ಪಂಡೋರಾ ಹಗರಣ: 30 ಕೋ.ರೂ. ಆಸ್ತಿ ವಶ

Team Udayavani, Jun 18, 2023, 7:06 AM IST

ನವದೆಹಲಿ: ಪಂಡೋರಾ ಪೇಪರ್ಸ್‌ ಸೋರಿಕೆಯಲ್ಲಿ ಕಡಲಾಚೆ ಅಕ್ರಮ ಸಂಪತ್ತು ಹೊಂದಿರುವುದಾಗಿ ಗುರುತಿಸಿಕೊಂಡಿದ್ದ ಉದ್ಯಮಿಗಳಾದ ವಿಕ್ರಮ್‌ ಸ್ವರೂಪ್‌ ಹಾಗೂ ಗೌರವ್‌ ಸ್ವರೂಪ್‌ ಸಹೋದರರಿಗೆ ಸಂಬಂಧಿಸಿದ 30.60 ಕೋಟಿ ಮೌಲ್ಯದ ಭದ್ರತಾ ಹೂಡಿಕೆಯನ್ನು ಜಾರಿ ನಿರ್ದೇಶನಾಲಯ ಮುಟ್ಟುಗೋಲು ಹಾಕಿಕೊಂಡಿದೆ.

ಸ್ವರೂಪ್‌ ಸಹೋದರರ ವಿರುದ್ಧ ವಿದೇಶಿ ವಿನಿಮಯ ನಿಯಮ ಉಲ್ಲಂಘನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಈ ಕ್ರಮ ಕೈಗೊಳ್ಳಲಾಗಿದ್ದು, ಎಫ್ಇಎಂಎ ಸೆಕ್ಷನ್‌ 37ಎ ಅನ್ವಯ ಭದ್ರತಾ ಹೂಡಿಕೆಗಳನ್ನು ವಶಪಡಿಸಿಕೊಂಡಿದ್ದೇವೆ. ಮುಂದಿನ ತನಿಖೆ ಪ್ರಗತಿಯಲ್ಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. 2021ರಲ್ಲಿ ಸೋರಿಕೆಯಾದ ಪಂಡೋರಾ ಪೇಪರ್ಸ್‌ನಲ್ಲಿ ಸ್ವರೂಪ್‌ ಸಹೋದರರು ಬ್ರಿಟಿಷ್‌ ವರ್ಜಿನ್‌ ಐಲ್ಯಾಂಡ್‌ನ‌ಲ್ಲಿರುವ ಎಪ್ಸಿಲಿನ್‌ ಎಂಟರ್‌ಪ್ರೈಸಸ್‌ ಲಿಮಿಟೆಡ್‌ ಕಂಪನಿಯಲ್ಲಿ ಅಕ್ರಮ ಲಾಭದಾಯಕರೆಂದು ತಿಳಿದುಬಂದಿತ್ತು.