Mumbai: ಆದಿತ್ಯ ಠಾಕ್ರೆ ಆಪ್ತನ ಮೇಲೆ ಇಡಿ ದಾಳಿ

Team Udayavani, Jun 22, 2023, 7:30 AM IST

ಮುಂಬೈ: 100 ಕೋಟಿ ರೂ. ಕೋವಿಡ್‌ ಸೆಂಟರ್‌ ಹಗರಣಕ್ಕೆ ಸಂಬಂಧಿಸಿದಂತೆ ಉದ್ಧವ್‌ ಠಾಕ್ರೆ ಅವರ ಪುತ್ರ, ಆದಿತ್ಯ ಠಾಕ್ರೆಯ ಆಪ್ತಸಹಾಯಕರಾದ ಸುಜಿತ್‌ ಪಟ್ಕರ್‌ ಅವರ ನಿವಾಸದ ಮೇಲೆ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ಬುಧವಾರ ದಾಳಿ ನಡೆಸಿದ್ದಾರೆ.

ಶಿವಸೇನೆ (ಉದ್ಧವ್‌ ಬಣ)ನಾಯಕ ಸಂಜಯ್‌ ರಾವತ್‌ ಅವರ ಆಪ್ತ ಸಹಚರರಲ್ಲಿ ಓರ್ವರಾಗಿರುವ ಸುಜಿತ್‌, ಲೈಫ್ಲೈನ್‌ ಎನ್ನುವ ಹಾಸ್ಪಿಟಲ್‌ ಒಂದರ ಒಡೆತನವನ್ನು ಹೊಂದಿದ್ದಾರೆ.

ಕೊರೊನಾ ಸಂದರ್ಭದಲ್ಲಿ ರೂಪಿಸಲಾಗಿದ್ದ ಜಂಬೋ ಕೋವಿಡ್‌ ಸೆಂಟರ್‌ನ ನಿರ್ವಹಣೆಯನ್ನು ಮಂಬೈ ಮಹಾನಗರ ಪಾಲಿಕೆಯು ಇದೇ ಆಸ್ಪತ್ರೆಗೆ ವಹಿಸಿತ್ತು. ಇಂಥ ಯಾವುದೇ ಸೆಂಟರ್‌ಗಳನ್ನ ನಡೆಸಿರುವ ಅನುಭವವಿಲ್ಲದ ಸುಜಿತ್‌ ಅವರಿಗೆ ಈ ಹೊಣೆಗಾರಿಕೆ ನೀಡಲು ಹಗರಣ ನಡೆಸಲಾಗಿದೆ ಎಂದು ಆರೋಪಿಸಿ, ಬಿಜೆಪಿ ನಾಯಕ ಕಿರಿತ್‌ ಸೋಮಯ್ಯ ಕೇಸು ದಾಖಲಿಸಿದ್ದರು. ಈ ಹಿನ್ನೆಲೆ ಸುಜಿತ್‌ ನಿವಾಸ, ನಗರಪಾಲಿಕೆಯ ಕೆಲ ಅಧಿಕಾರಿಗಳಿಗೆ ಸಂಬಂಧಿಸಿದ ಆಸ್ತಿಗಳಿರುವ 15 ಸ್ಥಳಗಳಲ್ಲಿ ಇಡಿ ದಾಳಿ ನಡೆಸಿದೆ.