ಜುಲೈ 12.. ಪಾನಿಪೂರಿ.. ಗೂಗಲ್ನಿಂದ ಡೂಡಲ್ ಗೌರವ.. ಏನು ಈ ದಿನದ ವಿಶೇಷತೆ ?
ಇಲ್ಲಿದೆ ಕುತೂಹಲಕಾರಿ ಮಾಹಿತಿ
Team Udayavani, Jul 12, 2023, 5:50 PM IST
ವಾಷಿಂಗ್ಟನ್: ಪಾನಿಪೂರಿ ಯಾರಿಗೆ ಇಷ್ಟ ಇಲ್ಲ ಹೇಳಿ. ಭಾರತದ ಅತ್ಯಂತ ನೆಚ್ಚಿನ ಚಾಟ್ಸ್ಗಳಾದ ಪಾನಿ ಪೂರಿ, ಗೋಲ್ ಗಪ್ಪ, ಪುಚ್ಕಾಸ್ ಇಂದು ಮತ್ತೊಮ್ಮೆ ಜಗತ್ತಿಗೆ ತೆರೆದುಕೊಂಡಿದೆ. ನೀವೇನಾದ್ರೂ ಇಂದು ಗೂಗಲ್ ಡೂಡಲ್ ನೋಡಿದ್ದೀರಾ ಅಂತಾದರೆ ಖಂಡಿತಾ ನಿಮ್ಮ ಬಾಯಲ್ಲಿ ನೀರೂರದೇ ಇರದು.
ಜುಲೈ 12 ನ್ನು ಜಗತ್ತಿನ ದೈತ್ಯ ಸರ್ಚ್ ಇಂಜಿನ್ ಗೂಗಲ್ ತನ್ನ ಇಂಟರಾಕ್ಟೀವ್ ಗೇಮ್ ಡೂಡಲ್ ಮೂಲಕ ಭಾರತದ ಅತ್ಯಂತ ನೆಚ್ಚಿನ ಸ್ಟ್ರೀಟ್ಫುಡ್ಗಳಾದ ಪಾನಿ ಪೂರಿ, ಗೋಲ್ ಗಪ್ಪ ಮೂಲಕ ಸಂಭ್ರಮಿಸಿದೆ.
ಜುಲೈ 12 ಕ್ಕೂ ಪಾನಿಪೂರಿಗೂ ವಿಶೇಷ ಸಂಬಂಧವಿದೆ. ಆ ಕಾರಣಕ್ಕಾಗಿಯೇ ಈ ದಿನ ಗೂಗಲ್ ತನ್ನ ಡೂಡಲ್ ಮೂಲಕ ಪಾನಿಪೂರಿಗೆ ವಿಶಿಷ್ಟವಾಗಿ ಗೌರವ ಸಲ್ಲಿಸಿದೆ.
2015 ರ ಜುಲೈ 12 ರಂದು ಮಧ್ಯಪ್ರದೇಶದ ಇಂದೋರ್ನಲ್ಲಿನ ಇಂದೋರಿ ಝೈಕಾ ಮತ್ತು ದೈನಿಕ್ ಭಾಸ್ಕರ್ ಎನ್ನುವ ರೆಸ್ಟೋರೆಂಟ್ಗಳು ಮಾಸ್ಟರ್ ಚೆಫ್ ನೇಹಾ ಶಾ ಅವರ ಮಾರ್ಗದರ್ಶನದಲ್ಲಿ 51 ಫ್ಲೇವರ್ಗಳ ಮೂಲಕ ಪಾನಿಪೂರಿಯನ್ನು ತಯಾರಿಸಿ ವಿಶ್ವ ದಾಖಲೆ ಬರೆದಿತ್ತು. ಈ ದಾಖಲೆ ಬರೆದ ಸುಮಾರು 8 ವರ್ಷಗಳ ಬಳಿಕ ಇದೇ ದಿನ ಗೂಗಲ್, ಪಾನಿಪೂರಿಯ ತನ್ನ ಡೂಡಲ್ ಗೇಮ್ಸ್ನ್ನು ಬಿಡುಗಡೆ ಮಾಡಿ ಪಾನಿಪೂರಿಗೆ ವಿಶೇಷ ಗೌರವ ಸಲ್ಲಿಸಿದೆ.
ದೇಶದ ಬೇರೆ ಬೇರೆ ಭಾಗಗಳಲ್ಲಿ ಪಾನಿಪೂರಿಯನ್ನು ಬೇರೆ ಬೇರೆ ಹೆಸರುಗಳಿಂದ ಕರೆಯಲಾಗುತ್ತಿದೆ. ಕೇವಲ ಹೆಸರಷ್ಟೇ ಅಲ್ಲ, ಪಾನಿಪೂರಿ ತಯಾರಿಕೆಯಲ್ಲಿನ ವಿಧಾನ, ರುಚಿ, ಬಳಸುವ ಸಾಮಗ್ರಿಗಳಲ್ಲೂ ವ್ಯತ್ಯಾಸಗಳಿವೆ. ಮಹಾರಾಷ್ಟ್ರ, ಆಂಧ್ರಪ್ರದೇಶ, ಕರ್ನಾಟಕ ಸೇರಿ ದಕ್ಷಿಣ ಭಾರತದ ಭಾಗಗಳಲ್ಲಿ ಬಟಾಣಿ, ಮಸಾಲೆ ಪಾನಿಯ ಮಿಶ್ರಣವನ್ನು ಹಾಕಿದ ಪೂರಿಯೊಂದಿಗೆ ಸವಿಯಲು ನೀಡಲಾಗುತ್ತದೆ.
ಪಂಜಾಬ್, ಜಮ್ಮು-ಕಾಶ್ಮೀರ, ನವದೆಹಲಿಯಲ್ಲಿ ಬೇಯಿಸಿದ ಆಲೂಗಡ್ಡೆ, ಕಡಲೆ, ಜಲ್ಜೀರಾ ಫ್ಲೇವರ್ನ ಪಾನಿಯನ್ನು ಸಣ್ಣ ಪೂರಿಯ ಒಳಗೆ ಹಾಕಿ ನೀಡಲಾಗುತ್ತದೆ. ಇದನ್ನು ಸಾಮಾನ್ಯವಾಗಿ ʻಗೋಲ್ ಗಪ್ಪʼ ಎಂದು ಕರೆಯಲಾಗುತ್ತದೆ.
ಇನ್ನು ಪಶ್ಚಿಮ ಬಂಗಾಲ, ಬಿಹಾರ ಮತ್ತು ಜಾರ್ಖಂಡ್ನ ಕೆಲವು ಭಾಗಗಳಲ್ಲಿ ಹುಣಸೆ ಹಣ್ಣಿನ ತಿರುಳನ್ನು ಬಳಸಿ ಪಾನಿಪೂರಿಯನ್ನು ತಯಾರಿಸುತ್ತಾರೆ. ಇದನ್ನು ಪುಚ್ಕಾಸ್ ಅಥವಾ ಫುಚ್ಕಾಸ್ ಎಂದು ಅಲ್ಲಿನ ಜನ ಕರೆಯುತ್ತಾರೆ.
ಒಟ್ಟಾರೆಯಾಗಿ ತನ್ನ ಇಂದಿನ ಡೂಡಲ್ ಗೇಮ್ ಬಗ್ಗೆ ಬರೆದುಕೊಂಡಿರುವ ಗೂಗಲ್ ಪಾನಿಪೂರಿಯನ್ನು, ʻಆಲೂಗಡ್ಡೆ, ಕಡಲೆ, ಮೆಣಸಿನಕಾಯಿ, ಮಸಾಲೆಗಳು ಮತ್ತು ಸುವಾಸನೆಯುಕ್ತ ನೀರಿನ್ನು ತುಂಬಿರುವ ಗರಿಗರಿಯಾದ ಚಿಪ್ಪಿನಿಂದ ಕೂಡಿದ ದಕ್ಷಿಣ ಏಷ್ಯಾದ ಜನಪ್ರಿಯ ಆಹಾರʼ ಎಂದು ಬರೆದುಕೊಂಡಿದೆ.
A burst of flavor with a satisfying crunch, pani puri will have you smiling a bunch!
Play today’s interactive game #GoogleDoodle to help complete customers’ orders before time runs out! —> https://t.co/qtB5jhHSD8 pic.twitter.com/9JE0U70gYE
— Google Doodles (@GoogleDoodles) July 12, 2023
ಇದನ್ನೂ ಓದಿ: Explainer;ವಿವೇಕಾನಂದರ ಬಗ್ಗೆ ಅವಹೇಳನ…ಅಮೋಘ ದಾಸ್ ಗೆ ಇಸ್ಕಾನ್ ನಿಷೇಧ..ಏನಿದು ವಿವಾದ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Ford Motor: ಭಾರತಕ್ಕೆ ಮತ್ತೆ ಮರಳಿದ ಫೋರ್ಡ್ ಮೋಟಾರ್- ಚೆನ್ನೈ ಘಟಕ ಪುನರಾರಂಭ
iPhone series: ಹೊಸ ಐಫೋನ್ 16 ಸರಣಿ- ಇದರಲ್ಲಿ ಏನೇನು ವೈಶಿಷ್ಟ್ಯಗಳಿವೆ ?
iPhone-16: ಭಾರತದಲ್ಲೇ ಉತ್ಪಾದನೆ ಕಾರಣ ಐಫೋನ್-16 ಬೆಲೆಯಲ್ಲಿ ಇಳಿಕೆ
Hyundai Alcazar 2024: ಭಾರತದ ಮಾರುಕಟ್ಟೆಗೆ ಹುಂಡೈ ಅಲ್ಕಜಾರ್ ಬಿಡುಗಡೆ
Brazil: ಸುಪ್ರೀಂ ಜಡ್ಜ್ ಜತೆ ಮಸ್ಕ್ ಜಗಳ; ಬ್ರೆಜಿಲ್ನಲ್ಲಿ “ಎಕ್ಸ್’ ಬಳಕೆಗೆ ತಡೆ
MUST WATCH
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ನಾಗಮಂಗಲ ಗಣಪತಿ ಗಲಾಟೆ ಪ್ರಕರಣ ಸರ್ಕಾರದ ವಿರುದ್ಧ ಸಿ.ಟಿ.ರವಿ ವಾಗ್ದಾಳಿ
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.