ಕಾಂಗ್ರೆಸ್‌: ವಿಧಾನಸಭೆ ಚುನಾವಣೆಗಳ ವೀಕ್ಷಕರ ನೇಮಕ

Team Udayavani, Jul 31, 2023, 10:44 PM IST

ನವದೆಹಲಿ: ಮುಂಬರುವ ವಿಧಾನಸಭೆ ಚುನಾವಣೆಗಳ ಹಿನ್ನೆಲೆಯಲ್ಲಿ ರಾಜಸ್ಥಾನ, ಮಧ್ಯಪ್ರದೇಶ, ಛತ್ತೀಸಗಢ, ತೆಲಂಗಾಣ ಮತ್ತು ಮಿಜೋರಾಮ್‌ಗೆ ಚುನಾವಣಾ ವೀಕ್ಷಕರನ್ನು ಕಾಂಗ್ರೆಸ್‌ ನೇಮಿಸಿದೆ. ರಾಜಸ್ಥಾನದ ಹಿರಿಯ ಚುನಾವಣಾ ವೀಕ್ಷಕರಾಗಿ ಮಧುಸೂದನ ಮಿಸ್ತ್ರಿ, ವೀಕ್ಷಕರಾಗಿ ಶಶಿಕಾಂತ್‌ ಸೆಂಥಿಲ್‌, ಮಧ್ಯಪ್ರದೇಶದ ಹಿರಿಯ ಚುನಾವಣಾ ವೀಕ್ಷಕರಾಗಿ ರಣದೀಪ್‌ ಸಿಂಗ್‌ ಸುರ್ಜೇವಾಲಾ, ವೀಕ್ಷಕರಾಗಿ ಚಂದ್ರಕಾಂತ್‌ ಹಂದೋರ್‌, ಛತ್ತೀಸಗಢದ ಹಿರಿಯ ಚುನಾವಣಾ ವೀಕ್ಷಕರಾಗಿ ಪ್ರೀತಮ್‌ ಸಿಂಗ್‌, ವೀಕ್ಷಕರಾಗಿ ಮೀನಾಕ್ಷಿ ನಟರಾಜನ್‌ ಅವರನ್ನು ಕಾಂಗ್ರೆಸ್‌ ನೇಮಿಸಿದೆ. ಅದೇ ರೀತಿ ತೆಲಂಗಾಣದ ಹಿರಿಯ ಚುನಾವಣಾ ವೀಕ್ಷಕರಾಗಿ ದೀಪಾ ದಾಸ್‌ಮುನ್ಶಿ, ವೀಕ್ಷಕರಾಗಿ ಡಾ.ಸಿರಿವೆಲ್ಲಾ ಪ್ರಸಾದ್‌ ಹಾಗೂ ಮಿಜೋರಾಮ್‌ ವೀಕ್ಷಕರಾಗಿ ಸಚಿನ್‌ ರಾವ್‌ ಅವರನ್ನು ನೇಮಿಸಲಾಗಿದೆ.