ಮಣಿಪುರ ಮಾತ್ರವಲ್ಲ, ರಾಜಸ್ಥಾನವೂ ಮಹಿಳೆಯರ ಸುರಕ್ಷತೆಯಲ್ಲಿ ವಿಫಲ

Team Udayavani, Jul 21, 2023, 7:41 PM IST

ಜೈಪುರ: “ಮಹಿಳಾ ಸುರಕ್ಷತೆಯಲ್ಲಿ ನಾವು ವಿಫಲರಾಗಿದ್ದೇವೆ ಎಂಬುದು ನಿಜ ಮತ್ತು ಒಪ್ಪಿಕೊಳ್ಳಬೇಕು ಎಂದು ರಾಜಸ್ಥಾನದ ಸಚಿವ ಮತ್ತು ಕಾಂಗ್ರೆಸ್ ನಾಯಕ ರಾಜೇಂದ್ರ ಸಿಂಗ್ ಗುಧಾ ಅವರು ವಿಧಾನಸಭೆಯಲ್ಲಿ ಹೇಳಿಕೆ ನೀಡಿ ಕಾಂಗ್ರೆಸ್ ಪಕ್ಷಕ್ಕೆ ಮುಜುಗರ ಉಂಟುಮಾಡಿದ್ದಾರೆ.

ಮಣಿಪುರದ ಬದಲಿಗೆ, ರಾಜಸ್ಥಾನದಲ್ಲಿ ಮಹಿಳೆಯರ ಮೇಲಿನ ದೌರ್ಜನ್ಯಗಳು ಹೆಚ್ಚಾಗಿರುವುದನ್ನು ನಾವು ನಮ್ಮೊಳಗೆ ನೋಡಬೇಕು”ಎಂದು ಗುಧಾ ಆಕ್ರೋಶ ಹೊರ ಹಾಕಿದ್ದಾರೆ.

#WATCH | Rajasthan Minister & Congress leader Rajendra Singh Gudha says, “It is true & should be accepted that we have failed in women’s safety. Instead of Manipur, we should look within ourselves that atrocities on women have increased in Rajasthan.”

(Source: Rajasthan… pic.twitter.com/uwStRuzmju

— ANI MP/CG/Rajasthan (@ANI_MP_CG_RJ) July 21, 2023

ಸಚಿವ ಶೇಖಾವತ್ ಆಕ್ರೋಶ

ಮಹಿಳೆಯರ ಮೇಲಿನ ಅಪರಾಧಗಳಲ್ಲಿ ರಾಜಸ್ಥಾನ ಮೊದಲ ಸ್ಥಾನದಲ್ಲಿದೆ. ಮಾಧ್ಯಮ ವರದಿಗಳ ಪ್ರಕಾರ, ಪ್ರತಿದಿನ ಸುಮಾರು 17-18 ಅತ್ಯಾಚಾರ ಪ್ರಕರಣಗಳು ದಾಖಲಾಗುತ್ತಿವೆ. ಪ್ರತಿದಿನ ಸುಮಾರು 5-7 ಕೊಲೆ ಪ್ರಕರಣಗಳು ರಾಜಸ್ಥಾನದಲ್ಲಿ ವರದಿಯಾಗುತ್ತವೆ ಎಂದು ಕೇಂದ್ರ ಸಚಿವ ಗಜೇಂದ್ರ ಸಿಂಗ್ ಶೇಖಾವತ್ ಆಕ್ರೋಶ ಹೊರ ಹಾಕಿದ್ದಾರೆ.

ಸಿಎಂ ಅಶೋಕ್ ಗೆಹ್ಲೋಟ್ ಮಾಧ್ಯಮಗಳೊಂದಿಗೆ ಮಾತನಾಡುತ್ತಾ, ಹೆಚ್ಚಿನ ಅತ್ಯಾಚಾರ ಅಪರಾಧಗಳನ್ನು ಸಂಬಂಧಿಕರು ಮಾಡುತ್ತಾರೆ. ದುರದೃಷ್ಟವಶಾತ್ ಅವರು ಇದನ್ನು ಹೇಳುತ್ತಿರುವಾಗ ಇತರ ಕಾಂಗ್ರೆಸ್ ನಾಯಕರು ನಗುತ್ತಿದ್ದರು ಮತ್ತು ಮೇಜುಗಳನ್ನು ಬಡಿದುಕೊಳ್ಳುತ್ತಿದ್ದರು ಎಂದು ಶೇಖಾವತ್ ಕಿಡಿ ಕಾರಿದ್ದಾರೆ.