Canada; ತ್ರಿವರ್ಣ ಧ್ವಜದೊಂದಿಗೆ ಖಲಿಸ್ತಾನಿ ಪ್ರತಿಭಟನಾಕಾರರನ್ನು ಎದುರಿಸಿದ ಭಾರತೀಯ ಸಮುದಾಯ

Team Udayavani, Jul 9, 2023, 12:57 PM IST

ಟೊರೊಂಟೊ: ತ್ರಿವರ್ಣ ಧ್ವಜವನ್ನು ಹಿಡಿದಿರುವ ಭಾರತೀಯ ಸಮುದಾಯದ ಸದಸ್ಯರು ಶನಿವಾರ (ಸ್ಥಳೀಯ ಕಾಲಮಾನ) ತಮ್ಮ ರಾಜತಾಂತ್ರಿಕರು ಮತ್ತು ಕಾನ್ಸುಲೇಟ್ ಕಚೇರಿಯನ್ನು ರಕ್ಷಿಸಲು ಕಾನ್ಸುಲೇಟ್ ಹೊರಗೆ ಜಮಾಯಿಸಿದರು. ಕೆನಡಾದ ಟೊರೊಂಟೊದಲ್ಲಿ ಖಲಿಸ್ತಾನ್ ಪರ ಪ್ರತಿಭಟನೆಯನ್ನು ಒಗ್ಗಟ್ಟಿನಿಂದ ಎದುರಿಸಿದರು.

ಭಾರತೀಯ ವಲಸಿಗರು “ಭಾರತ್ ಮಾತಾ ಕಿ ಜೈ”, “ವಂದೇ ಮಾತರಂ”, “ಲಾಂಗ್ ಲಿವ್ ಇಂಡಿಯಾ” ಮತ್ತು “ಖಾಲಿಸ್ತಾನ್ ಮುರ್ದಾಬಾದ್” ಎಂಬ ಘೋಷಣೆಗಳನ್ನು ಕೂಗುವುದು ಕಂಡುಬಂದಿತು. “ಖಾಲಿಸ್ತಾನಿಗಳು ಸಿಖ್ ಅಲ್ಲ” ಮತ್ತು “ಕೆನಡಾ -ಖಲಿಸ್ತಾನಿ ಭಯೋತ್ಪಾದಕರನ್ನು ಕೆನಡಾ ಬೆಂಬಲಿಸುವುದನ್ನು ನಿಲ್ಲಿಸಬೇಕು” ಎಂದು ಬರೆದ ಫಲಕಗಳನ್ನು ಹಿಡಿದುಕೊಂಡರು.

ಖಲಿಸ್ತಾನಿ ಪರ ಪ್ರತಿಭಟನಾಕಾರರು, ವೀಡಿಯೊದಲ್ಲಿ ತ್ರಿವರ್ಣ ಧ್ವಜವನ್ನು ಅಗೌರವಗೊಳಿಸುವುದನ್ನು ಕಾಣಬಹುದು. ಕೆನಡಾದಲ್ಲಿರುವ ಭಾರತೀಯ ವಲಸೆಗಾರರಲ್ಲಿ ಒಬ್ಬರಾದ ಸುನಿಲ್ ಅರೋರಾ, “ನಾವು ಇಲ್ಲಿ ಖಲಿಸ್ತಾನಿಗಳನ್ನು ಎದುರಿಸಲು ಕಾನ್ಸುಲೇಟ್ ಮುಂದೆ ನಿಂತಿದ್ದೇವೆ. ನಾವು ಇಲ್ಲಿ ಖಲಿಸ್ತಾನಿಗಳ ಅಸಂಬದ್ಧತೆಯನ್ನು ನಿಲ್ಲಿಸಲು ಪ್ರಯತ್ನಿಸುತ್ತಿದ್ದೇವೆ ಮತ್ತು ನಾವು ಭಾರತ ಮತ್ತು ಕೆನಡಾದ ಒಗ್ಗಟ್ಟಿಗಾಗಿ ಇಲ್ಲಿದ್ದೇವೆ. ಅವರು ನಮ್ಮ ರಾಜತಾಂತ್ರಿಕರನ್ನು ಕೊಲ್ಲುತ್ತಾರೆ ಎಂದು ತಪ್ಪು ಮಾಹಿತಿ ನೀಡುತ್ತಿದ್ದಾರೆ ಮತ್ತು ನಾವು ಅದನ್ನು ಸಂಪೂರ್ಣವಾಗಿ ವಿರೋಧಿಸುತ್ತೇವೆ” ಎಂದರು.

ಕಳೆದ ತಿಂಗಳು ಕೆನಡಾದಲ್ಲಿ ಖಲಿಸ್ತಾನ್ ಟೈಗರ್ ಫೋರ್ಸ್ ಮುಖ್ಯಸ್ಥ ಹರ್ದೀಪ್ ಸಿಂಗ್ ನಿಜ್ಜಾರ್ ಹತ್ಯೆಯಾದ ನಂತರ ಶನಿವಾರದಂದು ಯುಕೆ, ಯುಎಸ್, ಕೆನಡಾ ಮತ್ತು ಆಸ್ಟ್ರೇಲಿಯಾದಲ್ಲಿ ಭಾರತೀಯ ಮಿಷನ್‌ಗಳ ಹೊರಗೆ ರ್ಯಾಲಿಗಳನ್ನು ನಡೆಸುವುದಾಗಿ ಖಲಿಸ್ತಾನಿ ಪರ ಅಂಶಗಳು ಘೋಷಿಸಿದ್ದವು. ಇದರ ನಂತರ ಕೆನಡಾ ಮತ್ತು ಯುಎಸ್‌ನಲ್ಲಿರುವ ಭಾರತೀಯ ರಾಯಭಾರಿಗಳು ಮತ್ತು ಟೊರೊಂಟೊದಲ್ಲಿನ ಕಾನ್ಸುಲೇಟ್ ಜನರಲ್‌ಗೆ ಬೆದರಿಕೆ ಹಾಕುವ ಪೋಸ್ಟರ್‌ಗಳು ಕಾಣಿಸಿಕೊಂಡವು.