ICC World Cup 2023: ಈ ಎರಡು ತಂಡಗಳು ಸೆಮಿಫೈನಲ್ ತಲುಪುವುದು ಖಚಿತ ಎಂದ ಸೆಹವಾಗ್

Team Udayavani, Jun 29, 2023, 4:57 PM IST

ಮುಂಬೈ: ಐಸಿಸಿ ಏಕದಿನ ವಿಶ್ವಕಪ್ 2023ರ ತಯಾರಿಗೆ ಅಧಿಕೃತ ಚಾಲನೆ ಸಿಕ್ಕಿದೆ. ಕೆಲ ದಿನಗಳ ಹಿಂದೆ ಐಸಿಸಿ ಕೂಟದ ವೇಳಾಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಹತ್ತು ತಂಡಗಳು ಪಾಲ್ಗೊಳ್ಳುವ ಕೂಟವು ಈ ಬಾರಿ ಭಾರತದಲ್ಲಿ ನಡೆಯಲಿದೆ.

ಟೀಂ ಇಂಡಿಯಾದ ಮಾಜಿ ಆಟಗಾರ ವೀರೆಂದ್ರ ಸೆಹವಾಗ್ ಅವರು ಈ ಬಾರಿಯ ವಿಶ್ವಕಪ್ ನಲ್ಲಿ  ಸೆಮಿ ಫೈನಲ್ ತಲುಪಬಹುದಾದ ನಾಲ್ಕು ತಂಡಗಳನ್ನು ಹೆಸರಿಸಿದ್ದಾರೆ.

“ನಾನು ನಾಲ್ಕು ತಂಡಗಳನ್ನು ಆಯ್ಕೆ ಮಾಡಬೇಕಾದರೆ ಅದು ಆಸ್ಟ್ರೇಲಿಯಾ, ಇಂಗ್ಲೆಂಡ್, ಭಾರತ ಮತ್ತು ಪಾಕಿಸ್ತಾನ. ಈ ನಾಲ್ಕು ತಂಡಗಳು ಸೆಮೀಸ್ ಗೆ ಬರಬಹುದು. ಅದರಲ್ಲೂ ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್ ಖಚಿತವಾಗಿಯೂ ಸೆಮಿ ಫೈನಲ್ ಗೆ ಬರುತ್ತದೆ. ಅವರು ಸಾಂಪ್ರದಾಯಿಕ ಹೊಡೆತಗಳನ್ನು ಆಡುವುದಿಲ್ಲ, ಅಸಾಂಪ್ರದಾಯಿಕ ಆಡುತ್ತಿದ್ದಾರೆ, ಅಲ್ಲದೆ ಈ ಎರಡು ತಂಡಗಳು ಅದರಲ್ಲಿ ಯಶಸ್ವಿಯಾಗಿವೆ. ಅಲ್ಲದೆ, ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ಉಪಖಂಡದಲ್ಲಿ ಉತ್ತಮವಾಗಿ ಆಡಬಲ್ಲ ಎರಡು ವಿದೇಶಿ ತಂಡಗಳಾಗಿವೆ” ಎಂದರು.

ಇದನ್ನೂ ಓದಿ:4 ಕೋಟಿ ರೂ.ವಿಮೆಗಾಗಿ ಸ್ನೇಹಿತನನ್ನು ಮುಗಿಸಿ ತಾನೇ ಮೃತಪಟ್ಟಿದ್ದೇನೆ ಎಂದು ಬಿಂಬಿಸಿದ !!

ಅಕ್ಟೋಬರ್ 5ರಿಂದ ನವೆಂಬರ್ 19ರವರೆಗೆ ಭಾರತದ ಹತ್ತು ನಗರಗಳಲ್ಲಿ ವಿಶ್ವಕಪ್ ಕೂಟ ನಡೆಯಲಿದೆ. ಅಹಮದಾಬಾದ್ ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಉದ್ಘಾಟನೆ ಮತ್ತು ಫೈನಲ್ ಪಂದ್ಯಗಳು ನಡೆಯಲಿದೆ.