Video: ಜನನಿಬಿಡ ಪ್ರದೇಶದಲ್ಲೇ ಹೊತ್ತಿ ಉರಿದ BMW ಕಾರು… ಕ್ಷಣಾರ್ಧದಲ್ಲೇ ಸುಟ್ಟು ಕರಕಲು

Team Udayavani, Jul 25, 2023, 1:28 PM IST

ಚೆನ್ನೈ: ಜನನಿಬಿಡ ಪ್ರದೇಶದಲ್ಲಿ ಐಷಾರಾಮಿ ಕಾರೊಂದು ಹೊತ್ತಿ ಉರಿದ ಘಟನೆಯೊಂದು ಚೆನ್ನೈ ನ ಕ್ರೋಮ್‌ಪೇಟೆ ಬಳಿ ಸಂಭವಿಸಿದೆ.

ಟ್ರಿಪ್ಲಿಕೇನ್‌ನಿಂದ ದಿಂಡಿವನಂಗೆ ಪ್ರಯಾಣಿಸುತ್ತಿದ್ದ 37 ವರ್ಷದ ಅರುಣ್ ಬಾಲಾಜಿ ಅವರಿಗೆ ಸೇರಿದ ಬಿಎಂಡಬ್ಲ್ಯು ಜಿಟಿ ಕಾರೊಂದು ಕ್ರೋಮ್‌ಪೇಟೆ ಬಳಿ ಬೆಂಕಿಗೆ ಆಹುತಿಯಾದ ಆಘಾತಕಾರಿ ಘಟನೆ ಸಂಭವಿಸಿದೆ.

ಅರುಣ್ ಬಾಲಾಜಿ ಅವರ ಚಾಲಕ ಪಾರ್ಥಸಾರಥಿ ಕಾರು ಚಲಾಯಿಸುತ್ತಿದ್ದ ವೇಳೆ ಕ್ರೋಮ್‌ಪೇಟೆ ಬಸ್ ನಿಲ್ದಾಣದ ಬಳಿ ತಲುಪುತ್ತಿದ್ದಂತೆ ಕಾರಿನಲ್ಲಿ ಏಕಾಏಕಿ ಹೊಗೆ ಹೊರಹೊಮ್ಮಲು ಪ್ರಾರಂಭಿಸಿ ಬೆಂಕಿ ಆವರಿಸಿದೆ.

ಕಾರಿನಲ್ಲಿದ್ದವರು ಕಾರಿನಿಂದ ಕೆಳಗಿಳಿದ ಕೆಲವೇ ಕ್ಷಣಗಳಲ್ಲಿ ಬಿಎಂಡಬ್ಲ್ಯು ಬೆಂಕಿಗೆ ಆಹುತಿಯಾಗಿದೆ. ಘಟನೆಯಿಂದ ಕೆಲ ಹೊತ್ತು ವಾಹನ ಸಂಚಾರ ಸ್ಥಗಿತಗೊಂಡಿತು.

ಘಟನೆ ನಡೆದ ಕೂಡಲೇ ಅಗ್ನಿ ಶಾಮಕ ವಾಹನ ಸ್ಥಳಕ್ಕೆ ದಾವಿಸಿದ್ದರೂ ಅಷ್ಟೋತ್ತಿಗಾಗಲೇ ಕಾರು ಸಂಪೂರ್ಣ ಸುಟ್ಟು ಕರಕಲಾಗಿದೆ. ಕಾರು ಹೊತ್ತಿ ಉರಿಯುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿವೆ.

BMW car caught fire at Chrompet, Chennai.

A moving high-end car (BMW GT) caught fire in the middle of a busy road near Chrompet in Chennai.#CHENNAI #BMWCAR #BMWGT #CHROMPET pic.twitter.com/y3gq5uufsE

— Nitesh rathore (@niteshr813) July 25, 2023