Goa: ಗೋವಾದಲ್ಲಿ ಎರಡು ಜಾಕ್ ರಸೆಲ್ ಟೆರಿಯರ್ ನಾಯಿಮರಿಗಳನ್ನು ಖರೀದಿಸಿದ ರಾಹುಲ್ ಗಾಂಧಿ

Team Udayavani, Aug 4, 2023, 5:03 PM IST

ಪಣಜಿ:  ಕಾಂಗ್ರೆಸ್ ಹಿರಿಯ ನಾಯಕ ರಾಹುಲ್ ಗಾಂಧಿ  ಗೋವಾಕ್ಕೆ ಆಗಮಿಸಿದ್ದು,  ರಾಹುಲ್ ಗಾಂಧಿ ಅವರು ಸಾಮಾಜಿಕ ಕಾರ್ಯಕರ್ತ ಮತ್ತು ಅನಿಮಲ್ ಕಿಂಗ್‍ಡಮ್ ಪೆಟ್ ಶಾಪ್ ಸರ್ವೇಯರ್ ಸ್ಟಾನ್ಲಿ ಬ್ರಗಾಂಜಾ ಅವರಿಂದ ಎರಡು ಜಾಕ್ ರಸ್ಸೆಲ್ ಟೆರಿಯರ್ ನಾಯಿಮರಿಗಳನ್ನು ಖರೀದಿಸಿದ್ದಾರೆ.

ಕೆಲವು ದಿನಗಳ ಹಿಂದೆ, ರಾಹುಲ್ ಗಾಂಧಿಯವರ ಕಚೇರಿಯು ಸ್ಟಾನ್ಲಿಯನ್ನು ಸಂಪರ್ಕಿಸಿ ಜಾಕ್ ರಸ್ಸೆಲ್ ಟೆರಿಯರ್ ಬಗ್ಗೆ ವಿಚಾರಿಸಿತ್ತು. ರಾಹುಲ್ ಗಾಂಧಿ ಈ ತಳಿಯ ಎರಡು ನಾಯಿಮರಿಗಳನ್ನು ತಮ್ಮೊಂದಿಗೆ ಕರೆದುಕೊಂಡು ಹೋಗಿದ್ದರು. ಜಾಕ್ ರಸ್ಸೆಲ್ ಟೆರಿಯರ್ ಗೋವಾದಲ್ಲಿ ಮಾತ್ರ ಕಂಡುಬರುತ್ತದೆ.

ಜ್ಯಾಕ್ ರಸ್ಸೆಲ್ ಟೆರಿಯರ್‌ಗಳ ವಿಶೇಷತೆ ಏನು?
ಜ್ಯಾಕ್ ರಸ್ಸೆಲ್ ಟೆರಿಯರ್ ಇಂಗ್ಲೆಂಡಿನ ನಾಯಿಗಳ ತಳಿಯಾಗಿದೆ. ನರಿಗಳನ್ನು ಬೇಟೆಯಾಡಲು ಈ ನಾಯಿಗಳು ಚುರುಕು.  ಜಾಕ್ ರಸ್ಸೆಲ್ ಟೆರಿಯರ್ ನಾಯಿಯ ವಿಶೇಷ ತಳಿಯಾಗಿದ್ದು ಅದು ಉತ್ತಮ ದೃಷ್ಟಿ ಮತ್ತು ವಾಸನೆ ಗೃಹಿಕೆಯನ್ನು ಹೊಂದಿದ್ದು, ಇದು ಅತ್ಯಂತ ಬುದ್ಧಿವಂತ ತಳಿಯಾಗಿದೆ.

ಉಕ್ರೇನಿಯನ್ ಅಧ್ಯಕ್ಷ ವ್ಲಾಡಿಮಿರ್ ಝೆಲೆನ್ಸ್ಕಿ ಅವರಿಂದ ಪದಕವನ್ನು ಪಡೆದ ನಾಯಿಗಳ ತಳಿಗಳಾಗಿವೆ. ಝೆಲೆನ್ಸ್ಕಿ ಅವರು ಜ್ಯಾಕ್ ರಸ್ಸೆಲ್ ಟೆರಿಯರ್ ನಾಯಿಗಳಿಗೆ ಔಪಚಾರಿಕ ಸಮಾರಂಭದಲ್ಲಿ ಪ್ರಶಸ್ತಿಯನ್ನು ನೀಡಿದ್ದಾರೆ, ಇದು ರಷ್ಯಾದ ಪಡೆಗಳು ಹಾಕಿದ ಭೂ ಸುರಂಗಗಳನ್ನು ತೆರವುಗೊಳಿಸಲು ಸಹಾಯ ಮಾಡಿತು.

ರಾಹುಲ್ ಗಾಂಧಿ ಅವರು ಜಾಕ್ ರಸ್ಸೆಲ್ ಟೆರಿಯರ್ ಬಗ್ಗೆ ಆಸಕ್ತರಾಗಿದ್ದರು ಮತ್ತು ಅವರು ನನ್ನಿಂದ ನಾಯಿಮರಿಯನ್ನು ಪಡೆದರು. ಇದು ನನಗೆ ಮರೆಯಲಾಗದ ಕ್ಷಣ. ಬಾಲಿವುಡ್ ತಾರೆಯರಾದ ಕರಣ್ ಜೋಹರ್, ಕರೀನಾ ಕಪೂರ್ ಮತ್ತು ಕೆಲವು ಉದ್ಯಮಿಗಳು ಈ ಹಿಂದೆ ನನ್ನಿಂದ ನಾಯಿಮರಿಗಳನ್ನು ಖರೀದಿಸಿದ್ದಾರೆ. ಸ್ಟಾನ್ಲಿ ಬ್ರಗಾಂಜಾ ಹೇಳಿದರು.