Vijay: ಅಭಿಮಾನಿಗಳ ಕಣ್ತಪ್ಪಿಸಲು ಹೋಗಿ ಟ್ರಾಫಿಕ್ ರೂಲ್ಸ್‌ ಬ್ರೇಕ್‌: ದಳಪತಿಗೆ ಬಿತ್ತು ದಂಡ

Team Udayavani, Jul 12, 2023, 10:19 AM IST

ಚೆನ್ನೈ: ʼಲಿಯೋʼ ಹಾಗೂ ರಾಜಕೀಯ ಪ್ರವೇಶದ ವಿಚಾರವಾಗಿ ನಟ ದಳಪತಿ ವಿಜಯ್‌ ಕಳೆದ ಕೆಲ ದಿನಗಳಿಂದ ಸೋಶಿಯಲ್‌ ಮೀಡಿಯಾದಲ್ಲಿ ಟೌಕ್‌ ಆಫ್‌ ದಿ ಟೌನ್‌ ಆಗಿದ್ದಾರೆ.

ದಳಪತಿ ವಿಜಯ್‌ ಸದ್ಯ ʼಲಿಯೋʼ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಸಿನಿಮಾ ಚಟುವಟಿಕೆಯ ಜೊತೆ ನಿಧಾನವಾಗಿ ಅವರು ಚುನಾವಣಾ ರಂಗಕ್ಕೂ ಎಂಟ್ರಿ ಆಗಲಿದ್ದಾರೆ ಎನ್ನುವ ವಿಚಾರ ದಿನ ಕಳೆದಂತೆ ಕಾವು ಪಡೆದುಕೊಳ್ಳುತ್ತಿದೆ. ಇತ್ತೀಚಿಗೆ ಇದರ ಅಂಗವಾಗಿಯೇ ಅವರು ವಿದ್ಯಾರ್ಥಿಗಳಿಗೆ ಪುಸ್ತಕಗಳನ್ನು ನೀಡುವ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದ್ದರು. ಇದು ಅವರ 2026 ರ ರಾಜಕೀಯ ಪ್ರವೇಶದ ವಿಚಾರಕ್ಕೆ ಮತ್ತಷ್ಟು ಪುಷ್ಟಿ ನೀಡಿತ್ತು.

ಇದನ್ನೂ ಓದಿ:  ನಿತ್ಯ 15 ಗಂಟೆ ಗೇಮ್: ನಿದ್ದೆಯಲ್ಲೂ “ಫೈಯರ್‌ ಫೈಯರ್..”‌ ಕಿರುಚಾಟ: ಹದಗೆಟ್ಟ ಬಾಲಕನ ಆರೋಗ್ಯ

ಮಂಗಳವಾರ‌ ( ಜು.11 ರಂದು) ʼಮಾಸ್ಟರ್‌ʼ ನಟ ವಿಜಯ್ ʼವಿಜಯ್ ಮಕ್ಕಳ್ ಇಯಕ್ಕಂʼ ಕಾರ್ಯಕರ್ತರ ಜೊತೆ ಚುನಾವಣಾ ವಿಚಾರವಾಗಿ ಚರ್ಚಿಸಲು ಪನೈಯೂರ್ ತಲುಪಿದ್ದರು. ಸಭೆ ಮುಗಿಸಿ ಪನೈಯೂರ್ ನಿಂದ ನೀಲಂಗರೈಗೆ ವಾಪಾಸ್‌ ಆಗುವ ವೇಳೆ ನಟ ಸಂಚಾರ ನಿಯಮವನ್ನು ಉಲ್ಲಂಘಿಸಿದ್ದಾರೆ ಎನ್ನಲಾಗಿದೆ. ವಿಜಯ್‌ ವಾಪಾಸ್‌ ಆಗುವ ವೇಳೆ ಅವರ ಹಿಂದೆ ಅಭಿಮಾನಿಗಳ ದಂಡೇ ಬಂದಿದೆ. ಅವರಿಂದ ತಪ್ಪಿಸಿಕೊಳ್ಳಲು ವಿಜಯ್‌ ಅವರ ಸಲಹೆ ಮೇರೆಗೆ ಚಾಲಕ ಎರಡು ಕಡೆ ಸಿಗ್ನಲ್‌ ಜಂಪ್‌ ಮಾಡಿಕೊಂಡೇ ಬಂದಿದ್ದಾರೆ. ಈ ಕುರಿತ ವಿಡಿಯೋ ಹಾಗೂ ಫೋಟೋ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.

ನಟನ ಮೇಲೆ ಪೊಲೀಸರು ಟ್ರಾಫಿಕ್‌ ನಿಯಮ ಉಲ್ಲಂಘನೆ ಮಾಡಿದ್ದಕ್ಕಾಗಿ 500 ರೂ. ದಂಡ ಹಾಕಿದ್ದಾರೆ.

ಇತ್ತೀಚೆಗಷ್ಟೇ ವಿಜಯ್‌ ಲೋಕೇಶ್‌ ಕನಕರಾಜ್‌ ಅವರ ʼಲಿಯೋʼ ಸಿನಿಮಾದ ಚಿತ್ರೀಕರಣವನ್ನು ಮುಗಿಸಿದ್ದಾರೆ. ಎಲ್ಲವೂ ಅಂದುಕೊಂಡಂತೆ ಆದರೆ ʼಲಿಯೋʼ ಅಕ್ಟೋಬರ್‌ ವೇಳೆ ತೆರೆಗೆ ಬರಲಿದೆ. ಸಂಜಯ್ ದತ್ , ತ್ರಿಶಾ ಪ್ರಮುಖ ಪಾತ್ರಗಳಲ್ಲಿದ್ದು,ಮಿಸ್ಕಿನ್, ಗೌತಮ್ ಮೆನನ್, ಅನುರಾಗ್ ಕಶ್ಯಪ್, ಪ್ರಿಯಾ ಆನಂದ್, ಅರ್ಜುನ್ ಸರ್ಜಾ, ಮನ್ಸೂರ್ ಅಲಿ ಖಾನ್ ಮುಂತಾದ ಕಲಾವಿದರು ನಟಿಸಿದ್ದಾರೆ.