Money: ಝೆರಾಕ್ಸ್‌ ನೋಟು ಬದಲಾಯಿಸಲು ಯತ್ನ: ಪ್ರಕರಣ ದಾಖಲು

Team Udayavani, Aug 13, 2023, 12:27 AM IST

ಕಾಸರಗೋಡು: ಎರಡು ಸಾವಿರ ಮುಖಬೆಲೆಯ ಝೆರಾಕ್ಸ್‌ ನೋಟುಗಳನ್ನು ಬ್ಯಾಂಕ್‌ನಲ್ಲಿ ಬದಲಾಯಿಸಲು ಪ್ರಯತ್ನಿಸಿದ ಆರೋಪದಲ್ಲಿ ಇಬ್ಬರ ವಿರುದ್ಧ ಬೇಕಲ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.

ಉದುಮ ನಿವಾಸಿಗಳಾದ ಅಶೋಕ್‌ ಕುಮಾರ್‌ ಮತ್ತು ಅನೂಪ್‌ ಆರೋಪಿಗಳು. ಇವರಿಗೆ ರಸ್ತೆಯಲ್ಲಿ ಪರ್ಸೊಂದು ಸಿಕ್ಕಿದ್ದು, ಅದರಲ್ಲಿ 2,000 ರೂ. ಮುಖಲೆಬೆಯ ಏಳು ಝೆರಾಕ್ಸ್‌ ನೋಟುಗಳಿದ್ದವು. ಅದನ್ನು ಬದಲಾಯಿಸಲು ಫೆಡರಲ್‌ ಬ್ಯಾಂಕ್‌ನ ಉದುಮ ಶಾಖೆಗೆ ಹೋಗಿದ್ದರು. ನೋಟುಗಳನ್ನು ಕಂಡು ಶಂಕೆಗೊಂಡ ಬ್ಯಾಂಕ್‌ ಸಿಬಂದಿ, ಈ ಬಗ್ಗೆ ಮ್ಯಾನೇಜರ್‌ಗೆ ತಿಳಿಸಿದರು. ಬಳಿಕ ಪೊಲೀಸರಿಗೆ ದೂರು ನೀಡಲಾಯಿತು. ಆರೋಪಿಗಳಿಗೆ ಅವು ನಕಲಿ ನೋಟುಗಳು ಎಂಬುದು ಗೊತ್ತಿತ್ತೇ ಇಲ್ಲವೇ ಎಂಬ ಬಗ್ಗೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.