ಪತಿಯ ಬಳಿ ಹೇಳದೆ ಬಿಕಿನಿ ಫೋಟೋ ಪೋಸ್ಟ್‌ ಮಾಡಿದ ದೀಪಿಕಾ: ʼಎಚ್ಚರಿಕೆʼಯ ಕಮೆಂಟ್‌ ಮಾಡಿದ ಪತಿ

Team Udayavani, Aug 1, 2023, 3:14 PM IST

ಮುಂಬಯಿ: ಬಾಲಿವುಡ್‌ ನ ಹಾಟ್‌ & ಸ್ವೀಟ್‌ ಕಪಲ್‌ ಗಳಲ್ಲಿ ರಣವೀರ್‌ – ದೀಪಿಕಾ ಪಡುಕೋಣೆ ಜೋಡಿಯೂ ಒಂದು. ಇಬ್ಬರು ತಮ್ಮ ತಮ್ಮ ಸಿನಿಮಾಗಳಲ್ಲಿ ಬಿಟೌನ್‌ ನಲ್ಲಿ ಬ್ಯುಸಿಯಾಗಿದ್ದಾರೆ.

ಬಿಟೌನ್‌ ನ ʼರಾಮ್‌ – ಲೀಲಾʼ ಒಂದಲ್ಲ ಒಂದು ವಿಚಾರಕ್ಕೆ ಇಂಟರ್‌ ನೆಟ್‌ ಸುದ್ದಿಯಲ್ಲಿರುತ್ತಾರೆ. ದೀಪಿಕಾ – ರಣವೀರ್‌ ಇಬ್ಬರು ಸೋಶಿಯಲ್‌ ಮೀಡಿಯಾದಲ್ಲಿ ಅಪಾರ ಫಾಲೋವರ್ಸ್‌ ಗಳನ್ನು ಹೊಂದಿದ್ದಾರೆ. ಅವರು ಏನೇ ಪೋಸ್ಟ್‌ ಮಾಡಿದ್ದರೂ ಅದು ಟ್ರೆಂಡ್‌ ಆಗುವ ಮಟ್ಟಿಗೆ ಸುದ್ದಿಯಾಗುತ್ತದೆ.

ಇತ್ತೀಚೆಗೆ ನಟಿ ದೀಪಿಕಾ ಪಡುಕೋಣೆ ಅವರು ತಮ್ಮ ಇನ್ಸ್ಟಾಗ್ರಾಮ್‌ ನಲ್ಲಿ ಹಾಟ್‌ ಫೋಟೋವೊಂದನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋ ವೈರಲ್‌ ಆಗುವುದರ ಜೊತೆಗೆ ಇದಕ್ಕೆ ಅವರ ಪತಿ ರಣವೀರ್‌ ಅವರು ಮಾಡಿದ ಕಮೆಂಟ್‌ ಕೂಡ ಬಿಟೌನ್‌ ಅಭಿಮಾನಿಗಳ ವಲಯದಲ್ಲಿ ಸದ್ದು ಮಾಡಿದೆ.

ನಟಿ ದೀಪಿಕಾ ವೈಟ್‌ & ಬ್ಲ್ಯಾಕ್‌ ಬಣ್ಣದ ಬಿಕಿನಿ ಧರಿಸನ್ನು ಹಾಕಿಕೊಂಡು ಪೋಸ್‌ ನಲ್ಲಿ “ಒಂದಾನೊಂದು ಕಾಲದಲ್ಲಿ, ತುಂಬಾ ಹಳೆಯದೇನಲ್ಲ” ಎಂದು ಕ್ಯಾಪ್ಷನ್‌ ಕೊಟ್ಟಿದ್ದಾರೆ. ಈ ಫೋಟೋಗೆ ಲಕ್ಷಾಂತರ ಲೈಕ್‌ ಹಾಗೂ ಸಾವಿರಾರು ಕಮೆಂಟ್‌ ಗಳು ಬಂದಿದೆ. ಇದರಲ್ಲಿ ದೀಪಿಕಾ ಅವರ ಪತಿ ರಣವೀರ್‌ ಮಾಡಿರುವ ಕಮೆಂಟ್‌ ಗಮನ ಸೆಳೆದಿದೆ.

ಪತ್ನಿ ದೀಪಿಕಾ ಹಾಕಿರುವ ಫೋಟೋವನ್ನು ನೋಡಿ ರಣವೀರ್‌ “ಒಂದು ಎಚ್ಚರಿಕೆ ನೀಡಿದ್ದರೆ ಚೆನ್ನಾಗಿರುತ್ತಿತ್ತು” ಎಂದು ಫೋಟೋ ಹಾಕುವ ಮುನ್ನ ಪತಿಯ ಬಳಿ ಕೇಳಿದ್ದರೆ ಚೆನ್ನಾಗಿರುತ್ತಿತ್ತು ಎನ್ನುವ ಅರ್ಥದಲ್ಲಿ ಕಮೆಂಟ್‌ ಮಾಡಿದ್ದಾರೆ. ಈ ಕಮೆಂಟ್‌ ನ್ನು ಅನೇಕರು ಮೆಚ್ಚಿಕೊಂಡಿದ್ದು, ಪತ್ನಿಯ ಮೇಲಿನ ರಣವೀರ್‌ ಅವರ ಪ್ರೀತಿಯನ್ನು ಕೊಂಡಾಡಿದ್ದಾರೆ.

ಇತ್ತೀಚೆಗೆ ನಟಿ ದೀಪಿಕಾ ಪತಿ ರಣವೀರ್‌ ಅವರ ʼರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿʼ ಚಿತ್ರವನ್ನು ನೋಡಲು ಎಕ್ಸೈಟ್‌ ಆಗಿದ್ದೇನೆ ಎಂದಿದ್ದರು.

ಸದ್ಯ ರಣವೀರ್‌ ʼರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿʼ ಸಿನಿಮಾಕ್ಕೆ ಬರುತ್ತಿರುವ ಪ್ರತಿಕ್ರಿಯೆಯಿಂದ ಖುಷಿಯಾಗಿದ್ದಾರೆ. ದೀಪಿಕಾ ಶಾರುಖ್‌ ಖಾನ್‌ ಅವರ ʼಜವಾನ್ʼ ಸಿನಿಮಾದಲ್ಲಿ ವಿಶೇಷ ಪಾತ್ರದಲ್ಲಿ ನಟಿಸಿದ್ದಾರೆ. ಇದಲ್ಲದೇ ಅವರು ಮುಂದೆ ಪ್ಯಾನ್‌ ಇಂಡಿಯಾ ʼಕಲ್ಕಿ 2898 ಎಡಿ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.