Sagara: ಡ್ರಮ್ ಉರುಳಿಸುವ ಆಟದಲ್ಲಿ ಮಗು ಅಸ್ವಸ್ಥ

Team Udayavani, Jul 16, 2023, 7:37 AM IST

ಸಾಗರ: ಇಲ್ಲಿನ ಶಿವಮೊಗ್ಗ ರಸ್ತೆಯಲ್ಲಿರುವ ಮರ್ಕಜಲ್ ಉಲುಂ ಶಿಕ್ಷಣ ಸಂಸ್ಥೆಯ ಶಾಲೆಯೊಂದರಲ್ಲಿ ಮಕ್ಕಳು ಡ್ರಮ್ ಉರುಳಿಸುವ ಆಟದಲ್ಲಿ ಭಾಗಿಯಾಗಿದ್ದಾಗ ಸೈಯದ್ ಯೂಸೂಫ್ ಎಂಬ ಒಂದನೇ ತರಗತಿ ಬಾಲಕ ಅಸ್ವಸ್ಥಗೊಂಡಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

ಈ ಪ್ರಕರಣದ ಕುರಿತು ಬಾಲಕನ ತಂದೆ ಇಬ್ರಾಹಿಂ ನಗರ ಠಾಣೆಗೆ ನೀಡಿರುವ ದೂರಿನ ಆಧಾರದ ಮೇಲೆ ಶಾಲೆಯ ಶಿಕ್ಷಕರು ಹಾಗೂ ಆಡಳಿತ ಮಂಡಳಿಯ 11 ಜನರ ವಿರುದ್ಧ ನಿರ್ಲಕ್ಷ್ಯದ ಆರೋಪದಲ್ಲಿ ಪ್ರಕರಣ ದಾಖಲಾಗಿದೆ.

ಶಾಲೆಯಲ್ಲಿ ಆಟಕ್ಕೆ ಬಿಟ್ಟ ಸಮಯದಲ್ಲಿ ಸೈಯದ್ ಯೂಸೂಫ್‌ನನ್ನು ಕೆಲವು ವಿದ್ಯಾರ್ಥಿಗಳು ಡ್ರಮ್‌ನಲ್ಲಿ ಇಳಿಸಿ ಉರುಳಿಸುವ ಆಟ ಆಡಿದ್ದರಿಂದ ಯೂಸೂಫ್ ಅಸ್ವಸ್ಥಗೊಂಡಿರುವುದಾಗಿ ಆರೋಪಿಸಿ ಬಾಲಕನ ತಂದೆ ಇಬ್ರಾಹಿಂ ದೂರು ನೀಡಿದ್ದಾರೆ.

ಬಾಲಕನನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಮಣಿಪಾಲದ ಆಸ್ಪತ್ರೆಗೆ ದಾಖಲಿಸಲಾಗಿದೆ.