ರೋಹಿತ್ ಬಳಗ ಹತಾಶರಾಗಿ ಕಾಣುತ್ತಿತ್ತು..: WTC Final ಮೊದಲ ದಿನದ ಬಳಿಕ ಗಾವಸ್ಕರ್ ಮಾತು

Team Udayavani, Jun 8, 2023, 10:51 AM IST

ಲಂಡನ್: ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ವಿಶ್ವ ಟೆಸ್ಟ್ ಚಾಂಪಿಯನ್ ಶಿಪ್ ಫೈನಲ್ ಪಂದ್ಯದ ಮೊದಲ ದಿನವು ಸಂಪೂರ್ಣ ಆಸೀಸ್ ಪಾಲಾಗಿದೆ. ಆರಂಭದಲ್ಲಿ ವಿಕೆಟ್ ಕಳೆದುಕೊಂಡರೂ ಬಳಿಕ ಟ್ರಾವಿಸ್ ಹೆಡ್ ಮತ್ತು ಸ್ಟೀವ್ ಸ್ಮಿತ್ ಅವರ ಬ್ಯಾಟಿಂಗ್ ನೆರವಿನಿಂದ ಮೊದಲ ದಿನದಾಟದ ಸಂಪೂರ್ಣ ಗೌರವ ಪಡೆಯಿತು.

ಮೊದಲ ದಿನದ ಅಂತ್ಯಕ್ಕೆ ಆಸೀಸ್ ತಂಡ ಮೂರು ವಿಕೆಟ್ ನಷ್ಟಕ್ಕೆ 327 ರನ್ ಗಳಿಸಿತು. ಟ್ರಾವಿಸ್ ಹೆಡ್ ಅಜೇಯ 146 ರನ್ ಮತ್ತು ಸ್ವೀವ್ ಸ್ಮಿತ್ 95 ರನ್ ಗಳಿಸಿ ಆಡುತ್ತಿದ್ದಾರೆ.

ಇದನ್ನೂ ಓದಿ:10ಸಾವಿರ ಆದಿಪುರುಷ್ ಟಿಕೆಟ್‌ಗಳನ್ನು ಫ್ರೀಯಾಗಿ ನೀಡಲು ಮುಂದಾದ ಕಾಶ್ಮೀರ್‌ ಫೈಲ್ಸ್ ನಿರ್ಮಾಪಕ

ಪಂದ್ಯದ ಬಳಿಕ ಮಾತನಾಡಿದ ಸುನಿಲ್ ಗಾವಸ್ಕರ್, ‘’ಅಂತಿಮ ಸೆಷನ್‌ನಲ್ಲಿ ಭಾರತ ದಣಿದಂತಾಯಿತು. ಅವರು ಹತಾಶರಾಗಿ ಕಾಣುತ್ತಿದ್ದರು. ಟ್ರಾವಿಸ್ ಹೆಡ್  ಮತ್ತು ಸ್ಟೀವ್ ಸ್ಮಿತ್ ಅವರು 550-600 ರನ್‌ ಗಳತ್ತ ನೋಡುತ್ತಿದ್ದಾರೆ” ಎಂದು ಹೇಳಿದರು.

ಭಾರತದ ಪರವಾಗಿ ಮೊಹಮ್ಮದ್ ಶಮಿ, ಮೊಹಮ್ಮದ್ ಸಿರಾಜ್ ಮತ್ತು ಶಾರ್ದೂಲ್ ಠಾಕೂರ್ ತಲಾ ಒಂದು ವಿಕೆಟ್ ಪಡೆದರು.