Bombay Share Market: ಷೇರು ಮಾರುಕಟ್ಟೆ ವಹಿವಾಟಿನಲ್ಲಿ ಬಿಎಸ್‌ ಇ, ನಿಫ್ಟಿ ಜಿಗಿತ

Team Udayavani, Jun 16, 2023, 11:50 AM IST

ಮುಂಬೈ: ಅಮೆರಿಕ ಆರ್ಥಿಕ ಸ್ಥಿತಿ ಮತ್ತು ಸಾಲ ಮಿತಿಯ ಬಿಕ್ಕಟ್ಟಿನ ನಡುವೆಯೂ ವಿಶ್ವಾದ್ಯಂತ ಶುಕ್ರವಾರ (ಜೂನ್‌ 16) ಷೇರುಪೇಟೆಯ ಆರಂಬಿಕ ವಹಿವಾಟಿನಲ್ಲಿ ಏರಿಕೆ ಕಂಡು ಬಂದಿದೆ.

ಇದನ್ನೂ ಓದಿ:Bantwal: ಕೌಟುಂಬಿಕ ಮನಸ್ತಾಪ; ಪತ್ನಿ ,ಮಾವನಿಗೆ ಚೂರಿ ಇರಿದು ಪರಾರಿಯಾದ ಪತಿ

ಬಾಂಬೆ ಷೇರುಮಾರುಕಟ್ಟೆಯ ಸಂವೇದಿ ಸೂಚ್ಯಂಕ (BSE) ಆರಂಭಿಕ ವಹಿವಾಟಿನಲ್ಲಿ 221.49 ಅಂಕ ಏರಿಕೆಯೊಂದಿಗೆ 63,139.12 ಅಂಕಗಳ ಮಟ್ಟ ತಲುಪಿದೆ.

ಅದೇ ರೀತಿ ಎನ್‌ ಎಸ್‌ ಇ ನಿಫ್ಟಿ ಕೂಡಾ 68.60 ಅಂಕ ಜಿಗಿತದೊಂದಿಗೆ 18,756.70 ಅಂಕಗಳ ಮಟ್ಟಕ್ಕೆ ಏರಿಕೆಯಾಗಿದೆ. ಷೇರುಪೇಟೆಯ ಬಿಎಸ್‌ ಇ ಮತ್ತು ಎನ್‌ ಎಸ್‌ ಇ ಅಂಕ ದಾಖಲೆ ಮಟ್ಟಕ್ಕೆ ತಲುಪಿದೆ.

ಷೇರುಪೇಟೆ ವಹಿವಾಟಿನಲ್ಲಿ ಮೆಟಲ್‌, ಫಾರ್ಮಾ, ಮೀಡಿಯಾ ಷೇರುಗಳು ಲಾಭಗಳಿಸಿದೆ. ಇನ್ನುಳಿದಂತೆ ಡಾ.ರೆಡ್ಡೀಸ್‌, ಡೀವಿಸ್‌ ಲ್ಯಾಬ್‌, ಹಿಂಡಲ್ಕೋ, ಅದಾನಿ ಎಂಟರ್‌ ಪ್ರೈಸಸ್‌ ಮತ್ತು ಆಲ್ಟ್ರಾಟೆಕ್‌ ಸಿಮೆಂಟ್‌ ಷೇರುಗಳು ಲಾಭ ಗಳಿಸಿದೆ.

ಮತ್ತೊಂದೆಡೆ ಬಜಾಜ್‌ ಆಟೋ, ಟಾಟಾ ಕನ್ಸ್‌ ಲ್ಟೆನ್ಸಿ ಸರ್ವೀಸಸ್‌, ಹೀರೋ ಮೋಟೊ ಕಾರ್ಪ್‌, ಪವರ್‌ ಗ್ರಿಡ್‌ ಮತ್ತು ಬಿಪಿಸಿಎಲ್‌ ಷೇರುಗಳು ನಷ್ಟ ಕಂಡಿದೆ.