Supreme Court ಬಿಲ್ಕಿಸ್‌ ಬಾನು ಪ್ರಕರಣ:  ಆ.7ಕ್ಕೆ ಅಂತಿಮ ವಿಚಾರಣೆ

Team Udayavani, Jul 18, 2023, 5:30 AM IST

ನವದೆಹಲಿ: ಬಿಲ್ಕಿಸ್‌ಬಾನು ಅತ್ಯಾಚಾರ ಪ್ರಕರಣದ 11 ಅಪರಾಧಿಗಳಿಗೆ ನೀಡಿರುವ ಕ್ಷಮಾದಾನವನ್ನು ಪ್ರಶ್ನಿಸಿ ಸಲ್ಲಿಕೆಯಾಗಿರುವ ಅರ್ಜಿಗಳ ಅಂತಿಮ ವಿಚಾರಣೆಯನ್ನು ಸುಪ್ರೀಂಕೋರ್ಟ್‌ ಆಗಸ್ಟ್‌ 7ಕ್ಕೆ ನಿಗದಿ ಪಡಿಸಿದೆ.

ನ್ಯಾಯಮೂರ್ತಿ ಬಿ.ವಿ.ನಾಗರತ್ನ ಹಾಗೂ ನ್ಯಾ.ಉಜ್ಜಲ್‌ ಭುಯಾನ್‌ ಅವರ ನ್ಯಾಯಪೀಠವು ಸೋಮವಾರ ಪ್ರಕರಣ ಸಂಬಂಧಿಸಿದಂತೆ ಸಲ್ಲಿಕೆಯಾಗಿದ್ದ ಎಲ್ಲಾ ಮನವಿಗಳ ಆಲಿಕೆ ಪೂರ್ಣಗೊಂಡಿರುವುದಾಗಿ ತಿಳಿಸಿದೆ. ಅಲ್ಲದೇ, ದಾಖಲಾಗಿರುವ ಎಲ್ಲಾ ಅರ್ಜಿಗಳಲ್ಲಿನ ಪ್ರತಿವಾದಿಗಳಿಗೂ ಪ್ರತ್ಯಕ್ಷ ಹಾಗೂ ಪತ್ರಿಕೆಗಳ ಮೂಲಕ ಪರೋಕ್ಷವಾಗಿ ನೋಟಿಸ್‌ ಜಾರಿಗೊಳಿಸಲಾಗಿದೆ. ಈ ಹಿನ್ನೆಲೆಯಲ್ಲಿ ಅಂತಿಮ ವಿಚಾರಣೆಯನ್ನು ಆ.7ಕ್ಕೆ ನ್ಯಾಯಪೀಠ ನಿಗದಿ ಪಡಿಸಿದ್ದು, ಎಲ್ಲ ವಾದಿ-ಪ್ರತಿವಾದಿಗಳೂ ಈ ಕುರಿತಾದ ಪ್ರತಿಕ್ರಿಯೆಯನ್ನು ಸೂಕ್ತ ದಿನಾಂಕದ ವೇಳೆಗೆ ಸಲ್ಲಿಸಬೇಕೆಂದೂ ನ್ಯಾಯಪೀಠ ಸೂಚಿಸಿದೆ.