Delhi ; 3 ಸಾವಿರಕ್ಕಾಗಿ ಹಾಡಹಗಲೇ ನಡುರಸ್ತೆಯಲ್ಲಿ ಬರ್ಬರ ಹತ್ಯೆ ; Video Viral

Team Udayavani, Aug 2, 2023, 9:41 PM IST

ಹೊಸದಿಲ್ಲಿ: ದಕ್ಷಿಣ ದೆಹಲಿಯ ಟಿಗ್ರಿ ಪ್ರದೇಶದಲ್ಲಿ ಬುಧವಾರ 21 ವರ್ಷದ ಯುವಕನನ್ನು ಕೇವಲ 3 ಸಾವಿರ ರೂ.ಹಣಕಾಸು ವ್ಯವಹಾರಕ್ಕೆ ಸಂಬಂಧಿಸಿ ಬರ್ಬರವಾಗಿ ಇರಿದು ಹತ್ಯೆ ಗೈಯಲಾಗಿದೆ. ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

ಶಾರುಖ್ ಎಂದು ಗುರುತಿಸಲಾದ ಆರೋಪಿಯು ಅಂಗಡಿಯೊಂದರ ಹೊರಗೆ ಯೂಸುಫ್‌ ಎಂಬಾತನನ್ನು ಪದೇ ಪದೇ ಇರಿದು ಹತ್ಯೆ ಗೈದಿರುವ ದೃಶ್ಯ ವಿಡಿಯೋ ದಲ್ಲಿ ಕಂಡು ಬಂದಿದೆ.

ರಸ್ತೆಯಲ್ಲಿದ್ದ ಜನರು ಆರೋಪಿಯನ್ನು ಹಿಗ್ಗಾಮುಗ್ಗಾ ಥಳಿಸಿದ ಕಾರಣ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಹತ್ಯೆಗೀಡಾದವನ ತಂದೆ ನೀಡಿದ ದೂರಿನ ಮೇರೆಗೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

”ಶಾರುಖ್ ನಿಂದ ನನ್ನ ಮಗ 3,000 ರೂ ಸಾಲ ಪಡೆದಿದ್ದ, ಅದನ್ನು ಹಿಂದಕ್ಕೆ ನೀಡುವಂತೆ ನಿರಂತರವಾಗಿ ಒತ್ತಾಯಿಸುತ್ತಿದ್ದ, ಮತ್ತು ಬೆದರಿಕೆಯನ್ನೂ ಹಾಕಿದ್ದ” ಎಂದು ಯೂಸುಫ್‌ ತಂದೆ ಸಾಹಿದ್ ಪ್ರತಿಕ್ರಿಯಿಸಿದ್ದಾರೆ.