ICC ವಿಶ್ವಕಪ್‌ ಅರ್ಹತಾ ಕೂಟ- ವೆಸ್ಟ್‌ಇಂಡೀಸ್‌ಗೆ ಮೊದಲ ಗೆಲುವು

Team Udayavani, Jul 6, 2023, 6:43 AM IST

ಹರಾರೆ: ಈಗಾಗಲೇ ಆರಂಭದ ಮೂರು ಪಂದ್ಯಗಳಲ್ಲಿ ಸೋತು ಕೂಟದಿಂದ ಹೊರಬಿದ್ದ ವೆಸ್ಟ್‌ಇಂಡೀಸ್‌ ತಂಡವು ಬುಧವಾರ ನಡೆದ ಸೂಪರ್‌ ಸಿಕ್ಸ್‌ ಹಂತದ ತನ್ನ ನಾಲ್ಕನೇ ಪಂದ್ಯದಲ್ಲಿ ಒಮಾನ್‌ ತಂಡವನ್ನು 7 ವಿಕೆಟ್‌ಗಳಿಂದ ಸೋಲಿಸಿ ಸಮಾಧಾನಪಟ್ಟುಕೊಂಡಿದೆ.

ಮೊದಲು ಬ್ಯಾಟಿಂಗ್‌ ನಡೆಸಿದ ಒಮಾನ್‌ ತಂಡವು ಶೋಯಿಬ್‌ ಖಾನ್‌ ಮತ್ತು ಸೂರಜ್‌ ಕುಮಾರ್‌ ಅವರ ಅರ್ಧಶತಕದ ನೆರವಿನಿಂದ 9 ವಿಕೆಟಿಗೆ 221 ರನ್ನುಗಳ ಉತ್ತಮ ಮೊತ್ತ ಪೇರಿಸಿತು. ರೊಮಾರಿಯೊ ಶೆಫ‌ರ್ಡ್‌ 44 ರನ್ನಿಗೆ 3 ವಿಕೆಟ್‌ ಪಡೆದರು.

ಇದಕ್ಕುತ್ತರವಾಗಿ ಆರಂಭಿಕ ಆಟಗಾರ ಬ್ರೆಂಡನ್‌ ಕಿಂಗ್‌ ಅವರ ಶತಕ ಮತ್ತು ಶೈ ಹೋಪ್‌ ಅವರ ಅಜೇಯ ಅರ್ಧಶತಕದಿಂದಾಗಿ ವೆಸ್ಟ್‌ಇಂಡೀಸ್‌ ತಂಡು 39.4 ಓವರ್‌ಗಳಲ್ಲಿಯೇ ಕೇವಲ 3 ವಿಕೆಟ್‌ ಕಳೆದುಕೊಂಡು 222 ರನ್‌ ಗಳಿಸಿ ಜಯಭೇರಿ ಬಾರಿಸಿತು. ಬ್ರೆಂಡನ್‌ ಕಿಂಗ್‌ 104 ಎಸೆತಗಳಿಂದ 100 ರನ್‌ ಹೊಡೆದರೆ ಹೋಪ್‌ 65 ಎಸೆತಗಳಿಂದ 63 ರನ್‌ ಗಳಿಸಿ ಅಜೇಯರಾಗಿ ಉಳಿದರು.

ಸ್ಕಾಟ್ಲೆಂಡ್‌ಗೆ ಅವಕಾಶ
ಈ ಕೂಟದಲ್ಲಿ ಗುರುವಾರ ನಡೆಯುವ ಪಂದ್ಯದಲ್ಲಿ ಸ್ಕಾಟ್ಲೆಂಡ್‌ ತಂಡವು ನೆದರ್ಲೆಂಡ್ಸ್‌ ತಂಡವನ್ನು ಎದುರಿಸಲಿದೆ. ಸ್ಕಾಟ್ಲೆಂಡ್‌ ಸದ್ಯ ಆರಂಕ ಹೊಂದಿದ್ದರೆ ನೆದರ್ಲೆಂಡ್ಸ್‌ ನಾಲ್ಕಂಕ ಹೊಂದಿದೆ. ಆದರೆ ನೆದರ್ಲೆಂಡ್ಸ್‌ ಮೈನಸ್‌ 0.042 ರನ್‌ರೇಟ್‌ ಹೊಂದಿದ್ದರೆ ಸ್ಕಾಟ್ಲೆಂಡ್‌ ಪ್ಲಸ್‌ 0.296 ರನ್‌ ರೇಟ್‌ ಹೊಂದಿದೆ. ಹೀಗಾಗಿ ಸ್ಕಾಟ್ಲೆಂಡ್‌ಗೆ ಫೈನಲಿಗೇರುವ ಅವಕಾಶ ಹೆಚ್ಚಿದೆ. ಕೂಟದ ಅಂತಿಮ ಲೀಗ್‌ ಪಂದ್ಯ ಶುಕ್ರವಾರ ನಡೆಯಲಿದ್ದು 8 ಅಂಕ ಹೊಂದಿರುವ ಶ್ರೀಲಂಕಾ ಎರಡಂಕ ಹೊಂದಿರುವ ವೆಸ್ಟ್‌ಇಂಡೀಸ್‌ ತಂಡವನ್ನು ಎದುರಿಸಲಿದೆ.