WhatsApp: ವಾಟ್ಸ್‌ಆ್ಯಪ್‌ನಲ್ಲಿ ಲ್ಯಾಂಡ್‌ಸ್ಕೇಪ್‌ ಮೋಡ್‌ ಲಭ್ಯ

Team Udayavani, Aug 9, 2023, 8:01 PM IST

ವಾಷಿಂಗ್ಟನ್‌: ವಾಟ್ಸ್‌ಆ್ಯಪ್‌ ಬಳಕೆದಾರರು ವಿಡಿಯೊ ಕಾಲ್‌ ಮಾಡುವ ಸಂದರ್ಭದಲ್ಲಿ ಸ್ಕ್ರೀನ್‌ ಶೇರ್‌ ಮಾಡಬಹುದು ಹಾಗೂ ಲ್ಯಾಂಡ್‌ಸ್ಕೇಪ್‌ ಮೋಡ್‌ನ‌ ಅನುಭವವನ್ನು ಪಡೆಯಬಹುದು ಎಂದು ಮೆಟಾ ಸಿಇಒ ಮಾರ್ಕ್‌ ಜುಗರ್‌ಬರ್ಗ್‌ ತಿಳಿಸಿದ್ದಾರೆ.

ಬಹುದಿನಗಳ ಬೇಡಿಕೆ ಹಿನ್ನೆಲೆಯಲ್ಲಿ ಮೆಟಾ ಒಡೆತನದ ವಾಟ್ಸ್‌ಆ್ಯಪ್‌ ಈ ನೂತನ ಫೀಚರ್‌ಗಳನ್ನು ಪರಿಚಯಿಸಿದೆ. ಇದರಿಂದಾಗಿ ಇನ್ನೂ ಮುಂದೆ ಬಳಕೆದಾರರು ತಾವು ವಿಡಿಯೊ ಕಾಲ್‌ ಮಾಡುತ್ತಿರುವ ಸಂದರ್ಭದಲ್ಲೇ ತಮ್ಮ ಮೊಬೈಲ್‌ನ ಸ್ಕ್ರೀನ್‌ ಶಾಟ್‌ ಅನ್ನು ರವಾನಿಸಬಹುದಾಗಿದೆ. ಇದಕ್ಕಾಗಿ ವಿಡಿಯೊ ಕಾಲ್‌ ಸಂದರ್ಭದಲ್ಲಿ ಬಳಕೆದಾರರು “ಶೇರ್‌’ ಐಕಾನ್‌ ಮೇಲೆ ಕ್ಲಿಕ್‌ ಮಾಡಬಹುದು ಮತ್ತು ನಿಗದಿತ ಅಫ್ಲಿಕೇಶನ್‌ ಅಥವಾ ಇಡೀ ಸ್ಕ್ರೀನ್‌ ಅನ್ನು ಶೇರ್‌ ಮಾಡಬಹುದು. ಅಲ್ಲದೇ ಲ್ಯಾಂಡ್‌ಸ್ಕೇಪ್‌ ಮೋಡ್‌ನ‌ಲ್ಲಿ ವಾಟ್ಸ್‌ಆ್ಯಪ್‌ ವಿಡಿಯೊಗಳನ್ನು ವೀಕ್ಷಿಸಬಹುದಾಗಿದೆ ಎಂದು ಕಂಪನಿ ತಿಳಿಸಿದೆ.