Hunsur: ಆಕಸ್ಮಿಕ ಬೆಂಕಿ; ತಂಬಾಕು ಭಸ್ಮ, ಬ್ಯಾರನ್ ಹಾನಿ, 3 ಲಕ್ಷ ರೂ. ನಷ್ಟ

Team Udayavani, Jul 17, 2023, 7:57 AM IST

ಹುಣಸೂರು: ತಂಬಾಕು ಹದ ಮಾಡುತ್ತಿದ್ದ ವೇಳೆ ಆಕಸ್ಮಿಕವಾಗಿ ಬೆಂಕಿ ಬಿದ್ದು, ತಂಬಾಕು ಭಸ್ಮವಾಗಿ ಬ್ಯಾರನ್ ಮೇಲ್ಚಾವಣಿ ಸಂಪೂರ್ಣ ಹಾನಿಯಾಗಿದ್ದು, ಅಂದಾಜು 3 ಲಕ್ಷ ರೂ. ನಷ್ಟ ಸಂಭವಿಸಿದೆ.

ತಾಲೂಕಿನ ಹನಗೊಡು ಹೋಬಳಿಯ ಕಾಮಗೌಡನಹಳ್ಳಿ ಗ್ರಾಮದಲ್ಲಿ ಘಟನೆ ಸಂಭವಿಸಿದ್ದು, ಶನಿವಾರದಂದು ಹೊಗೆಸೊಪ್ಪು ಹದ ಮಾಡಲು ಬ್ಯಾರನ್‌ಗೆ ಏರಿಸಿದ್ದ ವೇಳೆ ಆಕಸ್ಮಿವಾಗಿ ಬೆಂಕಿ ತಗುಲಿ ದಟ್ಟ ಹೊಗೆ ಆವರಿಸಿದ್ದನ್ನು ಕಂಡು ಅಗ್ನಿಶಾಮಕ ದಳಕ್ಕೆ ಮಾಹಿತಿ ನೀಡಿದ ಮೇರೆಗೆ ಸ್ಥಳಕ್ಕಾಗಮಿಸುವಷ್ಟರಲ್ಲಿ ಅದಾಗಲೆ ಬ್ಯಾರನ್‌ನಲ್ಲಿದ್ದ ಹೊಗೆಸೊಪ್ಪು ಬೆಂಕಿ ಗಾಹುತಿಯಾಗಿತ್ತು.

ಘಟನೆಯ ಪರಿಣಾಮ ಮೇಲ್ಚಾವಣಿ ಸಂಪೂರ್ಣ ಹಾನಿಯಾಗಿದ್ದು, ಸುಮಾರು 3 ಲಕ್ಷ ರೂ. ನಷ್ಟ ಸಂಭವಿಸಿದೆ. ನಷ್ಟಕ್ಕೊಳಗಾದ ಬೆಳೆಗಾರನಿಗೆ ತಂಬಾಕು ಮಂಡಳಿ ವತಿಯಿಂದ ಸೂಕ್ತ ಪರಿಹಾರ ಕೊಡಿಸುವಂತೆ ಗ್ರಾಮದ ಚಂದ್ರ ನಾಯಕ ಒತ್ತಾಯಿಸಿದ್ದಾರೆ.