KGF ರಾಕಿ ಮುಳುಗಿದ ಸಮಯಕ್ಕೆ ʼಸಲಾರ್‌ʼ ಟೀಸರ್‌ ರಿಲೀಸ್:‌ ಎರಡು ಕಥೆಗೆ ಇದೆಯಾ ಲಿಂಕ್?

Team Udayavani, Jul 4, 2023, 10:42 AM IST

ಹೈದರಾಬಾದ್: ಪ್ರಭಾಸ್‌ ಅವರ ʼಸಲಾರ್‌ʼ ಚಿತ್ರದ ಟೀಸರ್‌ ರಿಲೀಸ್‌ ಗೆ ದಿನಗಣನೆ ಮಾತ್ರ ಬಾಕಿ ಉಳಿದಿದೆ. ಟೀಸರ್‌ ರಿಲೀಸ್‌ ಗೂ ಮುನ್ನ ನೆಟ್ಟಿಗರು ನಾನಾ ಬಗೆಯ ಚರ್ಚೆಗಳನ್ನು ಮಾಡುತ್ತಿದ್ದಾರೆ. ಅದಕ್ಕೆ ಕಾರಣ ಟೀಸರ್‌ ರಿಲೀಸ್‌ ನ ಸಮಯ.

ಹೊಂಬಾಳೆ ಫಿಲ್ಮ್ಸ್‌ ಸಿನಿಮಾಗಳೆಂದರೆ ಅಲ್ಲಿ ದೊಡ್ಡಮಟ್ಟದ ಹೈಪ್‌ ಗಳಿರುತ್ತವೆ. ಕೆಜಿಎಫ್‌ ಸರಣಿಯ ಚಿತ್ರಗಳಿಂದಿಡಿದು ʼಕಾಂತಾರʼದವರೆಗೆ ಇದು ಸಾಬೀತಾಗಿದೆ. ಅಲ್ಲಿ ತನ್ನದೇ ಅದು ಯೂನಿವರ್ಸ್‌ ಬಿಲ್ಡ್‌ ಆಗಿರುತ್ತದೆ. ಪ್ರಶಾಂತ್‌ ನೀಲ್‌ ʼಕೆಜಿಎಫ್‌ʼ ಮೂಲಕ ತನ್ನದೇ ಆದ ಯೂನಿವರ್ಸ್‌ ಸೃಷ್ಟಿಸಿದವರು.

ಸಲಾರ್‌ – ಕೆಜಿಎಫ್‌ -2 ಲಿಂಕ್? ‌ : ಪ್ರಶಾಂತ್‌ ನೀಲ್‌  ಹಾಗೂ ಯಶ್‌ ಅವರಿಗೆ ಅವರಿಗೆ ಗ್ಲೋಬಲ್‌ ಲೆವೆಲ್‌ ನಲ್ಲಿ ಖ್ಯಾತಿ ತಂದುಕೊಟ್ಟ ʼಕೆಜಿಎಫ್‌ʼ ಸರಣಿ ಹಾಗೂ ಪ್ರಭಾಸ್‌ ಅವರ ʼಸಲಾರ್‌ʼ ಸಿನಿಮಾಕ್ಕೆ ಈ ಹಿಂದೆಯೂ ಲಿಂಕ್‌ ಮಾಡಲಾಗಿತ್ತು. ಎರಡೂ ಕಥೆಗೂ ಲಿಂಕ್‌ ಇದೆ ಎಂದು ನೆಟ್ಟಿಗರು ಚರ್ಚೆ ಮಾಡಿದ್ದರು. ಇದೀಗ ಮತ್ತೊಮ್ಮೆ ಈ ಟಾಕ್‌ ಮುನ್ನೆಲೆಗೆ ಬಂದಿದೆ. ಅದಕ್ಕೆ ಕಾರಣ ʼಸಲಾರ್‌ʼ ಚಿತ್ರದ ಟೀಸರ್‌ ರಿಲೀಸ್‌ ಸಮಯ.

ʼಸಲಾರ್‌ʼ ಸಿನಿಮಾದ ಟೀಸರ್‌ ಜು.6 ರಂದು ಬೆಳಗ್ಗೆ 5:12 ಕ್ಕೆ ರಿಲೀಸ್‌ ಆಗಲಿದೆ.  ʼಕೆಜಿಎಫ್‌ -2ʼ ನಲ್ಲಿ ರಾಕಿ  ಮುಳುಗಿದ್ದು 5:12 ರ ಸಮುಯದಲ್ಲೇ. ಸಿನಿಮಾದಲ್ಲಿ ರಾಕಿ ಸತ್ತು ಹೋಗಿದ್ದಾನ ಇಲ್ವಾ? ಅನ್ನೋದನ್ನು ತೋರಿಸಿಲ್ಲ. ಮರುದಿನ ರಾಕಿ ಬಗ್ಗೆ ಚರ್ಚೆ ನಡೆಯುವುದನ್ನು ಮಾತ್ರ ತೋರಿಸಲಾಗಿದೆ. ಇದೇ ಸಮಯದಲ್ಲಿ ಯಾಕೆ ಟೀಸರ್‌ ರಿಲೀಸ್‌ ಆಗಲಿದೆ.  ಕೆಜಿಎಫ್‌ ರಾಕಿಗೂ ʼಸಲಾರ್‌ʼಗೂ ಏನಾದರೂ ಲಿಂಕ್‌ ಇರಬಹುದು ಎಂದು ನೆಟ್ಟಿಗರು ಟ್ರೆಂಡ್‌ ಟಾಪಿಕ್‌ ಆಗಿ ಮಾಡಿದ್ದಾರೆ.

ʼಸಲಾರ್‌ʼ ಟೀಸರ್‌ ಟೈಮಿಂಗ್‌ ಗೂ ರಾಕಿ ಮುಳುಗಿದ ಸಮಯಕ್ಕೂ ಲಿಂಕ್‌ ಇದೆಯೋ ಇಲ್ವೋ ಅನ್ನೋದನ್ನು ತಿಳಿಯಬೇಕಾದರೆ ಜು.6 ರವರೆಗೆ  ವರೆಗೂ ಕಾಯಬೇಕು.

ಅಂದಹಾಗೆ ಸೆ.28 ರಂದು ʼಸಲಾರ್‌ʼ ವಿಶ್ವದೆಲೆಡೆ ತೆರೆಗ ಬರಲಿದೆ.