Hockey; ಹಾಕಿ-5-0 ಜಯಭೇರಿ-ಮಲೇಷ್ಯಾ ಮೇಲೆ ಭಾರತ ಸವಾರಿ

Team Udayavani, Aug 6, 2023, 10:57 PM IST

ಚೆನ್ನೈ: ಮಲೇಷ್ಯಾ ಮೇಲೆ ಆಕ್ರಮಣಗೈದ ಆತಿಥೇಯ ಭಾರತ, ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ ಹಾಕಿ ಕೂಟದ ತನ್ನ 3ನೇ ಪಂದ್ಯದಲ್ಲಿ 5-0 ಗೋಲುಗಳ ಜಯಭೇರಿ ಮೊಳಗಿಸಿದೆ. ಈ ಫ‌ಲಿತಾಂಶದಿಂದ ಅಂಕಪಟ್ಟಿಯ ಅಗ್ರಸ್ಥಾನಕ್ಕೆ ನೆಗೆದಿದೆ.

ಇನ್ನೇನು ಮೊದಲ ಕ್ವಾರ್ಟರ್‌ ಮುಕ್ತಾಯವಾಗಬೇಕೆನ್ನುವಾಗಲೇ ಕಾರ್ತಿ ಸೆಲ್ವಂ ಗೋಲು ಸಿಡಿಸಿ ಭಾರತಕ್ಕೆ ಮುನ್ನಡೆ ತಂದಿತ್ತರು. ಅರ್ಧ ಹಾದಿ ಮುಗಿಯುವ ತನಕ ಭಾರತ ಇದೇ ಮುನ್ನಡೆ ಕಾಯ್ದುಕೊಂಡಿತು.

ತೃತೀಯ ಕ್ವಾರ್ಟರ್‌ನಲ್ಲಿ ಭಾರತ ಅವಳಿ ಗೋಲು ಬಾರಿಸಿ ಮುನ್ನುಗ್ಗಿತು. ಹಾರ್ದಿಕ್‌ ಸಿಂಗ್‌ ಮತ್ತು ನಾಯಕ ಹರ್ಮನ್‌ಪ್ರೀತ ಸಿಂಗ್‌ ಮಲೇಷ್ಯಾದ ಮೇಲೇರಿ ಹೋದರು. ಕೊನೆಯ ಕ್ವಾರ್ಟರ್‌ನಲ್ಲೂ ಭಾರತ ಆಕ್ರಮಣಕಾರಿ ಆಟವಾಡಿತು. ಗುರ್ಜಂತ್‌ ಸಿಂಗ್‌ ಮತ್ತು ಜುಗ್ರಾಜ್‌ ಸಿಂಗ್‌ ಗೋಲು ಬಾರಿಸುವಲ್ಲಿ ಯಶಸ್ವಿಯಾದರು. ಮೊದಲೆರಡು ಪಂದ್ಯ
ಗಳಿಗೆ ಹೋಲಿಸಿದರೆ ಭಾರತದ ಆಟದಲ್ಲಿ ಅಮೋಘ ಸುಧಾರಣೆ ಕಂಡುಬಂದಿತ್ತು.

ಡ್ರಾ ಸಾಧಿಸಿದ ಚೀನ
ಚೀನ-ಕೊರಿಯಾ ನಡುವಿನ ರವಿ ವಾರದ ಮೊದಲ ಪಂದ್ಯ 1-1 ಡ್ರಾದಲ್ಲಿ ಕೊನೆಗೊಂಡಿತು. ಇದರೊಂದಿಗೆ ಚೀನ ಅಂಕದ ಖಾತೆ ತೆರೆಯಿತು. ಚೀನದ ಮಟ್ಟಿಗೆ ಈ ಫ‌ಲಿತಾಂಶ ಅಮೋಘ ವಾದುದೆಂದೇ ಹೇಳಬೇಕು. ಏಕೆಂದರೆ, ಮೊದಲೆರಡು ಪಂದ್ಯಗಳಲ್ಲಿ ಅದು 12 ಗೋಲುಗಳನ್ನು ಬಿಟ್ಟುಕೊಟ್ಟಿತ್ತು.

ಪಾಕ್‌-ಜಪಾನ್‌ ಡ್ರಾ
ಪಾಕಿಸ್ಥಾನ-ಜಪಾನ್‌ ನಡುವಿನ ದಿನದ ದ್ವಿತೀಯ ಪಂದ್ಯ ಕೂಡ ಸ್ಪಷ್ಟ ಫ‌ಲಿತಾಂಶ ದಾಖಲಿಸುವಲ್ಲಿ ವಿಫ‌ಲ ವಾಯಿತು. ಈ ಪಂದ್ಯ 3-3ರಿಂದ ಡ್ರಾಗೊಂಡಿತು. ಪಂದ್ಯದ ಮುಕ್ತಾಯಕ್ಕೆ 5 ನಿಮಿಷವಿರುವಾಗ ಜಪಾನ್‌ 3-2ರ ಮುನ್ನಡೆಯಲ್ಲಿತ್ತು. ಮುಹಮ್ಮದ್‌ ಖಾನ್‌ ಬಾರಿಸಿದ ಗೋಲಿನ ನೆರವಿ ನಿಂದ ಪಾಕಿಸ್ಥಾನ ಸೋಲಿನಿಂದ ಪಾರಾಯಿತು.