HAL Airportನಲ್ಲಿ ವಿಮಾನ ತುರ್ತು ಭೂಸ್ಪರ್ಶ; ಇಬ್ಬರು ಪೈಲಟ್‌ ಪಾರು-ತಪ್ಪಿದ ಭಾರೀ ದುರಂತ

Team Udayavani, Jul 12, 2023, 1:46 PM IST

ಬೆಂಗಳೂರು: ಎಚ್‌ ಎಎಲ್‌ ನಿಂದ ಬೆಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಹೊರಟಿದ್ದ ಪ್ರೀಮಿಯರ್‌ 1ಎ ವಿಮಾನವೊಂದು ತಾಂತ್ರಿಕ ದೋಷದಿಂದಾಗಿ ಹಿಂದೂಸ್ತಾನ್‌ ಏರೋನಾಟಿಕ್ಸ್‌ ಲಿಮಿಟೆಡ್‌ (HAL) ವಿಮಾನ ನಿಲ್ದಾಣದಲ್ಲಿ ತುರ್ತು ಭೂಸ್ಪರ್ಶ ಮಾಡಿದ್ದು, ಭಾರೀ ವಿಮಾನ ದುರಂತವೊಂದು ತಪ್ಪಿರುವ ಘಟನೆ ನಡೆದಿದೆ ಎಂದು ವರದಿ ತಿಳಿಸಿದೆ.

ಇದನ್ನೂ ಓದಿ:Bantval: ತಲೆದಿಂಬು ಹಾಗೂ ಹಾಸಿಗೆ ತಯಾರಿಕಾ ಪ್ಯಾಕ್ಟರಿಗೆ ಬೆಂಕಿ; ಅಪಾರ ನಷ್ಟ

ಎಚ್‌ ಎಎಲ್‌ ನ ರನ್‌ ವೇಗೆ ಇಳಿದ ವಿಮಾನ ಸ್ವಲ್ಪ ದೂರ ಚಲಿಸುತ್ತಲೇ ವಿಮಾನದ ಮುಂಭಾಗ ಅಪ್ಪಳಿಸಿದ್ದು, ಅದೇ ಸ್ಥಿತಿಯಲ್ಲಿ ವಿಮಾನ ಚಲಿಸಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ. ಈ ಘಟನೆ ವೇಳೆ ವಿಮಾನದಲ್ಲಿ ಇಬ್ಬರು ಪೈಲಟ್‌ ಗಳು ಮಾತ್ರ ಇದ್ದಿದ್ದು, ಪ್ರಯಾಣಿಕರು ಇಲ್ಲವಾಗಿತ್ತು ಎಂದು ವರದಿ ವಿವರಿಸಿದೆ.

Bengaluru | A Fly By wire Premier 1A aircraft VT-KBN operating flight on sector ‘HAL Airport Bangalore to BIAL’ was involved in Airturnback as the nose landing gear couldn’t be retracted after take off. The aircraft safely landed with the nose gear in Up position. There were two… pic.twitter.com/53zmaaKKEn

— ANI (@ANI) July 11, 2023

ಪ್ರೀಮಿಯರ್‌ 1ಎ ವಿಮಾನವನ್ನು ಸುರಕ್ಷಿತವಾಗಿ Nose gear ಮೂಲಕ ಲ್ಯಾಂಡ್‌ ಮಾಡಿರುವ ಸಂದರ್ಭದಲ್ಲಿ ವಿಮಾನ ಮಗುಚಿ ಬೀಳುವಂತೆ ಚಲಿಸಿತ್ತ. ಅದೃಷ್ಟವಶಾತ್‌ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ ಎಂದು ಡಿಜಿಸಿಎ ತಿಳಿಸಿದೆ.

ವಿಮಾನ ಟೇಕ್‌ ಆಫ್‌ ಆದ ಕೆಲವೇ ಕ್ಷಣದಲ್ಲಿ ಈ ರೀತಿ Airturnback ತುರ್ತು ಲ್ಯಾಂಡಿಂಗ್‌ ಮಾಡಲಾಗುತ್ತದೆ. ಬಹುತೇಕ ಎಂಜಿನ್‌ ವೈಫಲ್ಯ ಕಂಡಾಗ ತುರ್ತು ಭೂಸ್ಪರ್ಶ ಮಾಡುವುದು ಸಾಮಾನ್ಯ ಕ್ರಮವಾಗಿದೆ ಎಂದು ವರದಿ ತಿಳಿಸಿದೆ.