ತುಟ್ಟಿಯಾಗಲಿವೆ ಕಾರು

Team Udayavani, Jul 14, 2023, 7:32 AM IST

ಹೊಸದಿಲ್ಲಿ: ಬಹು ಉದ್ದೇಶಗಳ ವಾಹನ (ಮಲ್ಟಿಪರ್ಪಸ್‌ ಯುಟಿಲಿಟಿ ವೆಹಿಕಲ್‌- ಎಂಪಿವಿ) ಖರೀದಿ ಇರಾದೆ ಇದ್ದರೆ ನಿಮಗೆ ನಿರಾಸೆ ಕಾದಿದೆ. ಇತ್ತೀಚೆಗೆ ಮುಕ್ತಾಯವಾದ ಜಿಎಸ್‌ಟಿ ಮಂಡಳಿ ಸಭೆಯಲ್ಲಿ 4,000 ಮಿ.ಮೀ. ಉದ್ದ, 1,500 ಸಿಸಿಗಿಂತ ಹೆಚ್ಚು ಸಾಮರ್ಥ್ಯ ಇರುವ ವಾಹನಗಳಿಗೆ ಮೇಲ್ತೆರಿಗೆ ಪ್ರಮಾಣವನ್ನು ಶೇ. 20ರಿಂದ ಶೇ. 22, ಜಿಎಸ್‌ಟಿಯನ್ನು ಶೇ. 28ಕ್ಕಿಂತ ಏರಿಕೆ ಮಾಡಿದ್ದು, ಇಂತಹ ವಾಹನಗಳ ಉತ್ಪಾದಕರು ಬೆಲೆ ಏರಿಕೆ ಬಗ್ಗೆ ಶೀಘ್ರದಲ್ಲಿಯೇ ಘೋಷಣೆ ಮಾಡುವ ಸಾಧ್ಯತೆಗಳು ಇವೆ.

ಬೆಲೆ ಹೆಚ್ಚಳವಾಗಬಲ್ಲ ಸಂಭಾವ್ಯ ವಾಹನಗಳೆಂದರೆ ಟೊಯೋಟಾದ ಇನ್ನೋವಾ ಕ್ರಿಸ್ಟಾ, ಹೈಕ್ರಾಸ್‌ ಪೆಟ್ರೋಲ್‌, ಮಾರುತಿ-ಸುಜುಕಿಯ ಇನ್ವಿಕ್ಟೋ ಎನ್ನಲಾಗುತ್ತಿದೆ. ಮೇಲ್ತೆರಿಗೆ ಹೆಚ್ಚಳ ಎಸ್‌ಯುವಿ, ಎಂಯುವಿ ಅಥವಾ ಎಂಪಿವಿಗಳಿಗೆ ಅನ್ವಯವಾಗಲಿದೆ.