IIT: 8,000ಕ್ಕೂ ಹೆಚ್ಚು ಮಂದಿ ಡ್ರಾಪ್‌ಔಟ್‌

Team Udayavani, Jul 27, 2023, 8:38 PM IST

ನವದೆಹಲಿ: ಜೆಇಇ ಮೇನ್ಸ್‌ ಮತ್ತು ಅಡ್ವಾನ್ಸ್‌ ಕಠಿಣ ಪರೀಕ್ಷೆಯ ನಂತರ ಪ್ರತಿ ವರ್ಷ ಸಾವಿರಾರು ವಿದ್ಯಾರ್ಥಿಗಳು ದೇಶದ ಐಐಟಿಗಳಿಗೆ ಪ್ರವೇಶ ಪಡೆಯುತ್ತಾರೆ.

ಆದರೆ ರಾಜ್ಯಸಭೆಗೆ ಕೇಂದ್ರ ಶಿಕ್ಷಣ ಸಚಿವಾಲಯ ಸಲ್ಲಿಸಿರುವ ಮಾಹಿತಿ ಪ್ರಕಾರ, 2019ರಿಂದ 2023ರ ಅವಧಿಯಲ್ಲಿ 8,000ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಐಐಟಿಗಳಿಂದ ಡ್ರಾಪ್‌ ಔಟ್‌ ಆಗಿದ್ದಾರೆ. ಅಲ್ಲದೇ ಈ ಅವಧಿಯಲ್ಲಿ 39 ವಿದ್ಯಾರ್ಥಿಗಳು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಕೇಂದ್ರೀಯ ವಿಶ್ವವಿದ್ಯಾಲಯಗಳು, ಐಐಟಿ, ಐಐಎಂ, ಎನ್‌ಐಟಿ, ಐಐಎಸ್‌ಇಆರ್‌ ಸೇರಿದಂತೆ ದೇಶದ ಉನ್ನತ ಶಿಕ್ಷಣ ಸಂಸ್ಥೆಗಳಲ್ಲಿ ಈ ಅವಧಿಯಲ್ಲಿ ಒಟ್ಟು 98 ಮಂದಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಈ ಪೈಕಿ ಐಐಟಿಗಳು(39), ಎನ್‌ಐಟಿ(25), ಕೇಂದ್ರೀಯ ವಿವಿಗಳು(25), ಐಐಎಂ(4), ಐಐಎಸ್‌ಇಆರ್‌(3) ಮತ್ತು ಐಐಐಟಿಗಳಲ್ಲಿ ಇಬ್ಬರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.