನ್ನು ಹೊಂದಿದೆ. ಈ ಕಾಯಿಲ್ ಬಿಯರ್ ಅನ್ನು 300 ಡಿಗ್ರಿವರೆಗೆ ಬಿಸಿ ಮಾಡುತ್ತದೆ. ಅದು ನಂತರ ಬೈಕ್ ಅನ್ನು ಮುಂದಕ್ಕೆ ಚಲಿಸುವಂತೆ ಮಾಡಲು ಸೂಪರ್ ಹೀಟೆಡ್ ಸ್ಟೀಮ್ ಆಗುತ್ತದೆ,’ ಎಂದು ಮೈಕೆಲ್ಸನ್ ತಿಳಿಸಿದ್ದಾರೆ.
“ಈ ಬೈಕ್ ಗಂಟೆಗೆ 240 ಕಿ.ಮೀ. ವೇಗದಲ್ಲಿ ಚಲಿಸುತ್ತದೆ. ಬ್ಲೂಮಿಂಗ್ಟನ್ನಲ್ಲಿರುವ ನನ್ನ ಗ್ಯಾರೆಜ್ನಲ್ಲೇ ಇದನ್ನು ತಯಾರಿಸಲಾಗಿದೆ. ಪೆಟ್ರೋಲ್ ಮತ್ತು ಅನಿಲ ದರ ಏರಿಕೆ ಆಗುತ್ತಿದೆ. ಹೀಗಾಗಿ ಇದಕ್ಕಿಂತ ಕಡಿಮೆ ದರದ ಇಂಧನ ಆವಿಷ್ಕಾರಕ್ಕಾಗಿ ಈ ಸಂಶೋಧನೆ ನಡೆಸಿದ್ದೇನೆ,” ಎಂದು ಮಾಹಿತಿ ನೀಡಿದ್ದಾರೆ.
ಈ ಬೈಕ್ ಅನ್ನು ಮೈಕೆಲ್ಸನ್ ಇದುವರೆಗೂ ರಸ್ತೆಗೆ ಇಳಿಸಿಲ್ಲ. ಪರೀಕ್ಷೆಗಾಗಿ ಶೀಘ್ರದಲ್ಲೇ ರಸ್ತೆಗೆ ತರಲಾಗುವುದು. ಇದನ್ನು ಕೆಲವು ವಾಹನ ಪ್ರದರ್ಶನಗಳಲ್ಲಿ ಪ್ರದರ್ಶಿಸಲಾಗಿದ್ದು, ಈ ಆವಿಷ್ಕಾರಕ್ಕೆ ಪ್ರಥಮ ಬಹುಮಾನ ಬಂದಿದೆ ಎಂದು ತಿಳಿಸಿದ್ದಾರೆ. ಬಹುತೇಕ ಈ ಆವಿಷ್ಕಾರವು ಸಾರ್ವಜನಿಕ ಬಳಕೆಗೆ ಸಿಗುವುದು ಅನುಮಾನವಾಗಿದೆ.
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.